鄉間生活～DAY 3

我的豬小燑病左呀！！！好擔心
不過好彩只係少少發燒，喉嚨痛
仲玩得食得訓得應該無事既～
MAMI無帶退燒藥，尋晚成晚用毛巾“FULL”額頭
都唔係高燒應該唔洗食藥既 ～加油呀
我地要靠自己打底病菌 

家姐唔舒服，出去附近散下步就算
呢個好大膽既細佬竟然赤腳走落水塘
OMG，呢個塘好深，D水好臭又多水昆蟲係到跳
天不怕地不怕既祖B見到個婆婆落就跟住人
HAHA，真係服左你！！！！ 
之後拿拿聲返屋企洗腳！

第一次夜晚都有節目～去左橋底既公園
大家食飽飯都會係到吹下風
一班姨姨嬸嬸就係到跳舞健身
係香港真係無咩幾何呢D咁悠閒既生活
太婆今日有D感冒所以無同我地出黎行下
小燑已經講定聽晚要再黎玩WOO～

鄉間生活～DAY 2

呢位少爺仔一起身落到黎就灘左係舅公張私家床
仲話好舒服呀，MAMI你黎試下啦
原來我地9點起身都已經係好晏咖喇？？
因為表姐表哥仔話：我地7點就黎等你地玩喇
O。。7點真係岩岩轉身咋，HAHA
如果唔係聽到樓下咁嘈既話我諗11點先想落床




















 一食飽第一時間又係﹣﹣玩！
玩就係我地黎既目的之一～HAHA
今日我地去表姐仔屋企參觀下先
好簡陋既屋，仲突然出現一隻小小強仔
嚇到我地3個彈起，但係表姐一手就拍死佢
好勇敢呀。。。。自問我呢個表姑真係唔得























呢到D風景真係好靚～好大自然呀 

係到住左一日之後MAMI都好似精神左
無左平時既壓力嗎？？？？HAHA

 
























豬米燑話要留係表姐屋企玩多陣
祖祖就要跟MAMI四圍行下影下相WOO～

 
























祖B個樣真係夠晒做作！！！？？！！

 
























其實呢到後面應該係養豬豬既！好臭呀

MAMI好鐘意呢張相，好可愛呀～
好彩有呢塊葉，岩岩遇上落雨
我地呢到幾好天，香港應該打緊風落大雨

 

















一行到太婆屋企門口就落大雨喇
2個好少有機會淋雨，比你地玩一陣啦

 






















無咩特別既娛樂，訓醒又係玩囉
呢條村每逄1點到2點都無人係街咖
。。。。。因為個個都要小睡一覺的
就連返工既工人都大部分有晏覺訓～超正呀

小花婆婆幾開心～就係望住阿燑阿祖玩水

 

鄉間生活～DAY 1

見到呢個火車，就知道又係去採太婆既時候啦
今次BAPA唔得閒陪我地去！同婆婆出發
都打算會住耐D，所以行李都好多下～
每之都就岩時間上車可以訓覺，GOOD呀! 
 


 




















第一次坐4個鐘頭既火車，先去到肇慶
再要轉一程大概40分鐘既的士先去到四會
都算好順利，小燑無暈車浪阿祖又無扭計
就連MAMI都無覺得唔舒服呀 
 

















一落左車呢2個百厭星就係到攪攪震
仲係隔離屋舅父D稻上面踩～HAHA
又去摘人地D提子食～不過D味怪怪地既
唔同我地平時食開既提子咁囉
 

























太婆見到我地都好開心，個人都精神返
其實，人老左最緊要都係有屋企人陪住
心情好D又開朗D，連病都會少D啦！！！

小朋友既感情係好容易培養的
雖然幾個月前第一次見既表姐都無覺得陌生
幾個細路一見到面就好開心咁四圍走
最攪笑就係阿祖見表哥仔係門口沖涼都走去睇
睇下睇下佢自己都除埋衫褲走落水，HAHA
今日真係好攰，食飽飯就要快快休息先得
間中係鄉下RELAX下真係。。。好舒服，好正呀!

貓爸爸節＋公公

 早呀，未來既爸爸～HAHA
媽媽節之後當然唔少得爸爸節啦
大忙人BAPA，一個為左我地辛勞工作既爸爸
當然仲有一直默默為全部人付出既公公啦
公公咪就係MAMI既老豆囉～

小燑一早就晝好一幅畫送比BAPA啦
然後MAMI就忙住焗蛋糕
可惜既係最尾唔小心整爛左個蛋糕
經過一翻補救之後都係變成咁。。。。。
唔緊要啦～3個爸爸都唔會介意既

好耐好耐未試過咁齊人出去食飯
一圍檯都坐滿晒大大細細既小朋友
MAMI啦，阿YUI～阿姨～表姨同表舅父
淨係我地5個大細路都幾年未試過一齊食飯 

BAPA，你雖然要搵錢照顧我地
但都要勤力D陪下豬米燑同阿祖B呀

切蛋糕喇～～～

媽咪的中學同學結婚了

好期待既一日。。。飲
MAMI既中學同學仔結婚了～
突然就好似諗返起好多從前既往事。。。
年紀大左既人間中都會回憶下咖嘛，HEHE
重點係，見證住呢2個人既一切都好似好快
但又已經過左十幾年？？！！下，十幾年？！！
真係睇開場既回憶VIDEO先知道
原來我地都相識左一個十幾年了，哈哈
想唔認老都難，同檯既其實只有我地3個同學
就係阿姨同肥DO仲有MAMI，WAKAKA
轉眼間望到一張我地都著住校服既相真係喊左出黎
係啦，好感概呀，經歷。。。人生。。。
總知希望大家都會好幸福呀～
小燑B同祖祖，唔知你地結婚MAMI會唔會喊到豬頭咁？
諗下都覺得好好笑，因為腦入面既情景太奇怪
4歲既小燑～2歲既阿祖B話要結婚？？！！
漫長既人生，你地都要活得精彩呀～
好似講得好老土咁，呢D都係MAMI想提醒你地既事
所以有咩想講都要記錄底先得。。。

相親相愛既姐弟～～～～～

鬥靚？！﹠祖的第一套校服

望到頸都長，頭髮都白。。。。。。
祖祖B今朝送左家姐返學之後都可以拎校服了
呢個心情真係好復習，又開心又感動又唔捨得又。。又
MAMI腦裡面識既字太有限，實在好難形容到
2個都要返學喇，當然有D唔捨得，可能會悶？！
講笑姐，三小時清靜可以做下平時做唔到既野
一直以黎都無咩私人空間咁！HAHA
小燑岩岩開始讀帕阿祖就出左世。。。
等到今年，終於都有難得既『空間』可以忙下其他
MAMI都有PLAN過你地既活動咖
特別係小燑B，MAMI知道你好多時都會呷醋
係咪會諗：點解我返左學MAMI又陪細佬唔陪我？
如果等到祖B返左學呢就比佢上埋英文班
咁大家每星期都有一個霸住全個MAMI既機會！
HOHO，定係無呢回事係自己自作多情咁誤會左你地呢？

不過都應該係有需要既，可以分開做唔同既野
有時小燑想睇D小女孩既野嘛
祖B就唔洗成日以為淨係得家姐玩既﹣公主遊戲！
唉。。。。仲要學家姐扎頭髮先慘。。。。
就等MAMI辛苦少少黎比多D時間你地吧

祖B塗鴉@2

本身要咁早起身對祖祖黎講都有D難度既
唔好睇少呢個懶豬既懶惰程度呀
有時叫佢跟MAMI起身送家姐返學都唔肯的
試過幾次話：“你地返啦，我同阿BA訓就得”
哼～～BAPA都唔係屋企！最後喊住咁出門口
但係今日MAMI一話去畫畫後就自動坐左起身
咦？？！！可以日日都咁講嗎？KEKEKE
上到去IVY老師到就自己著圍裙、拎畫簿、飲水、等
仲好醒目聽到老師一開門就彈起身。。。。。。。
登登。今堂係畫~BABABABABABA...im loving it

祖祖B對自己畫既畫好有滿足感
每次一落堂都係面帶笑容好大聲咁叫我睇下
仲好開心咁話老師比貼紙佢
可能成日都見到家姐畫畫啦？！比感染，HAHA
咁你地都一齊加油畫喇～
希望你地既人生都會一樣充滿色彩
LOVE YOU 2 SOOO MUCH！！！