珈琳花燈會@2014

八月十五又到喇！！！！
小燑同祖祖都可以一齊參加學校既慶祝會
好開心，仲可以食個早餐先返學TIM

呢條裙係上年著過既，岩岩好可以著埋
小朋友著呢D好可愛呀，大人著就.....HEHE 

好難得影到阿祖笑得唔肉酸既樣～
係到學家姐“YEAH”仲叫MAMI影佢 

睇返上一年同而家，真係長大左好多呀～
十分之掛住你地2個BB既時候！

HAHA，『S』得咁緊要既？？？？？

到左夜晚就拎MAMI買比你地既燈籠上天台玩
阿祖既TURTLE～仲有豬米燑既FISH！

都係紙燈籠靚D～
下年我地可以買隻大大白兔仔丫～ 

WOO～係BAPA呀！

幾有氣氛，好比心機去點蠟燭～

一見到又話要食，切左又唔食～

團圓既日子又點少得好久不見既BAPA丫
一個星期無見，終於都有時間陪你地玩喇
我地食左好多月餅～～真係有D滯
豬米成個肚都好似脹到就爆咁！好驚呀！
祖B仲自己食左半個大火龍果同西瓜
大家都好飽呀～～～～～
中秋節真係一個增肥既節日呢～
 

豬米的～牛五

 農曆生日少不得的：可愛紅雞蛋
每年都要準備3次，BAPA啦，小燑啦仲有祖B
而今年2個小寶貝都話要幫手整
真的。。。愈幫愈忙，HAHA
1分鐘就叫一次洗手！！！頭都暈呀
所以3分鐘之後就得返MAMI一個人努力
其實只係畫左5隻雞蛋～因為小燑『五』歲了！ 

小燑：MAMI呀，你話我牛一生日？
MAMI：係呀， 呢個係舊曆要食紅雞蛋

小燑：咁我明明係5歲WOO
MAMI：係呀，咁點呀？
小燑：咁即係我係牛五啦！
MAMI：都可以咁講既，HAHA 

希望小燑身體健康啦～開心活潑～
呢個係MAMI對“你”一生一世既願望
可以健康快樂，就可以自己努力去實現更多
寶貝囡，有時MAMI係惡左D（可能好多）
最終都係驚你有危險姐。。。。。。。

呢個笑容真的係太SWEET喇
可以每日都可以係你面上見到就好！ 

雖然今晚得我地3個人慶祝～
但都一樣好開心呀～
BAPA放左工都有打電話黎同你講生日快樂
可惜小燑都訓左覺LU～～～
“牛五快樂呀”！！！！YEAH！！！！

太麻生日慶中秋

祝太“女麻”福如東海、壽比南山！長命百歲
好耐都無同爺爺一家人食飯喇
中秋同生日一齊聚一聚吧
 

本身約好左既BAPA又突然唔得閒啦
大家都問點解次次都唔見BAPA既
超級大忙人咁。。。。。I DONT KNOW
BAPA真係忙到無人信呀，HAHA

好好彩，呢2個百厭星都算好聽話又乖喇
MAMI都可以一個人帶住你地四圍去
只係食野比較麻煩D囉～～～

呢隻企鵝包包就食得你地好開心
平時好少食包既阿祖都食晒一隻呀
唔通MAMI都要係屋企整動物包包？

累。。加累呀

開左學之後呢幾日，MAMI真係行到腳軟
加上早2日又要畫畫～小燑又要上英文班 
哇，唔係講笑！兩隻腳板加一對大脾都發炎了
朝早來回行2轉又加放學既興趣班
特別係星期四先慘囉。。真係8點半行到3點半
而今日因為小燑再跟MS LEE學返珠心算
隔左咁耐第一堂梗係無心機又唔專心囉
MAMI同細佬坐係到等多左成個鐘先放學！
差D攰到想叫老師不如唔好溫咁多留返下堂先
HAHA。。。。。。。。。
希望快D過埋下星期就最好喇。。。。
所有時間都字適應到真係好麻煩
好似食LUNCH既時候阿祖就訓左
返學又眼訓，小燑又訓唔到晏覺。。
所有野都要再慢慢習慣先得
一齊加油啦～～～～～

K3B的豬小燑都開學了

YEAH，2個小朋友都返學了
第一次帶住家姐＋細佬一齊出門口
第一次拎2個書包去坐車。。。。。
第一次同小燑﹠阿祖祖講“BYEBYE喇，聽老師話！”
第一次得返MAMI一個人離開學校
第一次無人同我SHARE早餐食
雖然暫時得短短既1小時，都無咩唔習慣丫
只係突然覺得無左阿祖一齊SHARE早餐食得好飽
有少少掛住嘈嘈吵吵既兩姐弟～
不過都好享受呢個難得既小小私人時間
話晒，MAMI都好耐好耐無放過假喇
再過2星期之後每一個早上既自由時間
起碼可以輕鬆D咁做下家務或者買菜煮家午餐
又或者有時間可以嘗試去運動一下出身汗
諗下都覺得好開心，HAHA
之不過一諗到下星期阿祖放11點而家姐要12：15
。。。。。唉。。。。唔通要係街到流連一個鐘？

OPENDAY OF JEREMY

GOOD MORNING~~祖祖今日第一日返學呀
好感動呀，呢個小朋友終於長大了！！
晨咁早就起身準備好晒D野就叫醒2個懶訓豬
好彩家姐仔明天先開始返學囉～今日可以練習下
第一下真係2個一齊大喊“好眼訓呀”
不過拎左套校服出黎就精神左DD咁多
換好衫先到家姐起身，係廁所行出黎望到細佬就傻笑
HEHE，可能未見過祖B著校服啦，覺得好特別
仲話佢好得意，要MAMI比小燑幫祖祖著襪TIM
第一日當然要出動全家人一齊啦，HAHA
仲可以留係課室一陣睇下小朋友返學既環境
學校岩岩全新裝修完呀，祖祖你要加油呀
快D習慣返學呢個MODE啦
暫時咁睇你都應該OK呀～接放學都無喊算係咁了

然後MAMI同BAPA就帶家姐去食早餐先
上年一直都只係得祖B陪MAMI
好難得有呢個機會有小燑陪食早餐WOO

~我地食飽飽都夠鐘接祖祖LU
今日真係一切順利
明天加油吧～～～

魔雪奇緣＠溜冰

萬眾期待既一刻終於都黎喇～YEAH

自從上次係戲院睇過FROZEN 之後就一直迷上

MAMI真係覺得自己無白去個一趟戲院呀！英明！

確係無誇張咖，ELSA公主咁靚又有歌仔唱

連祖祖B都愛上ANNA公主啦～～～

所以之前講過帶你地去溜冰又點可以無口齒丫

好彩肥DO得閒陪我地一齊“瘋狂”一下姐

講真，MAMI同肥DO大大話話都有7、8年無溜過冰

一著上對鞋都已經好興奮啦

燑燑同祖祖都攪左一陣先企得穩～夠膽試都好叻啦！

而家原來咁好有隻溜冰企鵝租比人學行！

MAMI真係OUTDATE了。。。。HAHA

一踏上D冰個下真係好緊張。。。行左一步，又OK呢

2個玩到唔願走，連食LUNCH都要係一個望到D冰既地方

9秒9食完又要再戰ELSA公主

MAMI練左一陣之後都夠膽滑快D，輪流拉住一個跑下圈

燑燑溜到最後都夠膽放手行2步，勁呀

祖祖太用力去玩喇，加埋都行左成個鐘

超攰，一出門口即刻訓左！！

年紀大既MAMI條腰都差D伸唔返直

全身散晒呀，HELP。。。。。。。。

遲下要等BAPA有時間先再去玩過

我地可以邊溜邊唱LET IT GO～～LET IT GO OOOO