YOU ARE MY SUNSHINES,XO

暴雨中的2母女

尋晚落左一日大雨又落雹，真係好得人驚
好彩既係無發生D嚴重既意外
係屋企成晚都聽到好嘈既雨聲風聲，失眠。。。
攪到朝早大家都好唔精神咁返學返工
一出門口就開始落大雨LU。。。
愈行雨就愈大～加上D風呼呼聲咁吹落黎真係好凍
抱起豬米燑行快2步返學校安全D
應該無試過咁大雨仲要係街既小燑真係勁驚
嚇到一隻手攬住MAMI條頸，一隻手幫手攬住把傘
然後回家途中D雨真係大到由頭濕到落腳
放學既時候好彩只係毛毛雨～
行左一陣小燑就講喇～～～～～～
燑：MAMI，我今朝喊左少少，之後忍住唔喊呀
媽：吓，點解呀？老師話你遲到咩？
燑：唔係，今朝好大雨又好黑，你一走左我就好驚喇
媽：哦。。。老師會保護你地咖，傻瓜
燑：我話你呀，我驚MAMI有事跌親呀～我唔鐘意你咁樣行
媽：............我愛你呀豬米燑，原來你咁擔心MAMI啊!
燑：我好嬲你一個人行呀！下次就唔好啦～
之後MAMI已經要喊喇。。HAHA。。。。
寶貝女真係好似MAMI咁多愁善感既姐～
不過呢場雨實在係好恐佈既。。。
 

驚心動魄的晚上

一直擔心既事終於都發生了
每個小朋友都有曳既時候，在所難免會有捐傷
做MAMI既唔想太保護你地既同時又要默默守護住
睇戲成日都會見到D阿爸阿媽攬住個仔跑去睇醫生
呢個經典畫面竟然出現係我既片段入面～
我既小燑跌親呀～MAMI心痛死了
『砰』一聲之後只聽到小燑既喊聲。。。
9秒9去著衫，一邊叫婆婆幫手搵銀包，著鞋
大家眼淚不停咁流～安慰住小燑既MAMI心如刀割
1分鐘之後好堅強既小燑無喊了！
MAMI抱住你一邊傾計，一邊跑住搵的士。。。。
一向見血就暈喇，所以MAMI真係腳都軟埋咁走
好深既傷口，上排牙咬爆左下唇、下唇外面都撞穿
上排牙肉都爆開左，總知超多血一齊流
去到醫院MAMI真係成個膊頭同手都係血
小燑話：我唔想睇醫生呀MAMI～
心痛得真係要死呀，好難過好難過
婆婆安置好祖B之後都趕到黎醫院
然後MAMI將小燑交比婆婆走左出去門口大喊左一陣
係咪好無用呀？？？但真係好擔心嘛
來來回回係等既途中去左私家醫生都問。。。
因太細唔可以係診所縫針。。。聽到心都寒了
好難想像有幾痛。。。但小燑都等到訓著左覺
到醫院醫生檢查既時候都無醒
真係謝天謝地，醫生話可以考慮唔縫針
呢一刻真係開心過中六合彩！！！！！！！！！
上一次細佬跌到個頭既時候MAMI都已經差D嚇暈
唉。。。。。今次輪到家姐仲要加咁多血？！！
天呀，真係唔好再嚇我啦。。。。。
返到屋企祖豬仲未訓，係到等家姐～真係抵錫
真係有陰影呢。。。。。。。。。。

你地老媽子生日呀

真係生日～生日快樂呀～HAHA

超忙既一天囉，先陪祖祖上堂
再趕去同小燑食晏之後畫畫
然後再返屋企同你地沖涼訓一陣
然後MAMI煮定飯比公公婆婆食
我地今日要掉低佢地出去4個人食個飯先
行到一半，小燑突然停左係到話想買波波
後尾比呢個奸B諗到一個好WORK既方法
燑：MAMI，我想送一個波比你呀
媽：好呀，你有帶錢咩？？
燑：BAPA，你比D錢我買波送比MAMI生日丫
爸：咁乖？！好呀，咁你買啦

最清楚MAMI既人真係你呀
鐘意咩色、咩公仔、咩圖案，你都知道

真係好感動呀，呢個波MAMI超級勁鐘意
而家學左你講野呀『超級勁』

寶貝女呀，I LOVE YOU SO MUCH！！！

係附近食個溫馨既DINNER先
呢個湯家姐仔話超級勁YUMMY！飲晒一碗
祖祖話“好難飲”。。。到底點呀？！

其實你地食野真係完全相反
家姐食爛飯、甜品﹣細佬食硬飯、肉
唯一2個都唔食既就係：粥。。。。HAHA

近排笑得好假既小燑。。。好勉強姐

坐唔定既祖豬，又喊喇，今次係比BAPA蝦
無啦啦“MEET”你塊面都有咖！！！可惡
呢個飯我地食左好耐好耐呀
祖祖真係再無耐性繼續了，本來想去食糖水都係算吧！
拿拿聲返屋企切蛋糕先！2個都好眼訓了
因為MAMI好想睇下你地見到個蛋糕有幾開心嘛

隻公仔雖然唔你好靚，但都幾可愛丫
每人一隻唔洗爭，家姐鐘意“BABABA”細佬鐘意“WOOW”

個蛋糕係BAPA帶MAMI去買咖！

好少影我地一家4口既相。。。。。

加埋公公，仲有特登返黎陪MAMI切蛋糕既阿YUI

呢個蛋糕吹左5次蠟燭MAMI先許到願囉
每次一點著就比祖B同小燑吹熄左先

好啦，比個KISS黎都得掛
洗咩嬲姐。。。。。車。。。。

唱左4次生日歌，超級勁開心呀
仲有多謝BAPA既生日禮物啦
小燑話：銀包係我話比BAPA知MAMI鐘意咩咖
HEHE，十金

一前一後

好重呀，2個傻瓜～
如果MAMI咁樣出街一定嚇親人
公公近排清理什物搵返呢個背包出黎
諗起以前間中都要咁樣“咩”起小燑煮飯
都幾危險呀，又熱～又多油煙
所以盡量MAMI都寧願跑出跑入去睇下你
小燑豬細個又好合作既，知道MAMI辛苦
所以都好少扭計的，乖乖自己玩同聽歌仔
祖B都乖，但衰在太愛MAMI啦？！
成日都要扭抱既。。。。。HAHA

突然發覺2個都變黑左好多
曬完之後都要1日先會黑左出黎？！
祖B黑蚊蚊好醜呀！＞V＜

家姐又係黑＋瘦～
2個都係肥唔起既小朋友。。。

唔緊要啦，身體健康就夠喇～

如何教出好孩子

到底點樣先係『好孩子』？？？？？
係咪聽晒BAPA同MAMI既說話就等於乖？？
要做D咩先可以教好一個小朋友！
MAMI今日就去左上一課：“如何教出好孩子”既講座
老師一開始都講左一個最簡單既道理～
﹣要識愛自己先可以愛身邊既人！
完全正確丫，如果本身都唔快樂既人點去比人快樂？
所以適當既「放鬆」係好應該要有的
諗諗下MAMI呢幾年都無試過好好咁休息同RELAX了
希望等到祖祖B再大多少少既時候MAMI可以放一日假啦
今日聽既野真係要好好咁去思考一下
我地要當小朋友係一粒『種子』，我地就去栽培粒『種子』
爸爸媽媽就係泥土，即係『種子』既家
先要有一塊適合種植既土地，然後我地就要令佢發芽開花
陽光、水份、營養、風。。。仲要做得好先會產生光合作用
MAMI都知道，其實無教唔好既BB，只係睇有無用心去做
小燑同阿祖既出生都係一件好開心既事
點解時間耐左就會變質。。。打＋鬧都係對件事無幫助
UMM～諗下又係WOO，有時MAMI特別攰個日真係容易嬲
就連小燑叫MAMI陪下佢玩都好像力不從心咁
唉。。。。有時大人都會做錯事，何況咁細個既小朋友？
想佢地既自信心強D，長大之後就企得穩固D！
所以我地就要將佢地既心靈入能量～
好似一個空既水桶同一個裝滿水既水桶比較
用力踢一腳就知道，到底邊個樽可以唔跌底
人愈大總會遇到好多挫敗，只係用手去保護係唔夠咖
MAMI要同小燑、祖祖一齊努力去面對困難
第時做一個唔怕輸，開心健康又有自信既人
你話幾好呢～～～
見到咁多媽咪都仲咁努力去充實自己
係時候MAMI都要加倍比心機呀
落左堂之後返屋企再見返2隻豬B，好似感受深左好多
原來一直以黎做既都未係最好呀！！
應承你地，MAMI會慢慢改左D好差既習慣
例如少D變“ANGRY BIRD”先啦，HAHA
教小朋友無對與錯，在乎想你地將來走咩方向吧
抱住一份唔怕蝕底既心去做一定會有成功既一日
千千千萬唔好變左做咩港孩呀！
咩都要幫MAMI手一齊去做先得咖，學多D野嘛

18個月既祖B倒瀉水都要自己去搵布抹檯呀
因為倒得多，都知道要即刻執起D用電既REMOTE
HAHA。。。。。。。百厭星真係有進步

這個星期。。。

由於小燑出水痘既關係，我地都好悶咁過左7日
星期一開始唔返學既小燑都OK開心！唔洗早起身嘛
到左星期二呢，有D憫，呢3日又完全唔行唔玩
原來因為隻腳面出左2粒水泡，驚行會整穿
比MAMI洗腦咁講：穿左就會唔靚、會爛晒D肉。。。。
所以一步都唔想行？！！！！激死
一日又一日，星期三要同祖祖B去上PLAYGROUP嘛
家姐見到當然唔開心啦，心諗MAMI帶細佬去邊呢？
不過開始好D喇，其實都算出得幾多水痘，仲粒粒都大大粒
睇見都辛苦喔，唔知痛唔痛既呢？
細佬都開始發燒了！YEAH，係咪一齊出呀？？
即刻去睇下醫生，但又唔見有水泡出左
但話成日接觸既都好大機會被傳染啦
陳醫生話順便開定藥比我地準備
但一直到星期五，祖B都無出到水痘囉
係不停咳，連燒都無發LU～咁。。。即係點呀？
本身MAMI就諗住一出2個都出埋就好喇～
橫掂一生人都會出一次，早出好過遲嘛
第時返學仲唔洗驚TIM！！！！！哈哈。。
點知到今日，都星期六了。。。仲係唔見
至於家姐都好返喇，除左D印未消
黃昏既時候就帶你地出去行個圈吧
都未試過困住豬米燑係屋企7日都唔出得去呢
一拎套衫出黎比你換就偷笑喇，幾開心！
就係屋企附近～呼吸下新鮮空氣囉
之前覺得每日接送返學好攰。。。錯喇
原來24小時對住你地2個真係無時停呀
快D好返啦～～HAHAHAHA～～～～

恐佈既一天

真係嚇到MAMI差D暈呀！！！！！
屋企有一個小小既魚缸，入面養左唔同既魚同龍蝦
丫，諗起呢個魚缸係BAPA同MAMI拍拖時一齊買咖
養過好多魚～後來多左小燑同祖B後都無時間再養
今次再放出黎一直都覺得佢好似好多危險存在
因為祖B會伸手入去捉D魚啦～又會扯D電線
豬米燑又會學阿YUI用張紙放入水到比隻蝦夾住玩
得閒無野做2個又係到拍個魚缸。。。真係睇少眼都唔得
然後公公好似迷上左佢地，換左一個大缸放高左
依然好似好危險咁
但係最恐佈既事並唔係個魚缸～
而係豬米燑竟然偷飲左公公買黎倒入水既消毒劑
話明消毒。。。。仲飲。。。唉
到底有無飲真係一個謎～但確實好驚囉
小燑無啦啦話：MAMI，我好驚呀～飲左呢D野呀
OH MY GOD。。。。。即刻跑入廁所沖下個咀
然後一邊就鬧小燑～一邊好驚
到底有無真係飲左呀。。。。？？？問左幾十次
小燑飲左一大杯水～邊喊邊飲加MAMI邊鬧
“死啦，你飲毒藥，陣間好痛就死喇”
講完喊得梗慘。。。。再飲水＋食野
終於都無事，MAMI就問豬米燑有咩想同我講呀？
以為小燑會話“SORRY，以後唔會亂食野喇”
點知換來一句“MAMI生日快樂呀！”
下？！！！WHY？？？？
之後小燑又喊住話“我驚死左無得講生日快樂呀”
傻瓜～你真係差D嚇死我地了
MAMI真係唔可以無左你地咖，咪咁曳啦
總算有驚無險
我愛你＠2013

燒呀～燒呀～

真係好辛苦呢～MAMI又病左喇
次次小燑病左之後總會到我的？唉。。。
發燒開始唔退燒，為左安全再去睇醫生
連祖祖都燒埋一份LU～一齊燒呀～燒呀～
不過要先捱過呢個忙碌既早上
咁岩BAPA又要去“飲”，咁岩婆婆又去飲茶
太多咁岩既唔好彩MAMI就要燒住帶你地出去
因為豬米燑要返話劇嘛
可能食左幾日藥加上MAMI又病既關係
真係覺得你特別曳&唔聽話既？？
今堂“BB姐姐”同你地整一個膠袋公仔BB
DIY貼D眼鼻咀上去然後改個名比佢
小燑個BB叫做“BUN BUN”
唔知點解會諗到呢個名既呢？HAHA
BUN BUN BB係由小燑落堂介紹比MAMI識
之後細心睇下“BUN BUN”BB個咀係倒轉咖
倒轉左既咀即係唔係笑咀啦，係唔開心咀
行左出學校門口小燑就講喇：
“BUN BUN BB今日唔開心所以佢唔笑”
“BUN BUN BB仲會放屁”
MAMI知道了，呢幾日燑燑一定唔開心啦
所以連BB都一齊唔開心了～
SORRY呀，MAMI要多D關心你先得
再慘既係一落巴士仲吹走左BUN BUN呢～
睇見小燑個樣好嬲又想喊，好彩有人拯救BB
多謝路過既叔叔咁危險都幫我地追返佢返黎呀
然後夜晚MAMI再拎BUN BUN 出黎既時候都嚇左一跳
點解BUN BUN會變左笑咀既？？？？？
即刻叫小燑黎睇下，真係以為有咩奇事發生嘛
點知。。。。。小燑話：
“係呀，BB上車之後覺得好開心，咪倒返轉個咀囉”
哦。。。。。。。。原來係咁！！！！
都好，起碼小燑開心返少少
做2個小朋友MAMI真係唔容易呀
要分得到咁多時間出黎真係。。。難
哎呀，我會努力咖喇～

我愛你們！

終於都買左個停車場比祖祖B了
聖誕禮物呀～鐘意嗎？？？
屋企係好多玩具。。但偏偏無男仔既玩具
呢套車車，真係岩晒祖祖啦

拆開之後都無咩機會玩。。。。
一路都係坐係到等。。。同望
HAHA。。點解呀？？？？

因為家姐霸住玩囉！
OH。。。原來小燑話係教細佬玩
HAHA！真係乖家姐呢
BAPA當然都有買禮物比家姐啦
明天去街街就可以著新褸、新鞋、同新裙啦

HELLO，我很咪好奸呀？？？
就快1歲既小寶寶，快D學識行啦

可能真係開始出牙仔嗎？？？？？
近排成日都塞晒堆手指入口到
攪到成身都係口水。。。。

食晒D手指之後仲笑得好開心咖
又摸去MAMI個身到
YIYA。。。。好肉酸呢～

如果真的會世界末日？？！！！
當然唔希望係聽日啦。。。。。
假如係真的話，MAMI真的有十萬個不捨得
十萬個唔願意都是因為我的2個寶貝
信與唔信都好，依然很珍惜陪伴住你地既時刻
心入面有千言萬語想講
不過都係鐘意面對面攪住你地先講啦
我愛你們呀

病魔請你遠離我們吧

天呀。。。到底幾時先比我停一停呀？
大家都輪住病～～～小病～～
祖B又咳到喉嚨發炎了
豬米燑又再感冒同咳啦
咳到抖氣有D BEEP BEEP聲
嚇到MAMI即刻四圍打電話搵醫生睇
後尾都係決定明天先睇DR CHAN
食返早幾日配定係屋企既藥頂住先
發現成屋都係藥袋、淨返少少既藥樽
唉。。。MAMI好心痛呀
睇見你地訓唔安食唔落既樣
祖B個黑眼圈都變左紅眼圈了
可以幫你地病嗎？？？？
訓覺都要爬轉身先唔咳。。。鳴。。好慘

真係要多D帶你地去做運動呢
落街散散步。等燑燑行多D
咁岩見到有條好可愛既頸巾
每人一條。。包住條頸無咁易咳
好懷念呢隻公仔呀
係MAMI細個好鐘意既：SOUTH PARK

我也很愛你

錯覺。。。。。。。大家都唔了解我地呢
祖BB，I LOVE YOU呀
個個都話MAMI錫晒家姐
又點會呢。。。你都係MAMI既最愛呀
可能人地唔知道又或者睇唔出
不過MAMI知道祖祖感受到我有幾愛你的
祖豬，你肯定感覺到MAMA既愛吧
如果唔係你又點會咁開心呢？
因為祖祖係男孩子呀
MAMI想你可以比家姐更堅強呀
大個仔要保護我咖嘛
你地都知道MAMI幾無膽咖啦
咩都驚～～連見到蝴蝶都會逃跑的
哈哈，總知只係突然想講比祖祖知
MAMI都是很愛很愛你的
當然。。。。都很愛很愛我的豬米燑

有時望住你地好開心既樣
真的會感動到眼有淚光

叻叻呀，識得同MAMI話PEEKABOO

阿祖今日剪左頭髮呀
可愛嗎？？？

學習中的：3歲＠小燑B

3歲了，我的霸王小公主～
做左MA之後真係每年BB生日都會回憶
覺得自己好勇敢呀，哈哈
開始返幼稚園既小燑變左好多
長大了、有自主了、脾氣多了、乖了
學識同MAMI傾條件～講道理
最叻就係普通話已勁過BAPA！
要學乖既都真係變乖左
一樣既成果就係曳都係更曳囉
生日對於玩在既你黎講都係未有意義的
應該只係有蛋糕切～有禮物收～有蠟燭吹
但每年今日都係MAMI最感動既回憶
＊＊＊＊＊＊＊＊＊＊＊＊＊＊＊＊＊＊＊＊

波仔都返黎陪我地切蛋糕呀
自從返學之後都好少見既表妹
奇怪既小燑夜晚又好愛佢咖
但訓醒就話掛住大頭仔表弟多D

HAPPY BIRTHDAY小燑
婆婆買左蛋糕一齊食
今日BAPA有野做唔係屋企
不過比左封利是小燑
“要乖乖讀書呀!”
同小朋友切蛋糕真係好混亂
每次都整到筋疲力盡
由其係細佬次次都扭眼訓
UMM～第時都係切左CAKE先啦
豬米燑！！！！生日大快樂呀
祝：“開心”
HAHA，呢2個字你都識讀嘛！
I LOVE YOU～～～～～～