燑燑的擁抱：D

生完BB之後～都無咩機會可以單獨同小燑相處！
不過MAMI都盡量抽時間比你同細佬的
最辛苦就係上次帶小燑去畫畫，哇～行一步痛一下呢
不過，MAMI會係你最需要我既時候陪你一下又有咩所謂呢
HAHA，事後比太婆鬧左好耐～
就算幾眼訓見到你咁開心都精神返啦，哈哈
尋晚小燑見細佬成日係MAMI身上面食奶又要學！
要MAMI抱住你飲奶？？好啦，我都好掛住你咖
呢頭放低祖BB～再抱小燑～OH？原來小燑大個左咁多喇？
只係過左十幾日姐，發覺你長左好多呀
記起你細個個時，好掛住小燑BB呢
有時MAMI會好掛住你細個既味道，哈哈哈
點解有相機、有VIDEO、又有錄音機.....
但有無野可以留起你地既味？？？？？
只有MAMI先會永遠記住你地既臭味嘛？
今日家姐開口話想抱細佬喇，你地既感情要一日比一日好呀！！！