我們的家：）

人生大事之一，我們搬家了
YEAH～～～～～～好開心呀
呢個地方雖然細細。
但十分的溫暖呢
今天終於都入伙了，又期待又有點不捨
習慣了熱熱鬧鬧的一屋人
現在變成我們4個加2隻小貓：）
以為小燑同阿祖會悶D，點知最開心既係你地？
一早就跟住BAPA‘婆婆既吩咐，依住吉時出發
其實由舊居到新居都只係20分鐘路程，HEHE
方便平時多D返屋企陪阿婆公公同舅公食飯嘛
放好D什物，BAPA就要返工了
暫時間屋都好亂，未有櫃又無床。。。。
大家一齊出街食左一餐豐富既入伙飯就回家了
UMMMM。。。。。。一切安好！
我地第一晚係到訓覺，仲以為2個百厭星會扭計
點知一訓落床就呼呼聲訓著了，HAHA
GOOD NITE！！！SWEET DREAM

 

我們”五“

好好好耐都無試過咁齊人飲茶
仲出奇地撞到燑表姐仔TIM～
咁難得既機會當然要影返張相啦，可惜少左大頭仔
至於我地5個，都係好難得一齊飲茶既
人大左就少左好多陪屋企人既時間
爭執又多左，各自又有自己既家。。。。。
望到張相都好感概呀，HAHA
老了老了。。。真的不得不承認！！
祝阿YUI你順利～好快可以搵到新目標
開開心心，平平安安
我地都會掛住你的，特別係阿豬同阿仔
唔經唔覺原來聽日你就去上飛機了～
TAKE CARE啦！！！！

HAPPY DAY

K1既小朋友今日學校旅行放假
細佬無參加到呀！因為阿YUI就快要離開香港了
應承左帶你2個去玩波波池嘛
比D時間阿YUI自己同阿仔去玩下，HAHA
點知都唔夠半個鐘就打電話黎叫攰
車，咁後生都咁咋咖～
 

爬呀爬呀，真係少D體力都唔得
其實都唔知有無2個鐘頭我地就去食LUNCH
阿仔話要食壽司，一食飽就訓著左囉
睇黎你都真係相當之攰咁WOO
休息一陣就再去玩多一ROUND啦
小燑真係一個好盡力玩既小朋友
次次都會玩到周身骨痛先知停既！！！！
好開心呀佢地2個～又有得玩又有禮物
多謝阿YUI！！！！

遲來的團年飯

契婆婆同契公公，即係MAMI既契媽契爺
約左好耐先就到大家得明既日子食團年飯
其實人大左真係得返好少時間咁
返工、返學、搵朋友、OT、病、揍BB、、、
各有各忙，各有各生活，難得既一個晚上
我地就一齊盡情地同『口』食＋講吧
好似自從上次契哥結婚後都無見過LU
係細佬反而間中都入黎搵下幾個小朋友玩
結左婚之後就唔止一個家喇～所以更加少時間
“家”，真係要用時間去經營的
第時你地大個左既時候就會有自己既生活
咁MAMI就可以有返D自己既時間喇
可能會好唔捨得，唔習慣！但都係必然的事
到時年紀大了～頭髮白了、行路又跟唔上你地。。
但千其都唔好嫌棄MAMI呀～
講到呢D好似真係好長遠咁WOO，HAHA
起碼都係幾十年後既事，都係第時先算啦！
 

開年午飯

每年都係同一個節目，返黃大仙食開年飯
因為我地晏左起身，所以出發都遲左
仲要係屋企同婆婆食左個開年早餐先囉
我地出到呢大家都已經食飽飽喇
但係仲係成檯飯餸好似未食過咁既？
原來“女麻”“女麻”同姑姐都唔舒服！
仲有表姨又係腸胃炎無返黎食飯
咁點算？？！全部都交比MAMI同BAPA食晒
哈哈，真係超勁！連祖B都食左好多魚
小燑飲湯食雞～MAMI食菜同蝦
BAPA當然係咩都放晒入口啦
我地一家4口可以8個人食淨既野囉～
然後我地坐左半個鐘又開始食蘿蔔糕、馬蹄糕
今年MAMI終於好有恆心咁DIY糕糕！
一整就整左好多好多。。真係夠食成個新年
之後我地去左行街、食飯。。。
好耐都無試過咁悠閒了～真的！多謝阿爸
唔洗趕返屋企煮飯～唔洗返學～呼，一年一次
都唔係好過份姐？？？？？
我地食PIZZA～～～小燑B好鐘意芝士POT

祖仔當然唔多食啦，佢係“飯桶”嘛
又要返屋企煮個米線做宵夜 

 咩都唔食。。。淨係食左PIZZA個邊邊同炸雞




















家姐真係差不多食晒成個POT
D芝士真係漏到暈。。。。MAMI都覺得肥左2磅
 

YUMMY！！！下次話要再食WOO
OKOK～你鐘意就得喇～

睇鴨鴨

上完話劇我地就去街玩喇
呢幾堂老師既評語都OK，小燑有進步
『主動幫助其他同學』、『意見很有創意』。。。。
估唔到露比姐姐同小燑咁岩KEY呢
因為呢個女真係要睇人黎夾的。。。

首先約爺爺飲茶先～因為都好耐無見
祖B笑得幾開心，但呢個笑容KEEP左一秒就即喊
每次BAPA抱親佢都會喊同扭計的，真係煩

大個女左既燑燑開始肯同人接觸多D，會傾計
睇相先發現MAMI剪到你D頭髮好唔齊呀
有時間要幫你修一修先得，HAHA

好難得比BAPA抱住等爺爺可以影一張相
總算你都識合作，乖乖啦

小燑有時心情好就鐘意叫MAMI幫佢影相～

笑得幾開心～唔想影個時鬧都唔停呢
好啦，我地要快D出發去尖沙咀喇
應承左帶你地去睇鴨鴨，今日係LAST DAY了

千辛萬苦山長水遠。。。。黎到了
睇見你地個開心樣都抵返啦
親眼望見呢隻鴨真係好開心呀

鴨鴨可愛，MAMI既2個寶貝都好可愛
太多人了～我地唯有遠遠咁睇下啦

睇到唔願走。。。。係到企左十幾分鐘

BYE BYE喇～真係好想坐上隻鴨到呢，HAHA
之後行一陣街。。行下行下又見到龍貓呀
哇。。。。

小燑話想即刻返屋企睇龍貓
其實MAMI都有比你睇話咖，你唔記得姐嘛

如果呢隻龍貓有毛毛既話。。。。
HEHE，小燑一定攬到佢實呀

MAMI個樣好眼訓姐。。。。
無計啦，朝早9點行到而家喇

又忍唔住買左對鞋比豬米燑WOO

購物狂祖米

難得阿YUI放假無野做～我地去飲茶呀
祖米近日心情煩躁，成日都突然好扭計的。。。
一眼訓就喊同叫，肚餓又唔食野要飲奶
唉。。。試下同你飲茶睇下無唔會有咩岩食啦
點知全部都唔要、唔食、唔飲！！！HELP～
又要阿YUI抱住行出行入四圍去睇野
最後買左2個玩具～
又要阿婆買糖
又拉左MAMI去買野飲～暈呀。。。。。。。

燑豬都算幾乖。。。不過都唔肯食野
可能病得耐啦～又食藥又訓得唔好
2日都無返學了，要好好咁休息下先得
本身都想飲完茶同阿YUI一齊去尖沙咀行下
點知。。2個都扭計呀。。。唉
想去街既話真係要你地抖足精神呢～

參加喜宴～

丫，諗諗下BAPA好似成日都去飲？！！
終於今次帶埋我地囉～HAHA

祖米都係第一次去飲呀！所以好興奮
一去到見到咁多野食同蛋糕，2個都好開心啦
唉。。。。呢個小燑真係次次見到人都超COOL
雖然MAMI教唔好亂同陌生人傾計，但見過咁多次都驚
每次見到人都要攬住MAMI同BAPA隻腳
連同人地影張相都驚到喊既？？！！HELP
有時你都好大膽咖？！係咪想激下MAMI？？
最怕你連望都唔望一眼。。。同人講野望天花板
唔知以為小燑你咁COOL。。。澈死呀
祖祖都好怕羞。。真係怕到個頭都貼住MAMI個心口
不過祖祖都係專登玩野！！因為睇到佢會偷笑
睇到人地結婚都真係好感慨咁，哈哈
同BAPA結左婚都唔係好耐，但好似無咩記憶咁
自從生左2隻百厭星之後真係無咩記性
所以好多野都會突然間忘記左
過左一段時間又會全部記得返呀！
所以寫低佢，無聊時拎出黎回憶一下都唔錯
THAT“S WHY MAMI要寫呢個BLOG
怕第時唔記得左你地既趣事、曳事
當然仲有你地既第一次啦
唔知到幾時你地會繼續幫MAMI寫呢個BLOG呢？

勞動節目＠大大家庭日

是日休息～細佬唔洗PALYGROUP
家姐學校放假，連中文班都係假期，正呀～
MAMI真係全日都唔需要趕時間囉
本來都諗唔到去邊好，全屋人都無街去
婆婆突然話想帶2個乖孫去玩下WOO，當然好啦
咁岩，公公同舅公都話去～阿YUI又得閒
我地123456789。。。10，GOGOGO
呢個情景真係好令人懷念。。。
應該除左飲茶食飯都無試過咁多人行街
假期行唔到商場，近近地又去跳蚤市場玩下
最開心就係小燑同祖祖B，真係大豐收呀
大家都分別買左最少一份禮物比佢地嘛，HAHA
又有得玩、有得食～仲有咁多野帶走
而且我的祖祖仲好有心咁送左條手鍊比MAMI
婆婆話呢個衰豬行過人地鋪頭搵到條鍊就拎走
一路行一路叫“UM 媽”。。。聽到都感動啦
多謝你呀，祖米～真係好開心呀！！！
後尾MAMI再路經呢個姨姨鋪頭佢見到我手上既鍊
都話“係咪你個BB送咖？佢岩岩一黎就拎走話比媽咪”
開心死MAMI咩？？！！！
BAPA即刻唔執輸都送返件衫比MAMI，梗係都好開心啦
行左唔係好耐就好肚餓。。搵野食先
點知呢到附近既小餐廳都話“賣晒喇～無野食”
2間都無？原來佢地準備既食物唔會好多，真係唔浪費呀
不過我地就無得醫肚。。。要坐車出返去食飯LU
仲諗住食飽可以踩單車TIM，出左去又唔想返轉頭。。。
唔緊要啦，其實一早約左星期六再去玩的
唯有下次先踩啦。。。。。而且你地都好攰了～

像媽嗎？

2個小寶寶～

MAMI覺得你地加埋好似我細個呢，HAHA
原來以前MAMI都係留住呢個草菇頭的
我地3個個鼻都好似呢！一樣咁醜
個咀呢。。。。。少少似啦
如果加埋BAPA細個既相～
其實豬米燑應該係似BAPA多D
連黑都似埋BAPA呀！！可惡
祖B反而白雪雪咁似女仔
調轉就好啦～唉。。。。。

小演員記～

早晨呀！GOOD MORNING！！！
祖祖B每朝起身第一件事就係～掀起個窗簾
假期都咁早起身。。。因為小燑去做話劇呀

好啦，快D刷牙換衫同家姐去街啦
我地一家4口除左BAPA之外都好耐無坐巴士了
應該都有一年？？？差不多1年呀
今日我地就要坐巴士喇！祖B第一次坐巴士好開心呀
真係成家都好似大鄉里咁
上車已經鬧BAPA唔應該比小燑打機
點知真係。。。。真係嘔呀
唉，小燑真係好咋呀！次次都係咁
不過係時候開始比你慢慢習慣下了
仲要咁慘嘔左少少去前面個叔叔到，真係SORRY
以為小燑會唔舒服就唔想去上堂TIM
點知一上到去又好開心WOO
呢個話劇班試堂黎咖，一心諗住試下咋
點知小燑話好鐘意又話要係到玩
不過我地都無即刻報名～仲走左去食野
同BAPA研究左好耐。。。都唔知讀唔讀好
最後小燑再經過樓下又話不如再返去玩
好啦，咁比你試下啦！
一黎可以學下大膽D～同多D小朋友相處下
因為上堂既時候老師叫小燑扮獅子叫
點知呢個傻瓜無反應。。。太怕羞
一出門口佢自己就原來咩都識扮
好啦，2月尾先開學，咁試下都好

走喇，去到巴士站撞到個好熟面口既叔叔
聽到佢同朋友講：呢個小朋友嘔呀～
原來係頭先唔小心嘔左落佢身個個呀，真係尷尬死
回家既路上一坐車都係呆呆下
好彩，好快就落得車啦
MAMI同BAPA全程係到搵野分散佢注意力
坐巴士真係好攰呢，HAHA

2013的第一天

YEAH～又到左新一年既第一日喇
好開心依然有2個小寶貝陪伴既每一天
本來打算去玩一日最後都因為小燑病病地取消
不過應承左小朋友去玩又點可以講得佢聽
第一個假期！我地就去食返個午餐啦
其實帶住2個小朋友真係去邊都一樣
最緊要係方便我地推BB車就OK了
應該係去邊都係咁開心嘛，HAHA
小燑既新髮型真係好襯佢

即刻變返BB樣，好好好好可愛呀
當然曳個時一樣都係咁麻煩啦
仲有，惡個陣一樣都係咁惡

行下街、影下相、食下野就一日了
早D訓，準備明天返學啦
好唔捨得小燑要返學呀
HAHA，傻MAMI係3個鐘都要掛住咖
好啦，今年希望比從前更快樂
HAPPY 2013！！！！

提早過冬至@羊家

今年同阿YUI、婆婆，公公&舅公提早做冬飯
睇下小燑食雞肶幾開心
第時你地大個D會唔會幾個小朋友爭雞肶呢？？
以前雞肶係MAMI食咖，HAHA
而家都要讓左比豬米燑了

因為係臨時改早左食飯
婆婆就話簡單D就算了
其實一家人食飯都好幸福啦

食飽飽一齊飲返幾杯先。。。HAHA
點知阿YUI一飲就飲到唔停口
最後仲飲醉左呢～
仲有BAPA同舅公都一樣醉醉地了
不過最緊要係飲得開心嘛
難得一家人可以坐係到傾計食野
冬至快樂呀～

SHOPPING FOR XMAS：）

難得BAPA終於都有少少時間了
陪公公婆婆、舅公飲完茶就去街街啦
祖祖B呢幾日無咩胃口食野
點知一去酒樓就食左一大碗飯
都係MAMI了解祖祖啦，知道你想食咩
就連小燑都食左好多呀！
“福建炒飯”，都係MAMI既最愛之一

今年都無咩點有你地去影燈飾
HAHA，近近地就係屋企附近個商場影下

燑燑豬都一樣咁開心呀
影咩都無所謂，最緊要係見到你開心嘛
睇見樹上面既波波小燑就大叫MAMI影相喇

祖祖訓訓下覺聽到家姐一叫都醒左
見到棵聖誕樹即刻要落地玩啦
哈～你識行咩小朋友？？？？

BAPA成日都笑祖祖個頭似南瓜
其實咪大家都差不多？？HAHAHAHA

呢張係小燑話幫我地影既相
雖然唔係好清，但都好叻啦
都係因為而家D電話太大既部好難拎姐

MAMI買既XMAS GIFT
祖祖的THOMAS！幾好呀，可以掛係頸
岩晒成日掉野既祖祖B

燑燑既PUZZLE
一返屋企就拆左黎玩了
比想像中細左少少，但都OK呀
下次MAMI就去買多一盒係數目字的
至於BAPA呢。。。就未搵到岩你地既禮物WOO
下星期可以再去SHOPPING 過啦

久違了的FAMILY DAY

無啦啦又凍左好多。。。。著多件衫去街街呀
BAPA好耐都無陪我地FAMILY DAY了
不過梗係要先同公公、婆婆、舅公飲個早茶先啦
祖B食左好多野呀，飽飽去玩LU
豬米燑又傷風了。。。真係慘！！食左藥無晒胃口

睇下小燑個樣幾呆
連去公園都係玩得唔開心既。。
陪你跑到MAMI滴晒汗～
出身汗、做下運動希望你快D好啦

祖祖爬公園呀。。。真係好玩
其實你一D都唔似妹妹呀
點解仲有人叫你阿妹既呢？？？吓？？

放完電行街街買衫呀～YEAH
買完野又可以畫畫，GOOD呀

小燑最鐘意就係油顏色喇
一個橙色，另一個係藍色
當然一個係畫比細佬啦，真係好家姐呀！哈
MAMI發覺小燑都幾鐘意用藍色
就連平時做功課都係一樣

幾個商場都好似差不多咁
影左少少咋，大小姐唔肯影相

怪POSE人。。。成日都打橫黎影
都算啦，好過無
但又呷醋話MAMI電話咁多祖祖B既相
車。。。次次都叫10次8次先比人影一下

唔識企既BB影相就係要掉落地囉
呢個係祖B第一個XMAS呀

再黎。。。。

同BAPA影住先啦，MAMI個頭成個瘋婦人咁呀
快D剪左頭髮先同你地影過啦