再再再回家：）

BAPA今朝晨早就出門了～「接車」
沒什麼特別～就是阿PO又回來了
小燑當然即刻咋下嬌先啦
飲水又叫婆婆、行步路都叫下婆婆
食飯都諗住有婆婆就可以曳囉
MAMI梗係唔會比你咁樣啦
放鬆下！唔代表放肆的
細佬？？好醒咖，全日都扭阿婆抱
係咪真係認得婆婆咖？？
來來去去的，終於都安定下來了
婆婆決定應刻可能不再走，HAHA

5個月的祖

眨下眼5個月了～開始唔多捨得喇。。。
不過應該識坐既時候會好玩D既
祖BB叻叻呀，開始學識一D動作喇
KICK KICK你會踢下對豬腳仔了
叫你KISS就成個咀咬落黎，HAHA
間唔中比你爬係地到玩一陣囉
而家成日都要攬實你，大家一齊熱呀
唔係講笑，MAMI同你真係一齊出熱痱
經過研究之後，證實大部份媽咪都勁怕熱
真係咖，MAMI未生你地之前無咁多汗的
而且因為生完BB既荷爾蒙唔同左嘛，特別臭
家姐有鼻敏感、祖B又細個！所以唔可以用香水
變左師奶MAMI之後有點失落。。。。
MAMI認真諗過生左你地之後有咩得著了
首先：多左40磅，係足足40磅肥肉
現正努力將佢地清除～一半都好丫唔該
然後多左2個責任，照顧你地，教好你地
D壓力攪到有時會脾氣暴躁、思覺失調
最重要既係餵祖B飲MAMA奶既恆心呀
成日都要好細心，記住唔好食錯野啦～
飲豆漿、魚湯。。。。唔食得辣。。。
太攰又會少左奶！但MAMI經常失眠的
之但係～呢個咁溫馨既TOUCH！！
MAMI真的是十分珍惜！！所以，加油吧

32MONTHS

再長大了，MAMI的心干寶貝～
32MONTHS真的要快高長肉呀
今天一起出去走走吧！出身汗對身體都好D
好可愛呢，著住呢套新衫

原來黑蚊蚊小燑著橙色都可以
上次去過一次既荃灣公園小燑仲記得
一落車就問入面係咪可以玩呀？？
估唔到跑左1個鐘都未攰呢


好啦，咁唔去行街就陪小燑玩多陣啦
而且有少少海風～又唔係太曬
NICE，祖B都訓得好開心

MAMI就推祖祖四圍行下
BAPA就陪家姐周圍跑下
呼，到細佬都識行既時候一定追死MAMI
其實個公園真係幾大，好似玩極都仲有地方去
下次唔洗趕時間既話先慢慢睇下啦
JOIN埋RITA EE一家就去食DINNER


就係頭盆的時候，祖豬就訓左覺了，HAHAHA！！乖

餐廳好細的，唯有在門口影張相啦～

全晚最好食的～張相好似好大，其實都無手板咁大隻～

＊＊很奇怪的梳乎厘～～嘔＠＠

又是得BAPA ﹠小燑！WHY？因為BAPA又唔幫MAMI影囉

＊＊很朦朧朧的RITA EE ﹠ ABBY

＊＊HAHA

呢個餐廳好偏僻，好彩都搵到
UMM。。。出乎意料之外地唔好食
我地2個幾鐘，不過一D都唔飽
一返到屋企仲要再食一餐呢

瘋人一天遊

到底係舊事既我地太乖還是而家既小朋友太聰明？
婆婆公公以前係點樣帶我地5個細路出街呢
撞岩波仔係屋企，MAMI就帶埋同小燑、祖祖一齊去玩
哈哈，是哦！我一定是瘋了搵野黎煩
不過MAMI知道豬米燑想同波仔去公園嘛
而且都應承過波仔會帶佢去玩的～就今天吧
11點出發。。。。一上車就有一點後悔了
本身去沙田係想同祖B影下相的
最後？又係個個失敗攝影師囉﹣BAPA！！
好可惡呀，MAM決定幫BAPA報個影相班囉
算啦，等祖仔識坐再去過啦～激死人
順道係想SHOPPING買平野囉
當然唔成功啦，怕迫、怕排隊、怕焗
公園玩左好耐，3隻百厭星都好肚餓囉
細佬熱到傻左啦！飲左好多水呀
食飽無理由咩都無買就走既～山長水遠
唯有買下衫啦！送對鞋比BAPA
仲有唔少得行“TOYSRUS”啦
好耐無買玩具比小燑～咁乖。。買啦買啦
難得與肥波仔行街都唔少得送一份比你既
HEHE，成日都打交，買個沙包比你地打啦
路上既人都問係3姐妹(因為祖B太似女仔喇，HAHA）
3個。。。太難照顧了！真係攪唔掂
大家都好開心，滿載而歸
MAMI同BAPA就筋疲力盡了。。。。早抖

洋蔥公公大壽

“公”起阿公生日快快樂樂身體健健康康
準備了豐富既晚餐慶祝呀
MAMI偷懶叫外賣～無辦法啦﹣﹣病嘛
不過都同小燑一齊整蛋糕送比公公

＊＊SIMPLE COCO CAKE：）加蛋加油再加水

＊小燑自己都整到啦，乖乖

呢個曳豬缺 “甜”嗎？？
尋晚已經出奇地偷橙食喇！最重要係連橙“衣”都吞
見你無啦啦跑去檯將一舊橙塞入個咀到，好好笑
正常既小燑係麻煩鬼！要阿公整走D白色“衣”先食咖
所以？整蛋糕個時你偷偷啜左手指上面D朱古力漿
問題係未熟咖嘛！之後又望住係焗爐既蛋糕呆等
見你咁想食比你試小小小小啦～
到左晚餐時候小燑就更加失望了。。無汽水飲
唔狠心就白費心機喇，醫生要戒“糖”呀
連奶都唔飲得又點可以有汽水呢？
最後。。。忍不住比左一小塊CAKE你食
MAMI真係唔岩喇，唉。。。
還有同阿YUI夾份買的禮物未去拎
係“按摩揼揼揼機”呢～一份小禮物大家都用得！
祖B而家一到食飯時間就好自然會醒～然後要坐上黎望
一路望D口水一路流，一路食手指一路喊
睇見D小朋友望住又無得食真係好陰公咁，HAHA
阿祖呀，大個仔你鐘意食咩MAMI再煮比你啦

腳畫

一邊話照顧病燑，一邊又要揍阿祖B
依然夜晚掛住睇台劇既MAMI真係好眼訓
平日兩個百厭星訓晏覺都偷雞小睡片刻既
竟然連中午都唔放過追劇呢～～
一日、兩日頂得住，到今日。。。。ZZZZZzzzZZ
小燑訓醒係到畫畫既時候MAMI訓著左了
到底過左幾耐呢？？？比豬米燑拍左個頭一下
真係本身都唔想起身，因為祖B仲訓得好LUM
OH MY GOD，MAMI隻腳紅晒喇
攪咩呀？？？？真係唔知好嬲定好笑

你當左腳係畫紙嗎？？？？？？
由腳板到肥美既大脾都係SMILE同太陽伯伯既
係咪愈畫愈興奮呢！哎呀。。。。
沖涼都刷唔甩先慘囉～
鬧完你又嬲唔落WOO！問你做咩唔畫PAPER？
小燑話：MAMI話要珍惜D PAPER嘛，咪畫落腳啦
哈哈，都算係理由！！

每天愛你多一些

可能D人嫌慶祝既節日唔夠豐富唔夠多？？
就連今日都話係“我愛你”日，HAHA
唔洗講都知，MAMI每一日都好愛你地啦
這個家嘛，雖然很煩但我很喜歡
平時很吵很鬧嘛？還是很愛
每天都會打得火熱！仍然每天都愛不釋手
這，就是我們的家了
小燑豬今天心情勁差。。。食左藥係咁咖啦
要禁飲奶4日，無甜、無凍。。。心情更差
反而UN GU祖就開心啦
MAMI要煲粥比家姐順便比你試食喇
YUMMY YUMMY
食左2晚粥，你而家一聽到人話“AR”
就即刻“MAT”大個咀仔食喇
UM，再大D你咪同小燑搶食？？