K3B的豬小燑都開學了

YEAH，2個小朋友都返學了
第一次帶住家姐＋細佬一齊出門口
第一次拎2個書包去坐車。。。。。
第一次同小燑﹠阿祖祖講“BYEBYE喇，聽老師話！”
第一次得返MAMI一個人離開學校
第一次無人同我SHARE早餐食
雖然暫時得短短既1小時，都無咩唔習慣丫
只係突然覺得無左阿祖一齊SHARE早餐食得好飽
有少少掛住嘈嘈吵吵既兩姐弟～
不過都好享受呢個難得既小小私人時間
話晒，MAMI都好耐好耐無放過假喇
再過2星期之後每一個早上既自由時間
起碼可以輕鬆D咁做下家務或者買菜煮家午餐
又或者有時間可以嘗試去運動一下出身汗
諗下都覺得好開心，HAHA
之不過一諗到下星期阿祖放11點而家姐要12：15
。。。。。唉。。。。唔通要係街到流連一個鐘？

OPENDAY OF JEREMY

GOOD MORNING~~祖祖今日第一日返學呀
好感動呀，呢個小朋友終於長大了！！
晨咁早就起身準備好晒D野就叫醒2個懶訓豬
好彩家姐仔明天先開始返學囉～今日可以練習下
第一下真係2個一齊大喊“好眼訓呀”
不過拎左套校服出黎就精神左DD咁多
換好衫先到家姐起身，係廁所行出黎望到細佬就傻笑
HEHE，可能未見過祖B著校服啦，覺得好特別
仲話佢好得意，要MAMI比小燑幫祖祖著襪TIM
第一日當然要出動全家人一齊啦，HAHA
仲可以留係課室一陣睇下小朋友返學既環境
學校岩岩全新裝修完呀，祖祖你要加油呀
快D習慣返學呢個MODE啦
暫時咁睇你都應該OK呀～接放學都無喊算係咁了

然後MAMI同BAPA就帶家姐去食早餐先
上年一直都只係得祖B陪MAMI
好難得有呢個機會有小燑陪食早餐WOO

~我地食飽飽都夠鐘接祖祖LU
今日真係一切順利
明天加油吧～～～

魔雪奇緣＠溜冰

萬眾期待既一刻終於都黎喇～YEAH

自從上次係戲院睇過FROZEN 之後就一直迷上

MAMI真係覺得自己無白去個一趟戲院呀！英明！

確係無誇張咖，ELSA公主咁靚又有歌仔唱

連祖祖B都愛上ANNA公主啦～～～

所以之前講過帶你地去溜冰又點可以無口齒丫

好彩肥DO得閒陪我地一齊“瘋狂”一下姐

講真，MAMI同肥DO大大話話都有7、8年無溜過冰

一著上對鞋都已經好興奮啦

燑燑同祖祖都攪左一陣先企得穩～夠膽試都好叻啦！

而家原來咁好有隻溜冰企鵝租比人學行！

MAMI真係OUTDATE了。。。。HAHA

一踏上D冰個下真係好緊張。。。行左一步，又OK呢

2個玩到唔願走，連食LUNCH都要係一個望到D冰既地方

9秒9食完又要再戰ELSA公主

MAMI練左一陣之後都夠膽滑快D，輪流拉住一個跑下圈

燑燑溜到最後都夠膽放手行2步，勁呀

祖祖太用力去玩喇，加埋都行左成個鐘

超攰，一出門口即刻訓左！！

年紀大既MAMI條腰都差D伸唔返直

全身散晒呀，HELP。。。。。。。。

遲下要等BAPA有時間先再去玩過

我地可以邊溜邊唱LET IT GO～～LET IT GO OOOO

鄉間生活～DAY 3

我的豬小燑病左呀！！！好擔心
不過好彩只係少少發燒，喉嚨痛
仲玩得食得訓得應該無事既～
MAMI無帶退燒藥，尋晚成晚用毛巾“FULL”額頭
都唔係高燒應該唔洗食藥既 ～加油呀
我地要靠自己打底病菌 

家姐唔舒服，出去附近散下步就算
呢個好大膽既細佬竟然赤腳走落水塘
OMG，呢個塘好深，D水好臭又多水昆蟲係到跳
天不怕地不怕既祖B見到個婆婆落就跟住人
HAHA，真係服左你！！！！ 
之後拿拿聲返屋企洗腳！

第一次夜晚都有節目～去左橋底既公園
大家食飽飯都會係到吹下風
一班姨姨嬸嬸就係到跳舞健身
係香港真係無咩幾何呢D咁悠閒既生活
太婆今日有D感冒所以無同我地出黎行下
小燑已經講定聽晚要再黎玩WOO～

鄉間生活～DAY 2

呢位少爺仔一起身落到黎就灘左係舅公張私家床
仲話好舒服呀，MAMI你黎試下啦
原來我地9點起身都已經係好晏咖喇？？
因為表姐表哥仔話：我地7點就黎等你地玩喇
O。。7點真係岩岩轉身咋，HAHA
如果唔係聽到樓下咁嘈既話我諗11點先想落床




















 一食飽第一時間又係﹣﹣玩！
玩就係我地黎既目的之一～HAHA
今日我地去表姐仔屋企參觀下先
好簡陋既屋，仲突然出現一隻小小強仔
嚇到我地3個彈起，但係表姐一手就拍死佢
好勇敢呀。。。。自問我呢個表姑真係唔得























呢到D風景真係好靚～好大自然呀 

係到住左一日之後MAMI都好似精神左
無左平時既壓力嗎？？？？HAHA

 
























豬米燑話要留係表姐屋企玩多陣
祖祖就要跟MAMI四圍行下影下相WOO～

 
























祖B個樣真係夠晒做作！！！？？！！

 
























其實呢到後面應該係養豬豬既！好臭呀

MAMI好鐘意呢張相，好可愛呀～
好彩有呢塊葉，岩岩遇上落雨
我地呢到幾好天，香港應該打緊風落大雨

 

















一行到太婆屋企門口就落大雨喇
2個好少有機會淋雨，比你地玩一陣啦

 






















無咩特別既娛樂，訓醒又係玩囉
呢條村每逄1點到2點都無人係街咖
。。。。。因為個個都要小睡一覺的
就連返工既工人都大部分有晏覺訓～超正呀

小花婆婆幾開心～就係望住阿燑阿祖玩水

 

鄉間生活～DAY 1

見到呢個火車，就知道又係去採太婆既時候啦
今次BAPA唔得閒陪我地去！同婆婆出發
都打算會住耐D，所以行李都好多下～
每之都就岩時間上車可以訓覺，GOOD呀! 
 


 




















第一次坐4個鐘頭既火車，先去到肇慶
再要轉一程大概40分鐘既的士先去到四會
都算好順利，小燑無暈車浪阿祖又無扭計
就連MAMI都無覺得唔舒服呀 
 

















一落左車呢2個百厭星就係到攪攪震
仲係隔離屋舅父D稻上面踩～HAHA
又去摘人地D提子食～不過D味怪怪地既
唔同我地平時食開既提子咁囉
 

























太婆見到我地都好開心，個人都精神返
其實，人老左最緊要都係有屋企人陪住
心情好D又開朗D，連病都會少D啦！！！

小朋友既感情係好容易培養的
雖然幾個月前第一次見既表姐都無覺得陌生
幾個細路一見到面就好開心咁四圍走
最攪笑就係阿祖見表哥仔係門口沖涼都走去睇
睇下睇下佢自己都除埋衫褲走落水，HAHA
今日真係好攰，食飽飯就要快快休息先得
間中係鄉下RELAX下真係。。。好舒服，好正呀!

貓爸爸節＋公公

 早呀，未來既爸爸～HAHA
媽媽節之後當然唔少得爸爸節啦
大忙人BAPA，一個為左我地辛勞工作既爸爸
當然仲有一直默默為全部人付出既公公啦
公公咪就係MAMI既老豆囉～

小燑一早就晝好一幅畫送比BAPA啦
然後MAMI就忙住焗蛋糕
可惜既係最尾唔小心整爛左個蛋糕
經過一翻補救之後都係變成咁。。。。。
唔緊要啦～3個爸爸都唔會介意既

好耐好耐未試過咁齊人出去食飯
一圍檯都坐滿晒大大細細既小朋友
MAMI啦，阿YUI～阿姨～表姨同表舅父
淨係我地5個大細路都幾年未試過一齊食飯 

BAPA，你雖然要搵錢照顧我地
但都要勤力D陪下豬米燑同阿祖B呀

切蛋糕喇～～～