23MONTHS的祖

好耐無講過阿祖既野咁～23個月了
呢個月開始好似突然識講多左好多句子
有問有答咁，雖然有時係問非所答既
媽：祖！你愛唔愛媽呀？
祖：愛媽
媽：有幾愛呀？
祖：最愛！
媽：有幾最呢？
祖：好。。。。。。最
＊＊＊＊＊ 開頭都好有HEART咁既，問多左而家係隨口答
而家行家識叫MAMI買野喇～
識睇到鐘意就叫：MAMI，我鐘意呢個呀！
不過阿祖B都好識TUM人～
買左會比個KISS再THANK YOU咖 
＊＊＊＊＊一唔滿意都會訓地，好彩只訓屋企既地囉！
開始知道MAMI係可以保護佢既人
BAPA一行去『蝦』你，祖B就會大叫“我係超人”
真係比你笑死！
＊＊呢個超人都知道唔可以亂打人既
23個月，MAMI會繼績努力比最好既“媽媽奶”你
希望你可以身體健康啦～開心快樂
同家姐相親相愛～～～～
 

參觀日@沙田稻香飲食文化博物館

YEAH～終於有機會同小燑B一齊參加學校參觀活動
百忙之中抽到時間出黎做家長義工，HEHE
其實MAMI都好開心，有咁多小朋友陪我玩
今日既行程好趕～又好充實！諗返起以前做PA既時候
雖然只係短短2個鐘，都認識左好多同學仔WOO
佢地個個都好鐘意同我傾計～搞到最後小燑有D呷醋
9點鐘我地就上旅遊巴士出發，好彩無塞車1個鐘到達目的地
面都青晒既小燑第一時間落車呼吸新鮮空氣，無嘔呀！
抖左5分鐘之後先好DD。。。開始參觀博物館
聽住職員簡單咁介紹香港既特色飲食文化
路邊既大排檔、推車仔既魚旦、雞蛋仔.........
YUMMY！聽到個個小朋友都好興奮
都聽到一個關於點解茶樓加水要打開蓋既故仔

因為以前既人鐘意帶雀竉去飲茶傾計
有次伙記加水去茶壺既時候唔知點解入面有隻雀係到
最後“熱”死左隻雀仔仲要賠好多錢！？
自此之後茶樓規定要加水既客人都要打開個蓋
HAHA，真係無諗過係咁既原因
好難影到小燑相～都唔合作仲成日都避鏡頭咖～
 

 

 呢張係笑得最開心既一張，HAHA！好可愛呀

 

左睇睇右影下相咁，好快就要離開喇
大家走既時候都問點解唔係去飲茶？！HAHA
K.2既第二次參觀順利完成！
放學婆婆帶埋祖祖出黎接家姐～哇。。祖B好掛住MAMI
梗係啦，都好似未試過同MAMI分開咁耐嘛

呢到就係小燑的K2B同學仔～ 

阿祖要食中藥呀

小朋友間中胃口唔好都正常
但阿祖豬真係每個月都幾次連續幾日唔食
食物戰鬥呢個遊戲真係頂唔順囉
阿祖同學仔：包包MAMI傾開計發現大家都一樣經歷
包包都去左睇中醫，食左幾日藥之後而家無事
既然咩方法都嘗試過不如都睇下有無幫助
第一日食藥。。。。。。。CRAZY！！！
無論點餵祖都可以同我噴晒出黎
攪左好耐又無人肯幫手既情況之下
50ML藥食左25ML囉。。應該都有一半既
祖呀！你唔好怪MAMI呀！我都係為你好
醫生話咁細個好需要營養發育的，所以你唔食係唔得咖
呢幾日每日由朝到晚加埋都無半碗飯
就連水都唔飲、餅又唔食。。。。睇見真係好心痛
25磅又得返22磅，唉
希望食幾日藥會有進展啦～加油
 

改造中的我們

就係短短呢2日3夜。。。
將所有壞脾氣戒掉係一件好難既事 
但係MAMI都十分盡力唔鬧、唔嬲、唔迫
可惜既係今日做功課既時候唔覺意大聲左少少
又係自己無耐性之過囉
不過好彩MAMI有用心去記住我地既承諾
所以唯有即刻將本書放底，大家都冷靜一下
唔好以為小燑咩都唔知又唔識
過左一陣之後小燑就問：MAMI你又話唔會咁惡既？
OH。。。係呀！所以我咪行開一陣先囉
小朋友真係醒，HAHAHA
眼見既小小改變都成為我地既動力
MAMI覺得豬米燑真係聽話左，合作左
仲有最大既進步係『自動自覺』多了
而且有小獎勵幫助之下～更加努力啦
儲30個“幫手做家務”貼紙小燑話想帶埋祖B去BBQ
真係好乖呀～有咩都會諗起細佬
好啦，繼續加油～～～
想小燑豬變返一個開心活潑既小朋友
一個充滿自信心既小朋友～

開心練歌@童聲合唱團

開學後小燑有一段時間好似對唱歌無咩興趣
一時又會話好眼訓唔想去練習？！
可能岩岩開學加上讀左K.2之後都未適應
再加埋上一堂比KAREN姐姐話左幾句
放學既時候個樣十分之唔開心仲同MAMI訴苦
估唔到今日小燑又好似好興奮WOO
唔知會唔會都關『乖乖獎勵』事呢？！HAHA
因為幫MAMI手摺衫～讚左小燑好多次
又教祖B幫手淋花～一齊玩，一齊出一身汗
家務時間雖然真係比自己一個人做多左幾倍
值得的。。。就係小燑今日多左“自信心”
咁快就睇得出？？原來改變就係咁簡單？？！
真係咖，全日都無同MAMI作對過
就算落堂之後經過食韓國燒烤既地方扭計想入去
但最後MAMI只係話：不如我地儲多一個“做家務貼紙”丫
到小燑儲夠既我就帶你黎BBQ啦
小燑：UMMM～～好呀，咁我以後都幫手摺衫 
之後就一邊唱返上堂既歌仔比MAMI同祖祖聽
好野！！！興趣。。。真係唔可以迫出來的

小燑的乖乖記錄表

講左好耐，又實踐左好耐都未完成既事
MAMI終於都下定決心去做喇～
“乖孩子獎勵計劃”囉，HAHA
由3歲講到而家4歲了，係時候認真去做
一路都係做下又懶下又停下又無左件事呢！
今日MAMI就做到喇！小燑都一樣可以的
開頭呢10日就唔規定咁多規則去獎“貼紙”先
只係畫左16格去比嘗試、等你明白咩係責任
小朋友既『願望』其實真係好簡單
豬米燑話：如果我好叻既話我想食雪糕呀
物質。。。真的並唔重要～愛，就係佢地既動力
上左幾堂聽下如何教導BB、如何身教。。。
近來MAMI都諗左好多方法～同反醒自己既態度
係！我錯喇，我有時會忽略左你地既聲音
無了用你地既能力～無體諒大家既需要     
將心比己，真係要再比更多既耐性出黎呀
唔係唔鬧～唔係寵壞～亦唔係盲目地愛
而係關心＋了解＋愛護
老師講得岩，種善因，得善果
希望小燑同祖B都可以健康快樂咁成長
MAMI都要努力唔好放棄呢～

FROM THERE TO HERE

HELLO，NICE TO MEET YOU AND YOU！
無諗過既野真係特別容易發生，HAHA
連BLOG都要搬呀！
所以話呢，人生無常，要好好珍惜現在
更加要PLAN定將來！！！！
生活又咁岩煩緊住屋既問題，估唔到連BLOG都要搬
第一日黎到呢到仲未好習慣
MAMI呢個電腦白痴應該都要一段時間先適應到
希望搬過黎既時候唔好MISS左以前既一點一滴啦！
近來真係除左忙『家事』之後都無時間淨
心情都差、連笑晚時間都無左好多
小燑B同阿祖都應該FEEL到屋企既人好煩惱
THAT“S Y，黎緊呢2日就想好好RELAX下
有咩都等到星期一先再開始過
而且小燑之前跌到既傷口都好得7788
謝天謝地囉。。HAHA
希望大家都有個開心既WEEKEND啦