運動日

EEE～好似著P.E衫既小燑可愛D呢
平時太粗魯既關係好少比裙你著
經過尋日之後發覺最好都係扎起D頭髮
實在太熱喇～成個頭都濕晒
今日波仔陪我地出門口同搭車！

行左一段路之後小燑唔肯行呀
話對鞋大左著得好辛苦
UMM～好似真係大左DD囉
係咁話要換鞋

都要放左學再去睇下先得咖！
買個時都覺得唔多岩
但個SALES姐姐話要預大1隻手指
豬米燑隻腳又衰～細一個碼又唔夠
大一個碼又變左1隻半手指？
可能要搵返D有半碼既鞋款喇！

丫～到底坐校車好唔好呢？
小燑又想MAMI送佢返學
而且本身決定唔返正去照顧你地
都係想親自陪你地返學、玩、讀書
但咁熱又咁曬。。真係好辛苦呢
苦惱中～～～～
而且今日放學後仲要返中文班
本來仲怕小燑會覺得累！
點知～玩到唔願走呀
唔經唔覺，寶貝女識讀成課書了
轉左下午呢堂估唔到仲開心
原來有好多姐姐讀呢班嘛
老師都話燑燑今日特別多野講，哈哈
連MAMI同細佬黎接都唔出黎呀
黃昏時候放學可以帶埋祖B散步
UMM～都幾好丫細佬好開心

每個星期都可以一齊去公園行個圈