一物換一物

2個星期無去上話劇班，終於都可以再去玩喇
難得細佬訓到咁LUM既樣！嘈都嘈唔醒呀
YEAH，可以同豬米燑享受下2人世界
真係好少機會可以好好咁同小燑相處
MAMI都知道好耐無陪你，咁盡情咁玩返半日啦
既然得我同你，試下坐巴士出去。。。
點知。。。搞到豬小燑面青青又暈車浪
好彩只係照顧一個，坐左一陣飲杯熱茶又OK返
上堂都好乖，露比姐姐又讚小燑開始識CARE其他同學
今日仲扮鴨媽媽帶住一班BB行TIM
送左小燑返學後MAMI約左人去“廢物互換”
呢個IDEA真係好好，大家可以交換去用呢D物件
唔會浪費、仲可以將自己無用既野換其他必需品
早幾日MAMI都試左將小燑幾件舊衫變左幾包紙巾
哈哈，真係好好玩！今日到MAMI用紙巾去換煎PAN
想試下同小燑﹠祖祖係屋企DIY整PAN CAKE食
咁岩小燑既朋友仔﹣熊貓小妹妹又得明一齊玩下

係咪好似好有姿勢咁呢？？HAHA
真係得1分鐘既熱心，唉。。要好好訓練下你D耐性
每次整D咩都好快就停手！

熊貓好比心機咁去幫手，仲好出力TIM
小朋友滿面都係麵粉好可愛呀

祖都唔執輸要幫下手，定扮幫手呢？？
一隻手拎住枝棒好似搞緊。。。
個頭又望MAMI以為影相？？

真係影你呀，仲影到你根本就係想人影你
HAHA，你個衰豬真係笑死人
整左好耐！終於都有製成品試味呀

一放出黎阿祖好醒目咁話：哇。。。哇
哇咩呀小朋友？？？！！！
到食既時候食左1啖就走左去囉
真係比較硬左少少既。。。下次再試過

食完又食～又食完再飲～咁飽梗係要去放電
我地去球場到踩單車同打波啦

好彩BAPA都係屋企，搬架大車去玩下先
呢架車荒廢左係天台好耐好耐了

點解祖B你坐得咁嘆既呢？？？
知道放底對腳仲會轆到腳，所以放係車上面
等MAMI推。。。HAHAHHAA

嘆得你個樣呀。。。。。

小燑學踩單車，都OK呀，識向前行一陣
之前一直都會好驚呀！
咁可以考慮下買一架單車比你學踩

而熊貓就學踩滑板車～當然仲未平衡得好好
好多小朋友都係未放膽去踩第一下姐
只要行到一步就明白點樣先會唔跌
加油呀，唔好放棄好快就會學識的，加油加油

祖祖B同BAPA打波～
自己拋高之後BAPA順手幫佢拍一下
傻豬祖以為係自己打得咁高仲叫我地拍手讚佢
HAHA，3個都玩到成身濕晒
返屋企食飯都食多D呀。。。。仲好快訓覺TIM

如何教出好孩子

到底點樣先係『好孩子』？？？？？
係咪聽晒BAPA同MAMI既說話就等於乖？？
要做D咩先可以教好一個小朋友！
MAMI今日就去左上一課：“如何教出好孩子”既講座
老師一開始都講左一個最簡單既道理～
﹣要識愛自己先可以愛身邊既人！
完全正確丫，如果本身都唔快樂既人點去比人快樂？
所以適當既「放鬆」係好應該要有的
諗諗下MAMI呢幾年都無試過好好咁休息同RELAX了
希望等到祖祖B再大多少少既時候MAMI可以放一日假啦
今日聽既野真係要好好咁去思考一下
我地要當小朋友係一粒『種子』，我地就去栽培粒『種子』
爸爸媽媽就係泥土，即係『種子』既家
先要有一塊適合種植既土地，然後我地就要令佢發芽開花
陽光、水份、營養、風。。。仲要做得好先會產生光合作用
MAMI都知道，其實無教唔好既BB，只係睇有無用心去做
小燑同阿祖既出生都係一件好開心既事
點解時間耐左就會變質。。。打＋鬧都係對件事無幫助
UMM～諗下又係WOO，有時MAMI特別攰個日真係容易嬲
就連小燑叫MAMI陪下佢玩都好像力不從心咁
唉。。。。有時大人都會做錯事，何況咁細個既小朋友？
想佢地既自信心強D，長大之後就企得穩固D！
所以我地就要將佢地既心靈入能量～
好似一個空既水桶同一個裝滿水既水桶比較
用力踢一腳就知道，到底邊個樽可以唔跌底
人愈大總會遇到好多挫敗，只係用手去保護係唔夠咖
MAMI要同小燑、祖祖一齊努力去面對困難
第時做一個唔怕輸，開心健康又有自信既人
你話幾好呢～～～
見到咁多媽咪都仲咁努力去充實自己
係時候MAMI都要加倍比心機呀
落左堂之後返屋企再見返2隻豬B，好似感受深左好多
原來一直以黎做既都未係最好呀！！
應承你地，MAMI會慢慢改左D好差既習慣
例如少D變“ANGRY BIRD”先啦，HAHA
教小朋友無對與錯，在乎想你地將來走咩方向吧
抱住一份唔怕蝕底既心去做一定會有成功既一日
千千千萬唔好變左做咩港孩呀！
咩都要幫MAMI手一齊去做先得咖，學多D野嘛

18個月既祖B倒瀉水都要自己去搵布抹檯呀
因為倒得多，都知道要即刻執起D用電既REMOTE
HAHA。。。。。。。百厭星真係有進步

K1E下學期家長日

緊張到失眠既MAMI好早就醒左了
準備定9點鐘要去到學校見家長
本身小燑都起左身想一齊去
最後隻大懶豬又話都係MAMI一個人去啦
好啦，費事你聽住老師同MAMI講秘密

MAMI係由MS CHU接見的
由開學到而家，MAMI都覺MS CHU好斯文
不過接放學既時間多數係同MS TANG傾計多
所以都唔算好熟，不過小燑都有間中提起咖
老師對住小燑既時間唔算長，但會見到佢既另一面
係學校不一樣既豬米燑到底係點？？？？！！！
最大分別係會自己食茶點既，完全唔偏食既～
屋企唔食肉唔食粟米同麵包！食一半仲要MAMI餵
當然都有相同既壞習慣出現啦
“夢遊”真係一個嚴重既問題！有時老師都要叫幾次
不過當小燑專心做一樣野就好快同好叻
好多時都比較慢，因為掛住睇其他同學嘛
唉。。。呢D衰野MAMI成日都提住佢啦
運動細胞差少少，可能似MAMI吧！HAHA

MS CHU話基本上所有既野都應付得到
就真係差左些少既“專心”
MAMI就趁呢個SUMMER HOLIDAYS培訓下你啦

MAMI見到你呢張畫覺得好的意
竟然小燑話自己畫緊：三文魚。。。HAHA
老師話普通話同英文都幾好～
特別係聽個方面，理解得OK！又肯唱歌同讀字

而更驚喜既係呢個“友誼獎”
係由老師選出黎既一個獎勵
小燑係學校會主動同同學溝通同玩
好叻叻呀～下年繼續努力啦
零零碎碎仲講左一堆小事情～不過唔太記得LU
重要既係小燑返學開心就夠喇！開心自然會學到好多野
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
見完家長拿拿聲去JOIN返祖B去上PLAYGROUP
去到見到BAPA都HANDLE到呢個百厭豬
咁MAMI就坐埋一方望下你地2父子玩啦
見到傻豬祖成日都蝦BAPA啦～又偷懶
連劉老師都知道你專登唔跟住做動作呀～
MAMI都終於放下心頭大石喇。。呼
我地一齊迎接呢個假期啦

結業日之K1E@小燑

又要講多一次“眨下眼”呀。。。。。
1年既K1生涯就咁就完結喇
雖然小燑唔太明白咩係升班，就係知道聽日放假囉
一個月之後再返黎就係K2了
班房轉左，老師唔同左，就連同學仔都變晒呀
小朋友適應能力強！好快就會習慣的

熊貓與豬米燑

K1E的3姐妹花，HAHA

下年大家就唔同一班喇～放假先可以齊玩

YIYI～同熊貓咁合拍既？個咀一樣表情WOO

MAMI會幫你好好KEEP住你既
第一本手冊～校服同功課
等你大左再拎出黎回味下啦，HAHA
唔知會唔會諗起MAMI有拿住枝雞毛掃嚇你呢？

LV 2 體育會PLAYGROUP＠3

HELLO，祖祖既好朋友三眼小子呀
MAMI真係覺得呢個弟弟好似三眼小子的，HAHA
家姐無返學所以都有成個星期無見
2個都無陌生到呀，一行埋一齊就百厭鬼

睇下。。。。泊埋一齊三眼小子幾MAN
祖祖要再MAN D先得呀
食完早餐就BYE BYE喇，祖B要去上堂呀
今堂開始教數數
1，2，3，4，5，基本既概念都有既
祖祖都好比心機去學數。。1。．。2。。3
6。。。。8。。
唔知點解1，2，3就6，8

因為報左高一班，大少少既小朋友可以做手工
整左兔仔耳朵，然後一齊跳

係祖B自己貼咖～好叻仔呀

MAMI ﹠祖祖豬。。。。。

劉老師話祖B開始唔怕生保
仲好嗲TIM呀，一鬧佢就攬到老師實
一鬧佢仲識DUP底頭扮慘個個樣真係抵打

我地3個似唔似樣呀？？？？？？

好掛住學校呀

咁耐無返學既豬米燑終於上學去了
MAMI仲怕你會唔習慣，反而係MAMI自己
。。。。。唔知醒囉。。HAHAHAHA
SORRY SORRY，搞到你遲到
上樓梯既時候問小燑：“開唔開心呀？”
小燑：開心呀，我唔眼訓
媽：HAHA。。。眼訓都要返咖
小燑：我都掛住老師呀
媽：咁你一陣話比老師知丫
小燑：唔得WOO。。。我唔講
媽：點解呀？？
小燑：咁唔掛啦
。。。OKOK，咁你心入面掛啦
放學既時候小燑話有幾個同學仔問候佢
好乖呀，而家D小朋友真係叻！
識關心朋友啦～GOOD GOOD GOOD
好耐無見既澄澄又可以一齊放學喇

報名日

“眨下眼呀”呢句說話真係好岩用
任何發生係MAMI同你地之間既事都“眨下眼”
有時會有一刻諗。。。幾時先咩呀？幾時先點呀？
你地幾時先大個女大個仔呀？
原來，真係眨下眼就過

就連細佬都要開始報名INTERVIEW讀幼稚園
有左家姐既經驗之後就容易得多了
照道理就係去返家姐同一間學校就OK啦
只係～都想比多個機會祖仔試下
一黎又想重溫下去為阿仔緊張學校既MAMI心情嘛
第二就係當比祖祖見識下囉！！！
報3間學校INTERVIEW啦～唔會辛苦丫
由於祖B係12月出世既關係，其實都有少少擔心
今日就係去家姐學校交表喇
唔知點解呢間學校咁早就會開始報名！
約左8月中。。。好緊張呀
老師話一般無咩特別問題都好大機會收的
真的嗎？？？？咁我都放心喇。。。

重出江湖：）

經過漫長既一星期後，小燑真係完全好返了
悶左咁多日我地就出去食個LUNCH啦
因為都係岩岩好返所以唔好去多人既地方
祖祖B仲係一D胃口都無～唉
一心諗住帶你地去食最鐘意既壽司
點知貪佢人少少入去試下
OHOH～～～連BAPA都話味道麻麻

最後祖祖都係每樣野試食左一啖就唔會再食
估唔到你都咁“挑”食WOO
有時想帶你地去玩下真係好多野煩
特別係“食”呢個問題囉
有時想慳D時間食個麵包
點知2個都唔食麥當奴咁奇怪既
小朋友最愛既薯條同漢堡包一D都唔掂
除左ICE CREAM同MILK SHAKE囉
祖B又唔食麵，豬米燑又唔愛食飯～HAHA
搵地方食野都好麻煩囉
呢到行下，個到又睇下～呼。。要返屋企了
小燑可能太耐無點行所以好快好攰

這個星期。。。

由於小燑出水痘既關係，我地都好悶咁過左7日
星期一開始唔返學既小燑都OK開心！唔洗早起身嘛
到左星期二呢，有D憫，呢3日又完全唔行唔玩
原來因為隻腳面出左2粒水泡，驚行會整穿
比MAMI洗腦咁講：穿左就會唔靚、會爛晒D肉。。。。
所以一步都唔想行？！！！！激死
一日又一日，星期三要同祖祖B去上PLAYGROUP嘛
家姐見到當然唔開心啦，心諗MAMI帶細佬去邊呢？
不過開始好D喇，其實都算出得幾多水痘，仲粒粒都大大粒
睇見都辛苦喔，唔知痛唔痛既呢？
細佬都開始發燒了！YEAH，係咪一齊出呀？？
即刻去睇下醫生，但又唔見有水泡出左
但話成日接觸既都好大機會被傳染啦
陳醫生話順便開定藥比我地準備
但一直到星期五，祖B都無出到水痘囉
係不停咳，連燒都無發LU～咁。。。即係點呀？
本身MAMI就諗住一出2個都出埋就好喇～
橫掂一生人都會出一次，早出好過遲嘛
第時返學仲唔洗驚TIM！！！！！哈哈。。
點知到今日，都星期六了。。。仲係唔見
至於家姐都好返喇，除左D印未消
黃昏既時候就帶你地出去行個圈吧
都未試過困住豬米燑係屋企7日都唔出得去呢
一拎套衫出黎比你換就偷笑喇，幾開心！
就係屋企附近～呼吸下新鮮空氣囉
之前覺得每日接送返學好攰。。。錯喇
原來24小時對住你地2個真係無時停呀
快D好返啦～～HAHAHAHA～～～～

出水痘呀@FATHER“S DAY2013

尋晚燒下又好下。。。今朝一早就去排隊睇醫生
因為今日星期日所以梗加要早D去
我地諗小燑應該出水痘啦？！！！
真係呀。。。。。。。都好既，出左唔洗擔心咁多
醫生問：你有7日假期會做咩呀？
小燑話：陪細佬返學。。。。。
HAHA你唔出得街呀～
細佬應該都好快會被傳染吧？！都好既， 一齊出啦
今晚MAMI親自下廚，煮下飯仔先得
WHY？？？因為FATHER”S DAY嘛

好耐都無煮飯，好似好有難度咁
左整右整都攪左個幾鐘。。。。HAHA

偉大既唔止得媽媽日，仲有BAPA節呀～
阿YUI買左個蛋糕比公公，我地順便影張相啦
呢個POSE應該係學阿祖仔吧？好嚇人呢
HAHA。。。。。。。。

小燑豬笑得好勉強。。。。因為知道無得食

影啦，影張相比粒糖你食啦。。。
最後先肯合作一下

之後都係好唔開心咁
梗係啦，邊有小朋友知道咩叫戒口呢？？
有時MAMI唔舒服都忍唔到食熱氣野啦
小燑真係好乖喇，食左1粒糖就無喊了
好快呀，14日之後MAMI帶你食咩都OKOK呀

同學既生日大食會@澄澄

小燑既好朋友仔就快生日喇
我地大家一齊搞左一個大食會去幫澄澄慶祝
次次都係去我地屋企驚會好悶
所以我地去左星星屋企打攪一下喇，HAHA
澄澄啦、星星仲有熊貓同我地。。。。
每個媽咪負責整2樣野食去。。。YUMMY
一早MAMI就帶埋祖豬出去幫澄媽拎生日蛋糕
小燑仲係到訓得好似隻豬咁
12點半我地就開始出發喇～期待已久既大食會呀

婆婆無野做梗係同埋我地一齊去開心一下啦
仲可以幫手照顧一下一大班小朋友TIM

1，2，3，4，5，6，7！！7個小朋友呀
真係嘈到拆天。。。我地唯有租間房啦
仲好啦，無咁多人，仲可以放心比小朋友跑下
唔好講咁多，食野先～～～～～

呢個SALAD係MAMI整咖，YUMMY
哈哈，讚自己整既野好食都有既？！！！

然後最簡單又最岩細佬食既腸仔＋生果
MAMI真係好比心機切咖，仲加左少少朱古力TIM

4個好朋友仔～熊貓、小燑、壽星女、星星
HAPPY BIRTHDAY 呀～大家都帶左禮物

其實MAMI一早送左一份禮物喇
咁開心既時候再送啦，邊有小朋友嫌多咖
玩夠、食飽就上去星星屋企切蛋糕囉

叫4個人一齊望鏡頭真係好難。。。。。

總係有一個半個聽唔到人叫啊。。。HAHA

終於都叫得聽，點知一影。。星星又突然唔知做咩呢？
HAHA。。。。

生日快樂呀～～～～
本身玩完小燑要去合唱團的。。。
誰不知無啦啦發燒。。唉。。返屋企抖下啦
訓醒又好似無事，仲好精神咁樣
點知夜晚同舅公預祝爸爸節飯晚時候又燒了
 舅公去左大陸好多日都無見，好掛住祖B同燑米
仲帶左小燑鐘意食既鹹魚返黎，同買左對鞋比祖豬
呢個祖B即刻除左舊個對要換新咖

全日都食左好多野呀～肥肥肥
快D訓覺，明天一早去睇醫生先得～

孖公仔

學校連住龍舟節一連放幾日假期～
小燑唔流返學又有得玩梗係開心啦
今日2個仲要訓到好晏先起身
差D趕唔切出去食LUNCH然後去畫畫
IVY老師當然係會畫一張送比BAPA既畫啦
因為過幾日就係爸爸節丫嘛
到時就等豬小燑可以送比BAPA啦
放左學之後星星媽要帶細佬去上堂
咁我地又可以接埋星星一齊返去屋企玩了
2個一時又好到糖“痴”豆，一時又水溝油
玩左一陣又鬧左交，HAHA
燑燑話星星唔睬佢WOO，人地專心玩緊嘛

拿，幾快又FRIEND返～
送返星星去車站時又好返喇

小燑仲餵自己D野比星星飲
下次唔好咁SHARE喇，唔舒服會傳染呀

之後我地就去SUPER MARKET行個圈
見到呢架坐2個BB既車，好可愛呀
即刻放你地去試下坐先得～HAHA

UMM～孖仔孖女都幾好丫～
HAHA～～～～