我地又睇戲之﹣RIO2

短短既復活假咁話就完喇～最後一日當然都要玩返夠皮啦
搵D無咁刺激既野～就係睇戲囉
呢套戲小燑同阿祖一早就話想睇，見到POSTER就開始講
不過我地無睇上集，卡通片應該都會睇得明呀？！HAHA
食個早餐就去戲院JOIN埋熹＋桸先
祖B有D唔舒服，不過都無影響佢興奮既心情既
呢間超細既戲院岩晒我地呢D帶住小朋友既媽媽去啦
豬米燑睇到一半就話：MAMI叫公公買碟返屋企再睇多次丫
祖祖就由開場講到散場，真係成個講故佬咁。。。。
有可愛既鸚鵡～又唱歌～仲有咁多動物睇，好開心呀
估唔到阿祖仔咁細個都咁ENJOY睇戲！
真係睇得出你係一個百分百既電視迷啦～
睇完戲小燑開始唔係好精神咁，祖B都發燒
拿拿聲去睇中醫，叫醫生煲埋藥先得
因為我地仲要出去荃灣買野整甜品
山長水遠出到去阿祖就訓著左，直到返到屋企先醒
小燑都好叻女，坐車無暈車浪～
2個都食左藥早D訓準備明天又要返學喇
呢D天氣真係好難適應～好多人都病
真係要煲多D湯水飲下先得～

參加天后誕～咚咚喳

放假咁耐都無試過咁早起身～變晒大懶蟲
為左帶小燑豬同細佬去睇舞獅就較定鬧鐘起身
真係多謝樂樂媽比左幾張飛我地去睇
燑B近排多左同樂樂玩FRIEND左好多，大膽左同人傾計
不過因為大家都無睇清楚同問清楚到底係邊到睇
所以我地去左屋企後面既大球場？！！
即刻坐的士去返元朗大球場囉，坐到一半已封路
哇，今日真係好曬同好熱囉～
大家都以為好近，所以是但著件衫就出左門口
又因為咁所以無帶水無帶傘，好彩有帶銀包
本身好熱又眼訓既祖祖一聽到“咚喳”就醒晒
竟然企係看台到大叫“咚喳，我好鐘意你呀”
........哈哈哈，真係笑死人咩～
阿YUI同婆婆～當然仲有MAMI都開始頂唔順個太陽
捱下捱下又半個鐘，最終睇左2個半鐘就要走
行到出路口再可以近距離咁望多幾眼
有個姨姨好好咁借左條魚比阿祖試下拎
然後仲比我地同魚魚影左張相～
MAMI應該有D中暑囉，全日都想嘔又頭痛
老喇老喇，真係頂唔住呢D咁曬既活動呀
 
 
 

西頁遊WITH肥DO契媽

MAMI好耐好耐好耐～真係好耐都無去探肥DO喇
難得放假大家都得閒，豬米燑同阿祖都未去過西貢
咁我地就去行下又食下野囉～
呢D咁遠路程既地方，預左小燑B會暈！點知無帶膠袋
好彩停下又行下咁最後安全到達肥DO屋企
本身想去碼頭行下再去沙灘，可惜落雨
同埋MAMI都唔知點解有少少暈～咁去休息下先
WARM UP左半個鐘之後小燑先精神返D
2個百厭星係肥DO MA張床跳得好開心
梗係啦，平時邊有得咁放縱咁跳！一定比MAMI鬧
望到小燑豬咁開心，MAMI都覺得好開心呀
呢排唔知點解小燑都好似好多心事咁樣
係既，真係少左時間陪你玩
而且玩既時候又會分左心比細佬
好多時又顧住做家務呀～煮下飯呀～
真係要再將D時間分配得再好D先得！
不過有時呢，攰起上黎都跟唔到個PLAN做野
盡量啦，MAMI都好想多D陪家姐細佬咖
淨係跳跳下都玩左成個鐘～係時候出去食LUNCH
都成3點幾喇，又餓又眼訓
祖B好快咁食左半碗飯就眼訓到訓底左係檯
小燑就因為要食埋杯雪糕，所以食左一上車又訓
呼，今日真係好RELAX呀
但係肥DO就覺得好攰囉，HAHA
原來揍小朋友真係一D都唔容易咖
 

姑婆生日BUFFET＠TST

好野，又有得玩喇～真係行程排得好FULL
終於有一日係BAPA都一齊喇！
每年都會同4個姑婆啦，太“女麻”啦，爺爺食BUFFET
眨下眼又一年喇？？？！都幾快
食BUFFET最開心既梗係『甜品』啦
豬米燑唔知點解咁鐘意食甜野既！
蛋糕、布丁、生果、一定唔少得既雪糕
反而祖B就對甜野一般，食少少！最緊要食『飯』
我地食飽飽、同大家傾下計又係時候講拜拜喇
黃昏既時候就再出去同BAPA行下街
可能因為好耐都無去SHOPPING既關係
BAPA買左好多衫WOO！有2件仲係小燑揀既
之後行行下小燑見到有小朋友衫賣
仲自己揀左一件比自己，同埋細佬呢
MAMI都有份，人人都有新衫真係開心！
大家都咁開心BAPA辛苦返工都值得呀？？
HAHAHA～

VISITING桸桸

放假除左玩同食之外都要加插少少益智既活動
首先我地一齊去阿桸桸屋企整曲奇餅
約埋熹熹同埋星陶一齊去打攪佢地，HEHE
整餅真係要好有心機先OK既！
由於我地又要睇住咁多小朋友啦～
又嘈又混亂之下。。。失敗左LU
唔緊要啦，下次有機會MAMI先同小燑係屋企整過
玩下玩具之後就開始“ENGLISH TIME”喇
係咁既，因為我地4個媽咪都買左同一SET拼音書
大家都想等小朋友覺得原來學英文都可以一齊玩
所以就約左去玩問題遊戲啦
禮物梗係好吸引既貼紙同零食
小燑都好主動咁答問題WOO～
唔想佢地怕左“英文”所以都唔會玩好耐既
之後梗係去公園伸展下，就去食DINNER
“韓燒”呀，係小燑想去左好耐既地方
我地約埋婆婆同阿YUI一齊出黎食飯
啍，呢個衰仔祖祖B就知道阿婆＝咩都得
次次阿婆係到就會好扭計唔食野，又坐唔定
攪得一個小燑又理唔到阿祖
唉～～～～～係咪而家D細路都係咁識做人既呢？

HAPPY EASTER2014

YEAH，放假喇～好野～
第一日既假期我地就約埋熹＋桸去會所玩啦
不過最後因為會所要清潔所以去唔成呢
唯有去左另一個公園囉
佢地以為會有波波池玩所以心心不息咁問
問呀問呀問左一日都唔停
無呀，MAMI都唔想的，下次有機會再去囉
而且小燑又要上珠心算呢，所以要走喇
落堂MAMI同細佬係街苦等左半個鐘
點解？？？比老師留堂做數囉
平時好有心機既時候好快就會明咖
今日上堂仲諗住玩囉，咪做極都做唔完呢
UMM，真係比你激死呀
玩幾時都可以啦，第時都記得呀
專心做好一樣野咪可以快D玩囉
唔好再為左D小事傷心喇，明天繼續
HAPPY HOLIDAY IS COMING 。。。HAHAHA

健康運動日

近排成日都病，我地係時候去曬曬太陽出身汗
租左架單車～帶埋小燑、祖B同樂樂去球場運動呀
 MAMI都好耐無踩單車，開頭都要D時間適應
3個小朋友輪住玩，踢波，坐車尾、滑板車、踩單車
BAPA都好耐無同我地一齊玩喇～
雖然真係好熱好曬，仲要又D皮又痛口乾
當個身都濕到滴水既時候自然唔會再介意啦
祖B全程都跳跳扎無停過，3個小朋友面仔都曬到紅左
NONSTOP咁玩到太陽伯伯都落山先肯返屋企
真係腳都軟呀，加上MAMI早2日先上過瑜伽堂
全身都好似就快拎唔起咁樣囉
小燑好快就食左一大碗飯，勁呀！
而阿祖仔食左少少就頂唔住訓著左了
真係好充實呀，HAHA
得閒放下電都真係幾GOOD！！！