哇哇哇,開心既時刻真係多!!!!
尋日先食完CAKE, 今日又係FATHER"S DAY 喇
MAMI 一早就準備左一個大蛋糕比BAPA了
好靚靚咖..上面有好多公仔的....
我地今朝一早同公公去左食個早餐先....
然後小燑就去上堂了
放左學BAPA 同MAMI去買送,因為MAMI想煲湯比我飲呀
仲煮左南瓜焗魚比我食....
我食晚飯既時間飲左2碗湯呢...開心死MAMI
食到好好好飽之後..我地就一齊切蛋糕了
呢個蛋糕真係太大...不過豬米燑食左好多CREAM呀!!!
今日BAPA 好多野做...所以食完飯都要返工....
加油喇~~
今日, 又到左一年一度既DO MAMA 生日了,
每年都會同MAMI 約埋一齊食LUNCH :)
今年都一樣啦....我地去左又一城食野....
小燑第一次見到溜冰呀,好凍既冰上面有好多人係到轉圈..
好興奮呢,BB燑睇左一陣就跟住D人係個地到轉轉轉...
我問小燑係咪想去玩呀??
等你大個D,MAMI就帶你黎試玩啦....
其實MAMI都識識地咖,向前向後都難唔到我的..哈哈
不過可能而家變左肥MA,唔知仲行唔行到了
尋晚畫既生日咭,唔記得帶出去呀,
大頭蝦既MAMI.....
小燑亂點既焗魚飯..同一杯BERRY 汁都無飲..
自己就食左人地叫既野...真係可惡...!!!
食完CAKE 我就眼訓到暈左了....
原來BAPA 之後黎左一齊食CAKE咖...
起身既時候...已身在"TOYSRUS" 了
買左一個新玩具...PIG PIG 豬同捉魚魚...
隻PIG 係小燑想要好耐了..今日BAPA 終於買了...
謝謝....
老師今日加左好多新野比我地玩呀!!!
可能因為我地呢個堂愈黎愈少人上...之後佢先發現悶..?
今日我地唱歌...做運動..然後仲油顏色!!!
而且今日我都比較有心機上堂...
我會跟老師唱HEAD & SHOULDER 啦.....
BAPA話咁樣好似似返學多Ｄ
今日我地油顏色，平時MAMI 每晚都會陪我油的...
所以我自己都識做啦......
雖然我D畫得唔係太靚...但係都係我親手油的.......
今日MAMI 又唔舒服喇..所以要係屋企抖一抖.....
可能因為尋日太勞動了.....
夜晚仲要去醫院檢查...好彩無事啦....
蠢MAMI 仲話今日係FATHER"S DAY....
走去買CAKE 先知原來係下個星期...哈哈...
今日又跟MAMI 返工,平時我都肯坐車仔去街的..
但唔知點解今朝扭計要MAMI 抱呢?辛苦MAMI了....
長途跋涉由屋企去到跑馬地，呼．．．好熱呀!!!
然後同MAMI 一齊叫左個早餐食....食飽就陪MAMI 做野啦~
我識幫手分紙...同埋幫MAMI派文件比人.....
因為我太重喇...唯有等BAPA 黎接我地走啦~
MAMI話BAPA 都好耐無黎過接佢放工...
之後我地就一齊去同LITTLE MAMA食LUNCH 了
BAPA 不停咁提議我地去行街啦..去睇野啦...
到最尾我地決定去科學館^^個到好大咖..行左3個鐘...都只係行完一層
今次個展覽係講-----愛因斯坦!我叫佢做~因之蛋...HAHA
MAMI 同我講左好多野咖..不過我諗我唔明囉
最開心係睇到D波波係到滾....原來係電既模型嗎..??....
公公同婆婆等我地食飯呀..所以要返去了....
但一上到地面我見到噴水池呀...好靚靚呢....
今次係我第一次見到咁大既噴水池呢......
玩到連肚餓都唔記得左...一返屋企就食好多野了....
呼~~~
一起身就同BB燑係返隻粽先....
睇左一陣電視上面既龍舟..然後???
我地就係天台游水了
MAMI 同BAPA 今日都同我一齊游...好開心呀
第一次同MAMI 游水......原來MAMI都好耐好耐無試過游水了
係我仲係MAMI個肚入面既時候..試過出海一次.....
浸過水...去過沙灘...
上次去長洲又因為太凍無落水呢.....
BAPA 話得閒會帶我去沙灘玩...希望我唔好再怕沙啦...
之後抖一陣我地就出去食下午茶....
因為MAMI想食壽司呀!!!!!
我食左一個飛機餐喎...哈哈
食到個肚都脹晒....
行左一陣街...BAPA 買左條新毛巾比我
回家途中我就突然眼訓到暈左
一起身我又食喇...個肚依然係脹BOO BOO的...
BAPA 唔多鐘意呢個新老師上的PLAYGROUP....
不過又真係唔係幾好玩呢...
次次都係一個個小朋友分開咁
老師唔識控制我地呢.....
MAMI話如果有岩既時間就轉堂囉....
如果唔係BAPA 話上呢個堂好浪費時間
上完堂返屋企訓一陣... 約左小虎妹食糖水
我地好耐無見呀....而家佢都10個月大了~
但佢既牙仔同我一樣多...都係8隻...HAHA
我買左個波波比小虎妹做禮物!!!!
而我都收到一隻牙刷
謝謝呢
然後就出發去黃大仙食龍舟節飯啦
我食左好多野咖......不過MAMI仲係無胃口..
唔知點解每次MAMI唔舒服我都好似特別需要MAMI 咁
我會扭計..會發牌氣要MAMI抱...
其實我又知道MAMI 唔舒服的...
可能我想陪住MAMI啦....
一落車我就訓著了..早抖....ZzzzZZZZ
跟堯堯婆婆分開了一段很長的時間了,今天終於再回去啦~
BAPA同MAMI 又再同我一齊起身了~
送左MAMI上車之後...我依依不捨喊左一下之後就同BAPA上車了
MAMI 一早吩咐好要買朱古力CAKE 比我做早餐
買完之後我食左2啖....OH.....睇見 燒包我就叫停左BAPA ...
我同BAPA SHARE 食左2個呢....
第一眼見到堯堯婆婆我就攬住佢啦....
不過知道要自己留係到之後我就喊了
連BAPA 出左門口都仲聽到我喊得好慘
之後送堯堯姐姐返學去公園玩完就唔記得了
婆婆好掛住我..所以一早就黎接走我
我返到屋企呆呆滯滯...因為未習慣囉
哈哈...但過左一陣我又變返百厭燑了~~~
係屋企真係特別溫暖的....
I LOVE MY FAMILY!!!!!
