爺爺到訪

早晨呀～小燑影左呢張相走黎問
「MAMI，我靚唔靚呀？」。。。
靚，只要你唔曳就會自然靚咖啦
爺爺、“女麻” “女麻”放假入黎探我地
一家大細無地方去又想食下野同坐下
我地就一齊出去飲茶啦
小燑呀～～祖B呀～～
MAMI老左你要帶我四圍去食野呀！
唔好個個星期都去茶樓呀食到悶
之但係，可以一家人一齊去邊都開心的
所以只要有你地陪MAMI同BAPA就OK喇
我諗爺爺啦、公公、婆婆、“女麻”“女麻”、、、
都一樣係咁覺得，所有人都見下面就好滿足了

今日家姐又突然好溫柔哦
坐後面又攬住細佬，幫佢梳頭
見到爺爺又陪爺爺傾計～
祖B就好認人，後尾就比“女麻”“女麻”抱

小燑同爺爺的對話～
爺爺：你屋企有無養魚呀？
小燑：有呀，公公有買！
爺爺：有無餵佢地咖？
小燑：無WOO
爺爺：吓，點解既？
小燑：D魚死晒喇

返左學之後小燑好似無咁怕羞
除左而家自己去廁所～洗手
扣鈕、換褲、飲水

又肯係其他人面前表演下

居然示範點跳芭蕾舞WOO
呢個POSE就係美人魚，HAHA

仲自己邀請爺爺返屋企玩

可惜唔得閒啦，下次先再黎陪小燑