我的大英雄

 終於，BAPA都有時間陪我地去睇戲了！

每年聖誕都會做既節目都係咁上下

唔經唔覺阿祖B都差不多3歲喇

今日就當慶祝細佬既生日節目啦～

呢隻公仔MAMI一路都覺得好可愛，肥嘟嘟咁

原來有套動畫既，咁當然唔可以錯過啦

呢套戲都好值得一睇，連呢2個小朋友都睇到識笑

好耐無見過豬米燑笑得咁開心！！仲話笑到肚痛

套戲又唔止得個笑WOO，都有D好感動既地方

小燑同MAMI都一樣睇到喊左出黎～

係阿祖每次睇到個壞人出場就話要走！

又真係好恐佈下咖，MAMI都睇到有D驚

特別而家D動畫咁先進呢，好似真既一樣

當然完場之後呢2個小人又係英雄上身咁

成晚係到扮EASON＠＠真係比你地激死

睇完戲，食個飯。。。我地就返屋企喇

好耐都無試過咁遊遊閒閒咁出街喇

SO RELAX！！！！

太陽伯伯～～～WE NEED YOU！

 

終於大家都精神返喇～

之前2個百厭星又屙又嘔！攪左幾日

尋日終於輪到MAMI捱唔住了

又燒又暈。。。唉，仲要抱阿祖去睇醫生

媽媽既力量真係唔可以睇少的

由小燑病完到阿祖再加自己

足足一個星期無點訓覺，腳都軟呀

好彩既係我地都平安渡過左最辛苦既一刻

忍到唔去醫院，係屋企可以好好休息

今日我地3個都好返喇，YEAH！
早前因為太曬既關係無做運動又無去公園

今日見完醫生經過就入去玩左一陣先走

出左身汗，返去沖涼訓就精神晒啦

熱辣辣～食西瓜

天氣真係差，一時熱到溶，一時落雨又唔停
呢幾日都熱得好緊要，無咩地方去玩
我地今晚就係屋企玩“西瓜”
首先阿祖B第一時間就拎起鼓棒用力『打』落去
真係以為自己好似一個搖滾歌手一樣咁 
打到個西瓜都爆開左少少TIM，快D切左佢算
咁我地當然係鬥快食晒佢地落肚啦
食完仲一齊用西瓜皮洗手洗面洗埋腳啦
豬米燑開頭以為MAMI整古佢，HAHA
之後見到阿祖都用黎玩就試下囉
呼～～～ 夏天＋西瓜真係VERY COOL！！！
不過聽其他媽媽講呢，女仔唔好食咁多涼既生果
咁我地都一星期食1～2次好喇，少食多滋味呢
 

探太公@老人院

入左醫院好耐既太公早排轉左去住老人院
小燑同祖B都無機會去探下太公呢
今日就約埋太婆同“女麻”“女麻”一齊出去喇
一早就去食左個早餐先出發
點知遇上好多小意外攪左好多時間
最後我地又飲埋茶先去探太公啦
阿祖已經頂唔住訓左覺喇。。。哎喲
一上到去老人院，小燑已經有D緊張
其實小燑唔係驚D公公婆婆既～
只係覺得佢地好悶、身體又有唔舒服、
有D公公婆婆又無力支撐身體要用繩扎住坐
特別係嘗試過2次去做義工探訪老人院之後，
對老人院呢個地方都特別多感覺咁樣
呢到環境真係麻麻地，好焗，好多人又好細
終於見到太公了，眼淺既MAMI又要忍住喊
唔肯食飯瘦左好多好多呢。。。好心酸
小燑今朝原來自己畫左2幅畫帶黎比太公
好有心思呀，阿女真係一個好乖既小朋友
太公一路都拖住小燑隻手～聽住小燑唱左隻歌仔
然後去公園坐一陣小燑又肯唱多首歌WOO
開始落雨我地就要返屋企喇
小燑：我地得閒會再黎睇你咖，拜拜太公
上左車走既時候祖B先訓醒～ 真係懶訓豬

馬年到了的大年初一

 新年快樂～～～祝大家笑口常開 

身體健康，學業進步

心想事成，龍馬精神

 同婆婆、公公、阿YUI一齊飲茶
之後公公就出發去旅行喇～
阿祖B今日唔知做咩無心機、無胃口
唉。。。。真係煩 

豬米燑一見到呢D咁靚既佈置第一時間。。
就梗係叫MAMI影相啦，HAHA 

呢個小妹妹都幾多POSE咖～HAHA

著左新鞋既豬米燑，成朝都問靚唔靚
貪靚豬！而且仲係同MAMI一樣豹紋迷？！ 

話幫我影張WOO，都幾好丫
小小朦。。。。睇落都瘦左咁WOO

細佬今日就係訓。。。。。唔食唔飲
又黎過絕食行動喇～～～～

轉轉轉～轉轉轉～轉返知好運呀
 

NEW HAIR CUT ＠OLD MUSHROOM STYLE

 

 WOO～靚唔靚仔呀？？

今年新年好似好趕咁，好多野都做唔切呀

MAMI頭髮字剪、無買新衫～

因為大掃除左2間屋加天台呢！

真係做到腰都直呀

好彩婆婆搞掂左最DIRTY既廚房姐 

本身想帶你地去剪個靚髮既 

 

最後梗係唔夠時間啦

睇下!又變返最原始既可愛草菇頭了

MAMI自己都修左小小，

太唔見得人喇，快D過左年去搵師傅幫下手先

 

快樂的波波池倒數

有時寫日子都仲要諗一諗到底2012定2013年
點知話咁快2013年又完左囉？？？
見到大家都好開心咁搵最愛既人一齊倒數 

 

HAHA，MAMI身邊又點會少左你地丫

我的最最最最最愛小燑、仲有阿祖B

話咁快又一年LU

生活入面多左2個百厭星又點會悶呢？

MAMI希望你地會係陪我迎接每一個明天
我地一齊計劃將來。。。。。。 
當然唔少得今日都仲要出去開OT既BAPA啦
無左BAPA，MAMI就無咁多機會可以陪你地
THANKS！！！ WE LOVE YOU！！！

HAPPY 2014

FRESH！！！士多BERRY日@錦田鄉村俱樂部

放假都無咩特別既節目，天氣咁好我地去郊遊下啦
約埋同學仔食個豐富早餐就一齊出發
今年既同班同學倬桸﹠俊熹！

登登，仲有我地既祖希～HAHA
呢位細細粒既小朋友係最多要求的
左又唔得右又唔岩咁。。。。搞到家姐都嬲埋

好彩最後都可以傾掂數分工合作做
豬米燑幫手搵大粒既STAWBERRY！
細佬就剪，當然都要家姐幫手啦～

剪左10粒之後開始好攰了
因為真係要慢慢搵，行左好多塊田先有靚既

唔多耐煩既祖B要走喇。。。。
我地只係得20幾粒，收成最差既一TEAM
原來有分2種唔同價錢的，法國＄70，韓國$100
 

















個到D嬸嬸好勁咖，一盒入面得幾粒都分得出
邊粒係邊到出既都知道！！！HAHA

呢個就係坐係小燑隔離位既熹熹喇
佢好好好鐘意BB咖，所以佢成日都拖住祖祖
 

全日最開心就係呢個跳彈床。。。
玩到唔願走～一落黎就喊到傻
可能又眼訓既關係啦。。。唉
MAMI要陪祖B去飲奶訓覺
家姐唯有跟同學仔玩住一陣先啦
呢到都幾多野行，下次同BAPA再黎都OK
而且唔係紅日好多野都無開
有機會再帶你地玩丫～～～～
好耐都未試過行咁多路囉。。。。
返到屋企對腳好似唔識再行了。。。呼。。。。

再戰青衣城泳池

暑假活動，點會少得游水丫
之前一直都係MAMI懶又怕曬到黑蚊蚊
不過唔驚得咁多啦，健康D仲好啦
何況呢排成日都腰痛游下水都OK，當拉下筋
約埋熊貓一齊去玩LU～YEAH
我地今次選擇坐巴士去，愈黎愈叻呀無暈車浪
差不多落車小燑先唔舒服！有個伴係唔同D既

公公話帶住2隻豬米都好辛苦估唔到仲加多位小姐
11點鐘先去到，仲有一個鐘頭玩！
臨出去之前我地影返張性感泳衣照先

當然無MAMI份啦，等游多幾次無左D肥肉先啦
最利害既係一個人搞掂3個小朋友
之後先係泳池JOIN返公公玩
游到唔捨得走，下星期再接再厲吧
好好彩我地游水個段時間天朗氣清有少少太陽
如果唔係呢3個小朋友一定好失望
小燑豬仲大膽左好多，攪住2個水泡自己游
祖B就更加唔洗講啦～HAHA
如果有時間既話一個星期游多次仲GOOD囉

一出黎大家都又餓又口渴。。。。
拿拿聲食飽再去玩過

今次有熊貓陪小燑一齊應該唔驚啦？！
每次黎都捐下錢！！！HAHA

係出面都聽到你地2個大叫囉
無跳到嘔。。。。。。。

鬼馬既小燑連眼神都話要扮埋

笑得咁衰既，HAHA。。又話係扮佢笑囉

同上次一樣都要爬住黎影
熊貓話今日好開心呀

我諗大家都一樣好開心啦
祖B攰到訓左覺LU，一張相都無影到

不過一上巴士就醒左～又話要食野
MAMI愛上同你地游水喇～
唔知BAPA幾時先會JOIN埋我地呢？

孖公仔

學校連住龍舟節一連放幾日假期～
小燑唔流返學又有得玩梗係開心啦
今日2個仲要訓到好晏先起身
差D趕唔切出去食LUNCH然後去畫畫
IVY老師當然係會畫一張送比BAPA既畫啦
因為過幾日就係爸爸節丫嘛
到時就等豬小燑可以送比BAPA啦
放左學之後星星媽要帶細佬去上堂
咁我地又可以接埋星星一齊返去屋企玩了
2個一時又好到糖“痴”豆，一時又水溝油
玩左一陣又鬧左交，HAHA
燑燑話星星唔睬佢WOO，人地專心玩緊嘛

拿，幾快又FRIEND返～
送返星星去車站時又好返喇

小燑仲餵自己D野比星星飲
下次唔好咁SHARE喇，唔舒服會傳染呀

之後我地就去SUPER MARKET行個圈
見到呢架坐2個BB既車，好可愛呀
即刻放你地去試下坐先得～HAHA

UMM～孖仔孖女都幾好丫～
HAHA～～～～

包粽了

今日BAPA同MAMI一齊帶左家姐去醫院
唔洗驚，只係想CHECK下隻手點解會有咁多粒粒
睇過幾個醫生都話無事OR唔知係咩
不如去醫院檢查清楚啦～
坐左2個鐘就攪掂，都幾快呀
醫生伯伯話應該都係“癬”。。唉。。。
咁真係有排煩，要戒口！唔好食D毒野
返屋企見到婆婆放到一兜一兜野做咩？
原來打算自己包定D粽過節呢
小燑雖然食過粽，但包就未試過囉
往年都係有太婆係大陸包左搵人帶返黎
所以婆婆今年都話試包一下粽WOO～HAHA
屋企有2隻倒蛋鬼邊會唔倒亂呢！！
MAMI由開始掃地掃到婆婆包完30隻粽
足足整左差不多3個鐘先完成～
放落煲到都8點幾啦，咁婆婆要等4個鐘先有得訓
UMM～聽日要拿拿聲試下味先得～

佛誕@黃大仙飲茶小聚

噢，都好耐無出去探下BAPA既公公同婆婆了
上一次母親節本來約左一齊BBQ最後落雨無出去
咁岩BAPA又得閒，咁我地就出去飲茶啦
點解小燑一唔夠訓就會暈車浪呢？？
坐西鐵都會嘔，我地落車坐左好耐先上得返車
最後都係暈下暈下咁樣捱到去黃大仙了
呢2個小朋友真係～一個會暈，一個成日訓
不過呢排MAMI都唔夠訓，坐底先開始頭暈
HAHA，真係無鬼用啦～
飲完茶本來都想返屋企休息
點知太婆想去行街？！！咁我地梗係要陪下佢啦
仲有龍表叔車我地一齊去！仲有“女麻”“女麻”
點知。。。。豬米燑梗係一上車又暈啦
好彩無嘔，又安全到左又一城
一落車面都青埋。。。。MAMI諗起小燑飲茶無食野
原來呢個傻瓜好肚餓呀！！
自己差不多食晒成個烏冬～祖米都食左少少
龍表叔一早應承左同小燑去TOYSRUS買禮物
而且同小朋友行街都必定要行個圈既，HAHA
祖B真係大個仔WOO，識得揀想要既野
然後“女麻”“女麻”買左一人一份禮物
小燑就仲多左一份表叔送既LEGO呢
2個玩到唔記得時間。。
點知一去坐車返屋企就訓左了
連BAPA都訓埋一份囉。。。。。。
MAMI唯有抱住祖B～再攬住小燑訓啦
早知今日會行咁耐街就推BB車啦
MAMI條腰＋手都要宣佈：斷了～

淨係係人地鋪頭門口都玩左半個鐘，HAHA
坐係呢張梳化係咁要MAMI幫你影相

小燑個樣本身幾唔精神～一有得玩就開心返
小朋友真係“玩”最緊要呢

呢條時光隧道係祖B想要的～拎左上手就唔放
因為返PLAYGROUP時候有玩過嘛～
仲有加埋家姐個玩具。。。又比婆婆話阻地方囉
不過婆婆見到佢地玩得咁開心又忘記左LU
所以有小朋友既地方真係特別多歡樂的
大家都好愛你地呀～要乖乖呀

新SOFA

哎喔～成日都為左一張SOFA爭到死
最後BAPA都投降了，買多一張返屋企～
上星期訂既，終於今日都有得拎了，YEAH
MAMI自從多左你地2個之後愈來愈大隻
真係可以算得上：黑＋大力＝MAMI
經常都曬。。又左一袋右2袋抱一個拖一個
有時行行下望到鏡入面既自己真係幾似聖誕樹的
今日同祖B接小燑放學後竟然決定再去拎SOFA
HAHA，真係又重又熱。。。由頭濕到落腳囉

之但係一返屋企見到你地坐得咁開心都抵返啦
原來2張唔一樣款既野都會有少少爭執
不過好彩家姐又肯讓細佬
細佬又肯比家姐坐
抵錫，要相親相愛呀嘛～HAHA

又見面喇～

HAHA,祖B自從學左呢個扮可愛笑容之後就變左咁
每次一拎起相機就會自然咁“YI”。。。
 又係陪家姐去學話劇，唔經唔覺仲有一堂就完
係時候諗下仲繼唔繼續係到返學呢？？
要開始同小燑商量下先得！
放左學又約左肥DO媽食LUNCH
為左方便呢2個小朋友我地食野都無咩選擇了
好開心呀，因為你地就快多個契爺啦
終於都有機會可以等祖B同小燑做下花仔花女
哈哈，而且MAMI想左好耐可以做“姐妹”嘛
真係好感動。。。好似仲開心過自已結婚咁呀
可能要開始努力減少少肥先得呢？？？！！
食飽飽又行左一陣街～想買條裙比小燑
MAMI揀既裙多數都係可愛D既
所以今次肥DO媽幫豬米燑揀左一條似公主既裙
UMM～～都OK啦，著左希望會自然斯文D囉

3位新成員

原來祖B鐘意食薯餅呀？！！！
送左家姐去上話劇堂就去食早餐
每次祖祖都會食好多粒薯餅的，HAHA
咁MAMI下星期再帶祖B黎食啦
一返到屋企就聽到婆婆係到大聲叫“快D黎睇下”
睇咩呀。。。。。。。哇。。。。。HELP
阿婆無啦啦買左3個烏龜返黎呢
仲要係3假好大既TURTLES～～～～
MAMI最怕呢D咁大SIZE既龜了。。。
好怕比佢咬一啖就慘，HAHA
不過小燑同祖B都好似好有興趣咁
小燑仲幫其中一隻改左個名叫“旺旺”
因為佢話隻TURTLE好黃。。。。。。
祖B真係大膽，竟然用手指“了”佢個頭
如果我係隻TURTLE實比佢嚇到咬佢一啖
OH MY GOD。養呢D小動物係室內真係唔得
過2日要將TURTLE放上天台生活
佢地應該要有花花草草～有水有石先開心嘛
你地記得要愛護小動物既生命呀
唔好蝦佢地呢！！！！

姐弟情深

呢排好鐘意將你地扮到一樣咁出街
HAHA，間中仲有人會問你地係咪孖生
到底係小燑你生得細粒定係祖祖B你高呢？
有D人會問係咪孖女＠＠有時又話2姐妹
其實我地係2姐弟呀～

有時MAMI為左握阿祖個KISS就會放D野食係個咀餵佢
點知小燑又學MAMI，HAHA
餵細佬食餅餅好乖乖呢～真係十分之SWEET
唔知大個左睇到張相會點呢？
記得要相親相愛呀！！！！！