鄉下尋親記@四會DAY1

我地第一次要去太婆鄉下呀，聽到個車程都驚驚地
一黎小燑又坐唔到長途車～而且好似好偏僻咁
但係講左咁耐都要抽D時間去睇下小花婆婆嘛
更加緊要既係明天就係太婆既“牛一”呢
坐11點既火車出發去左廣州，先陪舅公食個飯
 順便比大家抖一抖～坐一坐！因為好似仲有好遠路
小燑沿路都問到未呀？幾耐呀？落車未呀？
UMM～講真，MAMI都坐得好唔耐煩囉
之但係無相像中咁遠WOO，個零鐘就到四會了
6點都未夠，天都黑黑地～空氣好清新呀
好多人係門口接我地～雖然全部人都唔識既，HAHA
好彩豬米燑無嘔、無暈！YEAH！好叻女呀～
落車第一件事梗係入屋然後大叫“好掛住你呀小花”。
諗諗下可能一年都無黎探過太婆了。。
大家安頓好D行李同飲杯茶又話煮飯呢？！！
由出門口開始計我地都已經食左3大餐飯仲不停食零食
照計應該好飽既，但係估唔到7點未夠我地又餓LU
帶定好多麵包、餅乾同水～
點知2個小朋友勁鐘意食呢到D野WOO
可能D菜又新鮮。D雞又新鮮～
阿祖B仲食左成大碗飯呀，係屋企好耐都無試過
仲有小花專成煲既木瓜魚湯！係比MAMI飲左可以餵奶咖
木瓜？都係岩岩樹上摘落黎的～勁正呀！
食到咁飽既祖B一沖完涼都唔洗飲奶都訓左覺囉
UMM～～～～～太婆呢到真係好大！環境都好好丫
都唔會係好落後既地方，仲好乾淨
除左沖涼既水超級勁細水之外，咩都VERY GOOD呀
今晚早D抖，聽朝四圍去行下先得～

遲來的廸士尼之旅@DAY1

我地出發廸士尼LU，YEAH
接左小燑放學～食飽飽～GO！！
第一次去DISNEYLAND呢，好緊張呀
終於都有機會坐下呢架MICKEY車車了

一落車就梗係搵下點去CHECK IN 先啦
D行李真係十分重呢～

入到去都3點了！快快去酒店放底D行李先
都好方便～有巴士去，仲唔洗點等的
HIHI～我地到左喇！

小燑第一時間就係搵野玩，畫畫囉
間房都無咩特別！所以無影相WOO
因為唔係公主，SO？小燑都無興趣
其實MAMI見到張床好想訓一陣咖

房入面最靚就係呢塊鏡了。。。。
祖祖話唔要同BAPA影相呀！！！

坐返車出去後～第一件事就係食
估唔到D野係咁難食的。。哈哈

BAPA因為忙住做野無食LUNCH
如果唔係咁肚餓應該食唔落的＞V＜

食到一半祖B突然醒一醒，食左2啖
再飲D汽水又訓過。。。。正為食豬

不過見到好多麻雀係身邊飛下飛下
原來佢地係到等食咖！一D都唔怕人
望到隔離檯D人一起身就有十幾隻雀爭食
哇，小燑即刻話飽囉。。。想餵雀嘛
D雀真係好可愛呢～行得好近呀

我地第一樣玩既野係“木馬”
亦都係MAMI唯一玩過既野囉，哈哈
細佬成日都掛住訓。。。。唉
但係見到小燑玩MAMI一樣咁開心啦
同BAPA坐左小飛象
豬米燑話飛得太高好驚WOO～
下次再去既時候MAMI再陪你坐丫

呢個SHOW好好睇呀
連祖B都好開心係到拍手仔
小燑仲一齊唱歌呢
最開心真係見到你地2個笑。。HEHE

＊＊＊＊＊＊＊＊＊＊＊＊＊＊＊＊＊＊
最後去左WINDOW SHOPPING

沿途好多人都送貼紙比我地呀
因為個個都叫我的小王子做小公主
其實MAMI唔知你邊到似公主呢？
BAPA同MAMI都唔想解釋，就做1日公主啦

唔經唔覺就7點了～買埋棉花糖
等睇煙花啦！！
祖祖又係訓左覺，激死～
小燑睇一睇又話好光呀，隻眼好痛
算了，返酒店換衫食晚餐啦
平時都無機會著既MINNIE裙呀

小燑﹠祖B的兒童餐。。。。超難食
祖祖唔肯食WOO，要食MAMI碗麵

好多人都話細佬好似MAMI
係咩？？？小燑細個都似咖
大左先似左BAPA姐嘛

MAMI仲係腸胃炎唔食得BUFFET呀
唯有一齊食麵囉
食飽就去行下個泳池，HAHA
小燑話唔想游水WOO～奇怪

出去散散步～呢到好黑呀

祖B成日都十分唔合作啊～
影相唔望鏡頭

BAPA同祖B最似既地方就係個TUMMY啦
行返酒店LU，又要去睇玩具。。。唉。。。

祖B帶左呢頂帽有無幾分似男仔呀？

好襯小燑套衫呀～不過屋企都有隻細既
而且唔想增加什物，哈哈～試下好喇

呢個小朋友又點會空手而回丫
最終比佢發現呢部機
又話好想要WOO！你知係咩黎嗎？？？

都未準備好就比小燑整左LU。。。
上到房就掉底左喇。。。無聊豬

OK，沖涼訓覺啦～
明天待續*＊＊＊＊＊＊＊＊＊＊＊＊＊＊＊

荔枝園遊記

預備 ～坐定定先～

睇你個樣一D都唔驚WOO～出發

一個人咖！豬米燑好勇敢呢～

繞場一周，好短既路程！好叻呀

有一點呆，可能有少少怕嗎？
但總算完成了，一個人騎馬呀
係呀～大熱天時我地竟然去左行山？？
同埋波仔、大頭仔、祖B、婆婆&阿E去大棠
一齊行左一陣祖豬就好眼訓了
真係好彩賣票既姐姐好人收留祖B啦
然後婆婆就同細佬係入面嘆冷氣
MAMI同阿E就有3隻馬騮去流汗啦

曬到小燑有點暈喇，影相都唔識笑

準備去餵魚～係小燑最期待既節目

熱到MAMI想跳入池塘呢～最衰唔識游水

換左3包魚糧，都唔夠分！！原來好多魚咖
仲有CARROT 係餵羊仔同RABBIT的
可惜D羊去左行街啦～餵唔到喇
最好笑係波仔同大頭仔走去食CARROT
有無咁肚餓呀？哈哈！連魚糧都唔放過？

十分LUCKY，比我地見到孔雀開屏
個到個姨姨話好多人都睇唔到咖

豬米燑話呢D係咪OSTRICH？？
好乖，睇動物就會記得學過既英文呢！
走既時候買左D酸蘿蔔，波仔食左成樽呀
行左3個鐘，流左幾公升汗

投降了，回家吧～～

廣州之旅

回家真的是最舒服既一件事
雖然有點依依不捨，但都係屋企好，哈哈｜
其實呢幾日都無去玩呢，MAMI 唔行得太多
而且MAMI 都想陪太婆多D
但最大既收鑊係MAMI 要開始做小生意了
入左小小小小既貨，準備賣下野過日子唔洗咁悶
然後～燑B竟然愛上電動麻雀檯

每日就係沉迷係洗牌聲之中，哈哈

BAPA？？食藥～食藥～再食藥囉
最後當然要一提表舅父結婚既大日子啦～
係未開始既時候就由特別嘉賓﹣豬米燑上台唱歌
ABC“S～ OLD MCDONALD 啦....

真係好似演唱會一樣，唱足半個鐘
感謝台下既觀眾，哈哈哈

都有300人咖

玩到小燑半夜喊足一晚！！真攞命～

太婆煮野特別好味？點解小燑每日都食咁多既
MAMI 都係太婆一手揍大咖，所以太婆係MAMI最愛既人
小燑，你都要孝順老人家呀!要愛護身邊既人～

我地永遠都會支持你同愛你的

一落車就要帶你睇醫生了～被傳染!！

公公一早就去左幫你掛號啦，你睇公公幾錫你丫
排左一個鐘，我地岩岩趕到。小小感冒～唉
但姑娘幫你磅重

MAMI 好開心呀
22磅﹣﹣﹣﹣經過呢幾日既努力，你變左25磅呀
好感動呢，其實只要小燑健康，MAMI真係心滿意足了
原來愛，真的是很偉大呢!

中秋快樂＠廣州

MAMI 今朝一早自己去左醫院睇醫生
多心既MAMI 好怕坐車的，醫生唯有開左D藥傍身啦

安全到步～不過BAPA 又病了，咋到死
舅公係火車站接我地，因為太婆搬左屋我地唔識路

哇，好多好多人一齊食中秋飯呀

***小燑手中的太婆﹠ 舅母

小燑循例地怕羞左小陣，乖左一陣，靜左一陣
不過我最愛有禮貌既BB，你點驚都會叫人!乖乖～
太婆煲定湯比我地飲，好味，小燑都飲左2大碗
有三文魚，仲有好多雞皮呀！！
唔知點解豬米燑咁鐘意食雞皮呢？？？
坐一陣，食埋生果同月餅，就同丁丁哥哥去玩燈籠啦
哇，開心死!呢到有好大既公園咖～
睇到好多小朋友一齊跑黎跑去超級開心
小燑仲大叫見到THE MOON 呢
玩飽食飽，沖涼訓覺LU
明天再續...............
"THE MOON 節快樂！！”

I LOVE JO JO BB!!!