中秋快樂＠廣州

MAMI 今朝一早自己去左醫院睇醫生
多心既MAMI 好怕坐車的，醫生唯有開左D藥傍身啦

安全到步～不過BAPA 又病了，咋到死
舅公係火車站接我地，因為太婆搬左屋我地唔識路

哇，好多好多人一齊食中秋飯呀

***小燑手中的太婆﹠ 舅母

小燑循例地怕羞左小陣，乖左一陣，靜左一陣
不過我最愛有禮貌既BB，你點驚都會叫人!乖乖～
太婆煲定湯比我地飲，好味，小燑都飲左2大碗
有三文魚，仲有好多雞皮呀！！
唔知點解豬米燑咁鐘意食雞皮呢？？？
坐一陣，食埋生果同月餅，就同丁丁哥哥去玩燈籠啦
哇，開心死!呢到有好大既公園咖～
睇到好多小朋友一齊跑黎跑去超級開心
小燑仲大叫見到THE MOON 呢
玩飽食飽，沖涼訓覺LU
明天再續...............
"THE MOON 節快樂！！”

I LOVE JO JO BB!!!

PRE﹣團圓飯＠HOME

今日係屋企同阿YUI 仲有公公食中秋飯

YUMMY 呀!不過唔係MAMI 煮的
一向過時過節MAMI 最愛煮返餐飯的，今次因為唔舒服囉
BAPA 又因為要陪我地準備一個長假期，放假都要返公司呢
晚餐係小燑最愛的﹣﹣﹣烏冬
仲有近來MAMI 每日都想食既軟殼蟹壽司

然後有阿YUI 既八爪魚.........
食到個個都有個大肚腩呢
因為今年要返大陸陪太婆過中秋，我地提早一晚玩燈籠
波仔同大頭仔都返黎呀!！！
可惡既波仔成日都蝦小燑，哈哈，可能細個比豬米燑鍛鍊返黎的
所以MAMI話啦，要SHARE！！！！

就好似人地唔SHARE 比小燑你都會唔開心一樣
我地唔可以做一個野蠻既小朋友咖

！！！
要有愛‵才會幸福嘛：）
MAMI 今年都無自己整燈籠了，UMM。。。因為太累
希望所有既人都要身體健康!
咁先可以令身邊既人更快樂的～～～～
ANYWAYZ！！！大家都一樣﹣﹣﹣“中秋節快樂”呀
終於都買到個喼了，但又嫌佢太細，HAHA
緊張既MAMI 好似要搬左間屋去旅行咁，
4日3夜咋！！OK～準備出發喇！！！

起樓＠＠

小燑豬你差D嚇死MAMI喇!！！！！

扮野鬼
尋晚同波仔搶水飲，比水“扇”左你落地

平時都唔理你個百厭星的，但又話暈，又話睇唔到野～
即刻同阿YUI帶你去急症啦！！擔心死人，喊住叫好辛苦
一入到醫院你就問阿YUI～MAMI 唔舒服睇醫生呀？
哈哈，唔通MAMI病太多？？
OH～你一聽到姑娘叫你個名就話走了，你驚醫生嗎？？
有個嬸嬸認得你

問你係咪好乖陪住MAMI睇醫生個小護士
不過你真係經常都陪MAMI去睇醫生WOO，辛苦小燑了
激死，你見到醫生就話自己無事＠＠仲幫我BYE BYE 醫生呢
醫生吩咐24小時之內都要檢查你有無唔妥
成晚無訓，每個鐘都拍下你!今日仲要同你攞藥膏搽頭
去到個藥劑師竟然話你太細唔岩搽？？有無攪錯呀？？？
咁點解醫生會開呢種藥？？？？運吉的!！！！！
不過最緊要小燑你無事就好了!

HELLO小祖

小燑真係好乖乖呀!好彩有你提MAMI食藥~
又有你平日一路支持我!HAHA
應承了小燑去玩波波池,但因為BAPA有野做呀
但都帶左小燑去探朋友仔
見到你地都玩得好開心呀,你仲自己跟EE去接姐姐放學
MAMI鐘意唔怕羞既豬小燑,哈哈,應該叫做開朗吧!

諗起你仲係MAMI個TUMMY入面個陣,同你傾計~
每日都同你講,你以後都要做一個活潑既小朋友呀!
而家你真係太活躍照顧你需要無限既精力哦~
今日又要去檢查了~感謝,一切都正常!
做父母真係特別多事要煩惱,還是我地自尋煩惱呢?HAHA
不過最唔放心就係呢到既檢查好隨便?
我地決定要轉醫院了,但又擔心你出世會好遠
哎呀~真難選擇呢~
22WEEKS 了,幾經辛苦!!!!!
BAPA & MAMI 決定叫你做"祖祖"呀,你鐘意嗎?

失暈魚MAMI

休息左幾日,MAMI都精神返少少啦!
係時候要陪小燑去活動一下了
RITA EE今日帶埋WING 姐姐&TUNG TUNG B入黎玩
小燑同姐姐share 左一個烏冬食,果然係你既最愛呢
本來帶EE去睇醫生,但失暈魚MAMI記錯醫生休息時間
然後唯有行一陣街就返屋企煮飯一齊食啦
今日係RITA EE一家人第一次坐輕鐡喎!
幾經辛苦返到屋企,點知失暈魚MAMI無帶鎖匙
唔係第一次了,經常都被困既?????
好彩,食飽飯都唔算太夜!
姐姐話MAMI煮飯YUMMY呀:)好開心呢
今日大家都一定好累啦,呼~

MAMI話小燑大個女了,要學"時間"
所以送左一隻手錶比BB燑----THOMAS 黎咖,好靚哦
然後仲有遲來的BIRTHDAY GIFT!
"生日蛋糕"玩具,不過小燑真係一個唔講得笑既破壞王
返屋企一個鐘就爛了~唉........

冰皮月餅

豬MAN E E今日偷懶無返工,入黎教MAMI整月餅
好彩百佳都有齊耍用既材料,咁MAMI 唔舒服都唔洗四圍走
開始整月餅先發現原來無準備到月餅模
MAMI係雪櫃搵到個星星既冰格模,HAHA~就用佢啦
第一次既奶皇唔多成功,硬左少少??
但小燑&大頭仔都好鐘意食WOO,比你地做小食啦
多謝你地2個支持,食晒MAMI 失敗之作

再整,都係硬既?唔通係岩???anywayz!開始啦
其實~都好容易,但又好難控制~
仲口多多話整好比樓下婆婆食,HAHA
都算成功整左半打比人試既
小燑都有幫手整左一陣咖,但呢個潔癖鬼話DIRTY就走左了
以為整PIZZA 呀,傻豬燑!MAMI每晚陪你睇個本書仔就係整PIZZA 嘛
睇見你一邊整,一邊偷食,實在好開心
最後BB自己搵D泥膠走黎扮整

好攰呀,過程唔係好覆習,但因為無好好準備呢~
而且又有破壞王豬米燑係到
不過大家試食之後都覺得OK喎
除左豬MANE E食完肚痛~應該唔關月餅事的

 

小燑牛一@2歲

小朋友既成長真係神奇，最愛既小燑就快2歲了：）

回憶就好似火箭一樣快，眨下眼就2年？？？
盼望你既將來就好似好遙遠，不過MAMI就好唔捨得你大，哈哈
提早2日同你興祝農曆生日，懷舊嘛，HAHA
太婆一早入黎，同埋公公一齊飲茶先～
然後就返屋企切蛋糕啦!！！！

呢個蛋糕係豬米燑自己同BAPA 去買咖，PIG PIG 豬
吹左蠟燭，就即係大一歲喇
仲有LITTLE MAMA都一切黎同你食CAKE
小燑，MAMI ﹠ BAPA 祝你快高長大，身體健康呀
哈哈～太婆仲幫你碌雞蛋呢～MAMI 都係第一次見

太婆比左封利利是是小燑呀，謝謝
多謝大舅婆比我既利是～多謝姨婆，仲有LITTLE MAMA
今日呢個簡單既生日會都好開心呀
然後MAMI就煮飯一齊食
今日BAPA 幫MAMI 買餸呀，雖然買漏左D野，又買錯左D野
又好似比人握左買左少少爛菜，哈哈
但都係BAPA既第一次啦
今晚既湯，真係好苦，連MAMI自己都唔飲
但小燑就飲左一大碗呀，梗係知道MAMI 好比心機煲啦
小燑真的從來唔會浪費我一番心意呀：）
MAMI 痛你又會話：呵，錫返你啦!

MAMI 暈你又會話：黎啦，我攬住你啦!

MAMI 驚你又會話：唔洗驚，BB係到唔洗驚
小燑呀，我真係好愛你

HAPPY BIRTHDAY！！