為小花加加油之旅

原來小花唔舒服左好一段時間了
不在身邊的親人，真的要再多點關心一下
老人家有病一拖又拖都唔肯去睇醫生，可惡呀
我們最愛的小花婆婆呀，你要健健康康先得啊
從來都無諗過你病係一個負累的，請放心
小時候你也沒嫌棄過我一點吧？？
請勿再傻！！！！！我地會照顧你的

～住左醫院咁多日，好彩大家都分工合作去陪住你
 豬米同祖B都好乖無扭計，坐係醫院陪你玩下，傾計
好幸運有2個咁生性既BB～LOVE YOU TOO！
祖B竟然餵太婆食飯，仲識得吹凍左先餵～
又拎左自己既保嬰丹出黎叫太婆食左就可以返屋企
MAMI見到真係好感動
豬米就負責幫太婆按摩，又會一齊餵食飯
太婆話：豬米真係好懂事，識照顧細佬
人老左就愈感性？近來MAMI成日都會無啦啦流眼淚
好似失左控咁，少少事都講到眼濕濕咁，HAHA
連個女都話MAMI好咋成日喊。。。。。。。

小燑的幼稚園結業日@2015

 ～呢個TOPIC寫左3年了，終於要完結
好快就會變成“小燑的小學生涯”
十萬個唔捨得呀，突然之間好似要同好多人分別
MAMI真係每次聽到你地唱畢業歌仔都會喊
小燑都好唔捨得老師同同學仔，大家都要去唔同既小學LU
有機會既話一定要再約出黎一聚
珈琳既老師真係好有心，特別多謝K3既班主任
令到小燑再愛上校園生活同變返一個活潑既小朋友
呼，諗起MAMI又喊喇，HAHA，無鬼用呀真係
講返D開心野先～～～～
今日係學校帶佢地去畢業旅行日，大家都好開心呀
 豬米話去左黃金海岸食BUFFET～佢食左好多野
但MAMI聽黎聽去都係得糖呀～甜品呀～雪糕囉
HEHE，算啦，好好ENJOY你既一天啦
放暑假喇～黎緊就變成小學生了
你要努力呀～～～唔可以好似而家咁多時間玩喇
當然MAMI會盡量陪你玩啦，唔RELAX點學到野呀

文協童聲：讓童聲發亮＠2015

又一年了，豬米燑話佢愈來愈鐘意唱歌
歌真係可以感染埋其他人，細佬都好鐘意跟住學
下一年啦，希望可以夾到時間一齊去唱歌
呢個頑皮鬼一見到家姐上台唱歌就好似FANS咁大叫
人地唱唱下仲跟埋唱一份～
愈唱愈大聲，真係差D嘈到台上面表演既家姐仔
今晚既表演團長又係太興奮喇，唱到停唔到要加時
一放學出黎豬米就話好餓好餓呀
買左宵夜即刻坐車返屋企食飽飽訓覺
由下午3點一直玩到11點幾。。。真係好攰囉
GOOD SHOW呀小燑～
休息一個星期又要返去考試音試了
到時希望可以升到班然後繼續唱啦
ADD OIL ～～～～～

小燑的第一個畢業禮@屯門大會堂

一見到豬米燑真係忍唔住笑左一笑
明明之前採排個日都好靚女咖？
點解今日表演化既妝咁搞笑既呢！！
特別呢兩條粗粗的EYEBROW
呢個畢業禮係3間正校分校一齊的
所以都好多人，坐到滿晒呀
一開始校長校監講左一堆校訓同頒獎後～
就到小朋友出場既時候了
第一個節目就係大合唱，可惜人真的太多了
所以睇唔清楚邊個係豬小燑～
之但係MAMI都可以喊到BA BA聲
坐係附近既同學仔媽媽都預左我會大喊
哈哈，真係無估錯，我喊到傻左
仲有練習左好耐既舞獅表演～個個都好可愛呀
原來係一個話劇黎既！真係今日先知道
我地仲諗左好耐點解畢業要舞獅，HAHA
大個女喇～3年真係唔容易，辛苦晒
辛苦學校既老師、主任同校長既用心教導
當然小燑都好比心機去學習的，MAMI見到咖
以後既路都係要你努力去行落去
BAPA同MAMI仲有你同細佬都會互相扶持
希望我地永遠都好似好朋友一樣相親相愛
唔好到大個女大個仔就唔再同MAMI講心事呀

 

驚險的黑雨考車日

呼，真係嚇到MAMI心都跳埋出黎
一早出發去考車牌，預算左有時間可以練習一下
點知一上公路就遇上大塞車，再加傾盆大雨
雨真係愈落愈大，連路都睇唔清
OH MY GOD！！黑雨加塞車
真係咩心機都無啦～唉，難得準備好嘛
終於都出到試場真係好灰咁等
係夠鐘考試之前唔夠半個鐘轉左紅雨
即係話～～可以考試呀～YEAH
不過都真係仲好大雨
可能因為天氣既關係。。。
加上本身MAMI既技術都GOOD既＞＜
成功了
為左第時接你地返學放學方便D都好嘛
而且考車牌真係MAMI細細個一直就想做的
終於都比我夢想成真了
多謝BAPA～～～
 

BAPA既生晨快樂日

喜事一浪接一浪，又到左BAPA既生日WOO
呢個生日都好特別咖，我地係自己既屋企開PARTY
仲第一次請埋“MA MA”同姑姐黎食晚飯呢
MAMI下廚，隨便煮D野啦，都應該見的下人既
今日仲比個機會BAPA去接阿燑合唱團放學
小燑當然都好開心啦，因為真係好少機會咖嘛
BAPA呢個大忙人抽D咁寶貴既時間囉～
唔關我事咖，HAHA，真係阿燑講既
“MA MA”同姑姐仲帶左好多玩具入黎送比我地TIM
丫，仲有個大蛋糕，好彩姑姐幫手去買咋，THX
今日無咩好豐富既晚餐，又無名貴既禮物
就只有我地小小既心意同你慶祝
HEHE，感動嘛？？？！！！
祝BAPA身體健康，財源滾滾來......HAHAHA

90大壽，小花WE LOVE YOU

HAPPY BIRTHDAY TO YOU～
HAPPY BIRTHDAY TO YOU～～
HAPPY BIRTHDAY！HAPPY BIRTHDAY
HAPPY BIRTHDAY～～～TO 小花～～

生日快樂呀～年年有今日，歲歲有今朝
哈哈，老土都要講多句身體健康
今年阿YUI身在澳洲出席唔到呢個咁重要既約會，下年一家要補返個再大再靚既蛋糕比小花婆婆呀
返黎鄉下既路途真係十分之遠，每次都坐車坐到嘔
但係小燑同阿祖B一落車就咩都唔記得
有得玩就大晒啦？！！！
返親黎都NON STOP 跑
再加NON STOP 食～HAHA
鄉下既環境係好舒服既～人都RELAX晒
今次又比阿婆發現左呢間新酒樓
D野食都幾好味，特別係隻雞～阿祖食左差不多半隻
開始懷疑阿祖係咪狐狸黎咖？咁鐘意食雞既？？？
一日3餐都無問題WOO，勁！！！！
睇下張相～小花幾精靈～笑得幾SWEET～
見到你開心就好喇～～ 
 

LITTLE MAMA&POPO來拜年

MINI MAMA同婆婆今日黎拜年呀
我地搬左黎之後第一次係到過新年
本身都想煮餐飯招呼下朋友仔嘛
可惜佢地仲有下一場囉
下次有機會再黎一齊玩啦～
 

遲來的入伙宴

 WOHO～～～好開心呀，B一B佢先
多謝咁多位MAMI既幫忙先可以搬到屋
間屋執得七七八八既時候梗係要慶祝啦
由於今日好忙，所以一張相都無影到！
一早就出左去交小燑既小一入學申請表
希望一切順利啦，有D選擇都係最後一秒先決定
GOOD LUCK！！！！！2
之後返黎就準備好晒D野先
當然雞手鴨腳既MAMI係要人幫手啦
好彩DAISY EE好快手咁整好左好多野
然後。。。。開始BBQ 喇

小燑話：好開心呀我，可以叫咁多朋友黎玩
^^有你呢句說話幾辛苦都抵啦
不過間中一次好喇，HAHA，如果唔係頂唔順的
呢間小小既屋仔，今晚有十幾人黎真係好熱鬧呢
多謝晒星陶、熹熹同桸桸一家，唔少得既係肥DO媽啦
期待下一次既聚會呀

YOU ARE MY SUNSHINES,XO

HAPPY NEW YEAR，表姑姐結婚了

 

 HAPPY NEW YEAR＊＊＊＊＊＊＊＊＊

呢句HAPPY NEW YEAR今朝真係笑死我同小燑

一起身就同你地講“HAPPY NEW YEAR”

得小燑有同MAMI講返，之後重重覆覆阿祖都無反應

淨係係到“了”自己隻EAR～咁MAMI就問做咩唔彩人咖

原來阿祖話：我咪“NEW“緊 EAR 囉

HAHAHAHAHA～咁蠢咖你～～～～

玩完快D換衫出發，去表姑姐婚禮呀

小燑同阿祖仲有機會做花仔花女TIM 

換好衫，阿燑仲話要化妝！
女仔真係天生就愛靚嗎？？？
細佬係旁邊一路望住家姐話：好靚呀你
到底你似邊個咁口花花呢！
睇睇下MAMI又好感足喇
幾時到你地2個嫁人同娶老婆呢？？？ 

今日表姑姐都感動到喊左好多次
攪到阿祖都問：你點解成日喊既？咁醜怪既？
哈哈，諗返起MAMI同BAPA結婚時都喊左好多咖
唔經唔覺都5年了，仲多左小燑同祖BB！
 
實在難以相像20年後既你地會係點樣！
不這只有一樣野係唔會變的
就係BAPA MAMI永遠都會愛你地，支持你地
你地既將來，要自己努力去爭取，去建立，去創造
能夠給你們的就只有滿滿既愛令你去成長
人生。。。就係要自己去掌握的
加油呀！！！！！