豬小燑與阿祖仔@: 阿祖仔的成長NOTESSS

顯示具有 阿祖仔的成長NOTESSS 標籤的文章。顯示所有文章

2014年12月28日星期日

HAPPY 3 TO MY JEREMY JO

3歲了，阿祖B，WE LOVE YOU！

對住你真係又會嬲又好笑

好百厭呀，但又好識得TUM人開心

MAMI知道你好錫家姐，又會關心身邊既人

同你有一種莫明奇妙既親切

可能因為你仲會攬住MAMI食奶奶吧？

呢3年黎MAMI都好努力KEEP住比媽媽奶你

真係無白費心機的，希望你一直健康成長

之前一直都好後悔只係比左半年媽媽奶小燑

所以今次真係十分堅持，會直到你自然離乳既一天

有時D人會話：咁大個唔洗飲奶啦？

不過MAMI覺得除左健康之外，

都係一種感情來的，當然。。。不捨吧

順其自然。。就是最好的！

3歲了，開始要學下獨立D喇！唔係BB了

返左學都3個月，老師都話阿祖有進步

細BB黎講都OK啦，慢慢會學懂更多

今天多謝爺爺請食壽司呀～

特別驚喜：巴斯蛋糕

簡單的快樂就是最幸福的

有了你們，我們就圓滿了

2014年11月26日星期三

蕃薯仔仔

秋天都到左好一段時間了，雖然依舊“熱”

咁乾既日子梗係煲下糖水飲

煲左既蕃薯原來阿仔大愛呀

每星期都會整1，2次食～

次次都食到個肚仔脹卜卜咁都唔識停口

今日食緊糖水既時候突然掛住阿YUI

所以叫我幫佢影張相SEND比佢

點知比阿YUI笑佢著ELSA睡衣！！！

男仔都可以鐘意ELSA咖嘛

HAHA。。。。。。

2014年9月15日星期一

第一份功課

等左成個星期既功課，終於都有喇
今日係祖祖B第一次做功課了
HAHA～揸筆既手勢非常之難用力

油左幾下祖祖就會自己轉隻顏色
雖然油得唔係好靚，但都算有心機

完成左一大半，又補油返係堂上做個頁
UMM～仲一邊油一邊講：MS WONG話油靚D
我要油靚D，油靚D先～

攪掂，好EASY姐～
比MAMI簽埋名就OK喇～
比起小燑第一份功課黎講呢，就呢～
都可以啦～無得比較咖嘛！
各有各叻！各有各靚！
努力加油啦～～～～

2014年5月21日星期三

本身要咁早起身對祖祖黎講都有D難度既
唔好睇少呢個懶豬既懶惰程度呀
有時叫佢跟MAMI起身送家姐返學都唔肯的
試過幾次話：“你地返啦，我同阿BA訓就得”
哼～～BAPA都唔係屋企！最後喊住咁出門口
但係今日MAMI一話去畫畫後就自動坐左起身
咦？？！！可以日日都咁講嗎？KEKEKE
上到去IVY老師到就自己著圍裙、拎畫簿、飲水、等
仲好醒目聽到老師一開門就彈起身。。。。。。。
登登。今堂係畫~BABABABABABA...im loving it

祖祖B對自己畫既畫好有滿足感
每次一落堂都係面帶笑容好大聲咁叫我睇下
仲好開心咁話老師比貼紙佢
可能成日都見到家姐畫畫啦？！比感染，HAHA
咁你地都一齊加油畫喇～
希望你地既人生都會一樣充滿色彩
LOVE YOU 2 SOOO MUCH！！！

2014年5月14日星期三

DRAWING CLASS@祖B

一直以黎細佬跟家姐去畫畫班都會好想入去參與
終於都等到可以試堂喇，係IVY老師比阿祖試既
本身覺得祖B既性格坐唔定同比較“痴”身啦
開頭都驚驚地佢會喊同扭計，HAHA
出門口既時候就同祖講：我地去畫畫喇
祖B：家姐畫畫呀？
MAMI：唔係呀，祖祖去畫嘛，你鐘唔鐘意丫？
祖B：UM！我畫畫呀！
一路都好開心，去到樓下都認得路
仲同看更叔叔講“係阿祖黎畫畫呀”
HAHA，上到去姐姐借左條圍裙比佢，係藍精靈黎咖
點知見到有個同學仔著住條『BABABA』就想同人換
好彩都無因為咁就扭計同喊姐
飲杯水就準備入課室喇～乖仔

入左去自己搵個位坐底，得3個小朋友上堂

完全無理我就自己同IVY老師講野。。。。。
咁MAMI就係出面得你啦～～～30分鐘，好安靜咁過左

一開門就聽到阿祖叫MAMI！以為咩事
之後IVY老師就係後面叫住話：幅畫呀，都未拎
阿祖超開心攬住張幅出黎話係佢自己畫既
仲有BEAR貼貼WOO～叻仔

D橫線捉住手畫左2條就開始識跟住畫
至於都圓形都OK，只係大隻左D囉
有一D係老師幫手掂住枝筆轉圈既
但老師話基本佢都肯試畫又會答問題，溝通到
咁就報名比祖祖試下啦～
以後星期三就要辛苦D行幾轉來來回回喇
而且下午就到小燑畫呢～
你地都鐘意畫畫真係好呀，其實畫都可以了解你地多D

2014年5月13日星期二

大個仔之：開筆

豬米燑又係差不多開學前要『開筆』
所以細佬自然都要一樣啦，揀好左今日下午
太婆話等小朋友比心機讀書WOO，HAHA
因為都係尋日先講今日係好日子！所以臨急要準備
成日都失暈魚咁既MAMI差D唔記得買毛筆墨盒
小燑見到就梗係唔滿意啦，點解佢無份？！
傻燑呀，你細個都開左，點會少得你個分丫？！
之但係點會唔爭丫，咁等祖祖寫完先到你再寫囉
寫自己個名啦，都無話一定要寫D咩先OK
咁簡單寫3個字都要比MAMI鬧既？！
呢個小朋友竟然要望電視，話完唔夠3秒又偷望
咩事呀？咁遲D返學點算呀？？
竟然都要熄電視先可以順行完成。。。。激死

啍，一寫完叫你影張相都係望返電視囉
到底你想點呢？？套戲日日都睇幾次！
每日重重復復都係幾套卡通片都唔悶
仲有後面個樣嬲爆爆既豬米燑做咩？？？？
就係嬲點解仲未到佢開筆囉。。。哈哈
小氣豬。。。。。。。影張相咪比你畫囉
咁岩得咁橋聽日係祖B第一次去畫畫呢!
加油～～～～

2014年2月28日星期五

2歲＋2MONTHS的祖

又大左一個月喇，阿祖一直既進度都幾好
除左“行”呢一個環節之外都唔錯的
講野就一D都唔擔心啦～識投訴、又駁咀
有次家姐同佢鬧交都比祖B激到喊
阿祖竟然話：豬米燑你識咩丫！
哈哈，“你識咩丫”係MAMI成日講咖
咁都比你學到仲用黎話家姐～
個一下係好笑，但之後發現你成日咁答人就唔得
然後MAMI再話：你識咩丫！
阿祖都會話：我識咖啦
呢個小BB真係識駁咀了。。。HELP。。。。
至於點解行路比較差呢？我估都係MAMI衰
多數出街都抱住祖祖B好少機會比你行
唉，又要拖住小燑，又要拎住咁多野好難控制
而家開始出門口接家姐既路程都比你一個人行啦
最多早少少出發，咁就唔洗咁趕又要抱住走
有時睇見你兩姐弟真係好滿足
得閒又打打鬧鬧咁，轉頭又攬攬錫錫。。。
祖B仲好鐘意叫家姐仔抱住行！
2個差唔多重既人仔抱埋一齊既場面都幾危險
MAMI知道你地咁相親相愛就好感恩了
要一直都健康快樂呀
I LOVE LOVE LOVE YOU 2 ！！！！

2013年8月17日星期六

小祖祖INTERVIEW＠珈琳

等到頸都長，我阿祖都要準備讀書了～
MAMI晨咁早就醒左，又係咁
為左你地2個經常都失眠既？HAHA
BAPA同家姐都一齊去幫你打氣
約左10點，食個早餐RELAX一下先啦
好彩因為日日都會送家姐返學既關係
對呢到既環境一D都唔陌生～起碼無喊

不過一入到去課室祖祖就怕羞症發作
好彩既係有同老師講『早。。晨。。』仲自己拉椅坐
老師問：呢個係你邊個呀？
祖：MAMI，MAMI
老師：我地玩好唔好呀？
祖：玩呀
老師：比張CARD你睇下係咩黎？
祖：CAR，唔要CAR
老師：咁呢隻呢？
祖：我要糖
＠＠唉。。。之後一路都唔合作了
連CAT、DOG、、、呢D都答：我唔要呀！我要糖
最後老師叫拖手出去，都OK！肯拖住行
等通知，好緊張呀。。仲要等到10月尾

緊張完一朝，約左MINI媽食LUNCH
係幫MAMI提早慶祝生日咖

祖祖B而家就唔怕羞囉。。仲玩到鬼咁開心
四圍叫人，又不停口UPUP講野
唉。。。激死我呀

寶貝女～好可愛呀～

2013年8月5日星期一

祖都有同學仔啦～

次次都係約家姐仔既同學去玩
輪到祖祖都有同學仔一齊游水喇
食D野我地就出發去青衣城LU

SUPER HOT DAY！！熱到想溶呀
好彩我地去游水姐。。。真係舒服晒～～WOO

小燑今個暑假真係黑左好多～不過都大隻左
每次運動完都食返一隻雞蛋WOO！勁
熊貓仲食2隻TIM，所以肥嘟嘟左好多呢

HIHI，呢個小弟弟就係祖祖既同學仔HEIHEI
佢真係好圓呀，佢大過祖祖一個月囉
係一齊上PLAYGROUP咖，原來住係我地附近
第時我地就可以多D一齊去玩啦

睇下小燑手上面條恐龍仔～佢真係好錫佢咖
連去玩都帶埋佢出黎～
游下游下，原來今日係暑假最後一個星期一了
咁我地下次再去游水就要等WEEKEND囉

2013年7月31日星期三

18M針

呼～～～～改黎改去～終於都打針喇
祖仔19MONTHS了，得10.5KG，長81CM
雖然之前一路都係XL SIZE BB！而家係M SIZE
但佢健康就OK啦～咁又係！身體健康緊要D
呢枝針係打係手既！姑娘話：大個仔喇，打手喇
喊左一聲，無事LU，唔洗再打針喇，YEAH

打完針仲要去上堂，因為今日BDAY PARTY
咁開心去玩一陣都好丫。。。。。。。
果然祖豬食左半件蛋糕，又食餅同朱古力

個PARTY開左好耐！我地提早就要離開喇
因為仲要去JOIN返家姐仔食LUNCH

食到咁飽見到小燑又再食過。。。真係叻呀
家姐今日學PHONICS都係最後一堂
好野。。。。。黎緊我地就可以玩返半個月了

2013年6月5日星期三

黑白寶貝

唔知幾時開始，MAMI都會盡量著幫你地襯返色出街
哈哈，好似感覺上更加似一家人嘛
每次一著D紅紅綠綠既衫就好明顯一黑一白喇

睇下阿祖白到發光～家姐黑蚊蚊既
比起以前，祖B實際上都黑左好多了
日日都跟住MAMI一齊出街曬～

2個係車一陣都要打交爭位坐既～
HAHA，得個樣既小燑真係好錫細佬咖
平時雖然成日都打打鬧鬧、咩都想爭一餐
最後都總會讓細佬，特別係MAMI唔係到既時候
家姐真係好比心機照顧到祖B咖～THANKS A LOT
當然祖豬都係十分之愛呢個傻家姐的
有時發夢都會叫住“KA 姐”然後爬起身摸下家姐先訓返
＞V＜真係SUPER WARM囉
MAMI有時好羨慕你地咖～

百厭豬真係咩都敢做，係車到見到有扭蛋機。。。
居然爬窗？？？？？？！！！！！
諗諗下，其實一望我地個頭就知道無可能會失散啦
唔知BAPA幾時會JOIN埋我地一樣留個草菇頭呢？
祖B可能再大D識講多D野就會唔肯再比MAMI剪頭髮
男仔大左就唔想再扮可愛喇～要MAN嘛

2013年3月4日星期一

脾氣王

愈大～愈大脾氣
真係比佢激死！！有邊個丫？祖祖囉
爭玩具既時候竟然打家姐個頭～
其實都唔係第一次，而家嚴重左
都係婆婆囉～寵到呢個祖B壞晒
覺得細細力玩下無所謂就笑一笑之後由佢
點算啦，開始話唔聽了
祖B仲一鬧就嘟起個咀，再鬧一聲就喊
之後四圍搵人幫手。。。
唉。。。睇黎要教返好你都需要D時間
同埋你都根本未知驚WOO
比你惡多一個星期！慢慢適應下
要等你試下比人罰、打手仔、、、
等你知道要識分大人嬲個時再教導下你
希望婆婆同公公可以合作啦
估唔到小燑惡，細佬仲惡
不過放心，MAMI嬲起上來超級惡咖
HAHA！！！！

2013年2月28日星期四

阿祖B～14MONTHS ALREADY！！

睇住小朋友既長大，用“唔經唔覺”去形容就最岩喇
唔經唔覺？祖就識行了。。。。。。
唔經唔覺原來祖祖識分享！！！！
再黎唔經唔覺，我的祖認得大家個樣同叫咩名了
UMM～～唔經唔覺既時候祖B識開DVD睇囉
真係唔經唔覺～最愛既祖B有MAMI半隻腳咁高
HAHA，唔經唔覺祖祖14個月人仔了
好快就上完左1個月既PLAYGROUP啦
之後就等1歲半先開始再去過啦
始終都係搵唔到D岩上既堂
其實係屋企真係好悶咖～
而且1個小朋友玩，無其他人陪係差DD既
家姐又忙WOO～所以得夜晚先可以陪祖祖
HAHA，小燑真係一個周身唔得閒既小朋友
得閒又話要揍D公仔BB，有時又話要畫畫
同親細佬玩都係唔夠10分鐘就話好悶？
咁都係既，祖祖唔多識講野丫嘛
最叻就係“熱呀”、“開門”。。。黎黎去去都係個D
但尋晚阿祖洗白白個時竟然跟住MAMI講“GU池”

HAHA～都開始學講野了～
可能平時聽到MAMI講洗洗個“GU池”先？

2013年2月5日星期二

新年派對@幼稚園

新年著既唐裝衫真係好可愛呀
小燑終於都可以著套新衫返學校PARTY
尋晚唔願訓覺，好彩一聽到PARTY就彈起身
哈哈，小朋友真係好貪玩咖
換好衫之後係到四圍咁行等人讚佢靚
點知舅公專登唔咁快讚佢呢～就嬲！
小氣豬，又貪玩又貪靚
今日放學先知原來聽日開始放假？？！！
真係唔小心睇錯左全日班先係返到星期五
如果老師唔講MAMI可能聽日就送你返學呢
豬米燑學校真係好多小禮物
平日做既親子DIY比賽每次都有參預獎
每月生日會又一大袋禮物
生日個個仲有多份大既，開心死啦
蛇年就到，當然唔少得“金蛇蛇”錢箱
好可愛呢～～～～

2013年1月28日星期一

起步

哇哇哇。。。。。

祖祖B終於都踏出佢既第一步了
每次親眼望見你地既每一個第一次都感動到喊
選擇左做24小時ON DUTY既MAMI真係無錯
雖然無左好多自由自在既偷懶時間
無左出糧後既大SHOPPING日
之但係就可以陪住你地經歷所有既第一次
1步～2步～3步～4。OH。。。跌低了
祖祖其實真係超為食，點解佢會突然行？？
佢一心就係想黎食MAMI手上既MUM MUM
呢一刻真係開心到攬住祖祖跳起呀
快D行啦，可以拖住MAMI隻手去街街
小燑同婆婆都開心到大叫呀
HAHA，家姐都真係好錫你咖～
有時家姐係成日都爭住拎你既野
只係因為小燑豬都會呷醋姐
而家MAMI多數都會扮睇唔到
2個就會開始扮喊又望下我，HAHA
最後家姐會讓比細佬，之後細佬又會比返小燑
小朋友既事，就等你地自己去解決啦～

2013年1月12日星期六

終於有牙仔了

等左咁耐～真係等到頸都長呀
MAMI手痕摸下祖祖個口既時候
竟然比我發現有少少少少既牙仔出左
哇。。。。好開心呀！！！
睇見祖祖B流口水流左成3個星期
又無胃口食野、又憫！終於都有成續了
都算你乖仔，仲飲緊媽咪奶都唔會咬MAMI
不過無牙既BB真係笑得特別可愛咖
趁仲未見到你隻小白牙之前影多D你既笑樣先