COOKING MAMA：瑞士卷

好耐無試過一個人單獨去街了
一個人出門口、一個人坐車、一個人行
哈哈，反而有D唔習慣咁輕鬆
心入面總會諗起：你地係到做緊咩呀？
MAMI做咩一個人走左出去？
咪又係為左你地囉
去學整蛋糕呀可以整比祖B生日會

又唔話要準備圍裙。。後尾要租，不過都係＄5
呢D係佢幫MAMI準備既材料，OK簡單
我諗平時都應該會再整既

首先，係派張食譜比我地
係有色既麵粉難少少囉。。。

跟住張圖畫D眼。。。MAMI加左粒鈕
但最後因為顏色太似所以睇唔到

打蛋器～要買一個先，真係幾方便
如果真係會整蛋糕既話可以換個大焗爐

話咁快就攪好D蛋漿，然後就可以焗喇
150度火，咁屋企個細爐都夠用啦
都係10零分鐘就有得食了，EASY

第一次係咁上下咖喇，唔係幾似。。
頭上面紅色個達本來係想畫頂帽，HAHA
而家好似撞到頭既BEAR囉。。。

搽CREAM就食得喇
老師話最好雪一個鐘先食

一拎出黎小燑就好開心喇
話MAMI好西利，整隻BEAR蛋糕

睇見你地食晒真係好開心呀
連平日唔多食CAKE既細佬都食好多
唔通祖祖知道係MAMI整既？