聖誕紅衣小老人@幼稚園表演

今日，係豬米燑幼稚園既表演呀
呢排都唔知醒起身既MAMI竟然自動彈左起身
準時7點半就彈左落床～洗面換衫
好緊張呀，小燑今日上台唱歌仔呢～
每日都聽到十幾次紅衣小老人、銀SO真美妙
鹿車多禮物、數數不算少。。。。。
MERRY CHRISTMAS BABY

諗住早D出門口去排隊，可以坐前D睇嘛
點知原來我地都唔算早了，已經好多人

企左一陣就見到好多同學仔喇
小燑好開心呀，每個小朋友都會去打招呼
都算你乖啦～仲好叻叻記得D同學既名
9點多就要開始準備集合排隊喇
MAMI就要同小燑分開坐
好多家長都排晒隊。。。超級多人呢
入到去已經坐尾三個排，唉。。。。
D表演真係好好笑，有D混亂
不過，咁細個小朋友就係咁可愛咖啦
等等等。。。終於都等到小燑既K.1E了

最尾個排有隻大兔仔既就係小燑了～
MAMI專程買件SHARP少少既衫可以認到你
哈哈，真係WOO，一上台就見到豬米燑了
見到小燑四圍望，實係係到搵MAMI啦
音樂開始，小燑係第一個跳咖
全程都好落力～又無驚到喊～好叻呀！
MAMI真係開心到流眼淚呢
見到小燑同好多小朋友係台上面唱歌跳舞
真係好感動
一接返小燑就即刻要MAMI幫佢洗面
影張相先啦，睇下～呢D都係好朋友仔呀

哈哈，小燑差不多係最細粒既一個
仲要係成日都唔合作影相呢
掛住食老師派既糖！睇下佢隻手唔拾得放既

星星&小燑

短短既3分鐘，係MAMI心入面真係好震撼
原來～呢D就係做左MAMI之後不同既感動了
只要係你地既事都可以變成好大既回響
呼。。。。。。大個女喇！！
唔知學校幾時先會比返影左既相我地呢？？？
快D可以睇返個VIDEO就好喇

返到屋企，家姐即刻將隻耳仔夾去細佬到
哇。。。估唔到同祖祖都幾MATCH丫
I LOVE YOU YOU YOU YOU！！！！