30個月了，我的最愛：）

呼～好忙碌既一天，要準備明日既生日PARTY
今日係小燑豬兩歲半了，明天先同BAPA一齊切蛋糕啦
早兩日小燑行街既時候竟然買野送比BAPA？？
仲同人講話係“買比BAPA既BIRTHDAY咖”
如果BAPA聽到實開心死啦！個女咁乖咖咩？
30個月既豬米燑，就咁睇身高好似無咩長大過
聽你講野就好似大個左好多
近來照下鏡覺得自己老了很多，可能無左本來既興趣吧
每天就為兩隻醜豬打點一切～
人生就好似咩都係為佢地而轉的，比較累
不過擔心太多反而無謂！將來既事很難去想像
唔係唔著緊，只係想你成長得快樂一點
讀書當然緊要啦，之但係迫唔到的
MAMI只有想辦法令讀書變得有趣點，等你地自動愛上！
聽講。。。現代人讀書好痛苦的～一星期7日都要上堂
是真的話，相信MAMI也會很累呢，HAHA
你地既人生好應該有享受既時間嘛
最緊要是過得有意義呢～


燑燑又要學婆婆種花，買了一個盆栽：“神樹”，都幾靚WOO

＊＊祖仔好愛笑，HAHA，怕痕既男仔，人地話大個會怕老婆咖！真的嗎？

＊一個在聽、一個在教～家姐話：THIS IS FLOWER，THIS IS BUTTERFLY，係MAMI最驚既～

＊＊阿祖只對LADYBUG有興趣～

＊＊家姐又教細佬唱歌喇，笑得很開心呢
“THIS IS YOUR HAND，AND THIS IS YOUR FINGER。。。。”
祖祖你要比心機呀，家姐7個月就識好多生字了，咪成日呆呆的～

COOKING BB

＊＊＊成日話要食JELLY，我地就自己整啦

＊＊將D JELLY粉倒落D熱水到先
燑燑話食士多啤梨味

倒極都唔完既，影多張相先，HAHA

＊＊溶左之後再加凍水攪下就OK了
SO EASY
整左一個比小燑，一個比波仔今晚返黎食

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
大頭蝦MAMI將D錢掉晒落洗衣機連衫一齊洗
睇緊電視先醒起所以大叫左一聲
然後比婆婆鬧次次都係咁幪既呢
燑燑聽到MAMI同婆婆既對話之後話：
“MAMI，你唔開心洗左D錢呀？”
唔洗驚，我大個賺錢養你啦！
再養埋BAPA、養埋祖祖同婆婆
坐坐下諗起，原來仲有公公呢！
我大個養1個2個3個4個5個啦
HAHA，咁你要比心機讀書喇傻豬～

BBQ

今日係香港人選特首既大日子
MAMI一向少關心呢D新聞同政治
不過近來無事做又睇下D咩辯論會都幾好笑
我地既新特首：CY LEUNG
好似好多人都唔多欣賞！但我一早都覺得實係佢了
ANYWAYZ～明天會更好嘛！
天時暑熱～點解咁多人鐘意BBQ呢？
冬天的HOT POT 同夏天的BBQ同樣都是MAMI最討厭的事
除非去下長洲，一年一次都可以開心一下
最怕BBQ因為又熱氣，又慢。。。又燒到塊面乾晒
不過總有人喜愛既活動～由其一大班人呢
參加一下啦，但食飽飯先去囉，HAHA
今次同BAPA既朋友去！就係屋企隔離的燒烤場
＄100一位任食任燒？？都好抵！
BAPA都燒左4個鐘，MAMI就只係飲左2枝水
UMM～發覺小燑都幾怕陌生人
當係外面既時候最無膽，在家還好一點
唉，係屋企成個管家燑咩都要理
一行出門口就變左小鳥依人咁～HAHA
同大人玩都比較好些少。同年紀既小朋友就驚
到底你驚咩呢豬米燑？？？
係時候要訓練一下你喇

＊＊這就是小虎妹～好乖咖！唔會喊的小妹妹

＊＊兩隻小貓在玩：）
可惜唔夠時間去公園啦，約好著一樣既衫去影相嘛
下次啦，橫掂件衫咁大都未岩著，HAHA！

差不多3個月了

＊＊UNGU UNGU～愈來愈貪玩了，現在的祖，很愛呆望MAMI喇



＊＊MAMI。。。LOVE YOU

＊＊最愛睡在婆婆的大肚腩上既阿祖仔～

＊＊很愛跟MAMI說UNGU UNGU的BB

＊＊早幾日影的阿祖仔，好似好大個仔咁呢～婆婆笑左你好耐，話你頭大身短

＊＊阿祖今日有型嗎？

今天同舅公～婆婆去飲茶

＊＊這個阿祖很愛的家姐，細佬經常望到笑咪咪的～

***祖BIG SMILE，I LOVE YOU SO MUCH

ANGRY BIRD

畫畫LU，小燑今日唔多願意起身
換好衫出發喇！叫佢估下今日畫咩
小燑話想畫ANGRY BIRD

一上車又呆～因為唔夠訓加暈車浪囉
落車係咁要抱，無咖！MAMI點都唔會抱的
你要學下自己行，大個女喇～
除非行左好耐啦～如果唔係MAMI唔會抱的
開個袋出黎先發現條圍裙發霉了
OH～TOO BAD！上次唔記得放出黎曬
岩晒小燑啦，你想換條藍精靈圍裙嘛
落堂見你滿面笑容跑出黎
好開心嗎？？MAMI都一樣好SWEET，HAHA
原來今日真係畫ANGRY BIRD 呀
到底係咪豬米燑上次同IVY 老師講既呢？
ANYWAYZ，好靚呀

無聊的WEEKEND

天氣突然變熱，仲加埋強勁既陽光
MAMI本身鐘意凍的，但都係陽光比較適合BB
見你地著到成隻糭一樣，行動不便呢!
呢兩日都仲係好唔舒服～個人都訓唔好。。。唉！
每次喉嚨痛都總要拖拖拉拉好耐先好？？
自己又忍唔到口，好返少少就食炸野再痛過
BAPA近日好忙所以我地都無得玩
星期6就行左去南生圍曬一餐
因為小燑不停話要ROW ROW ROW UR BOAT？
到底你係想去九龍公園個BOAT還是呢到坐呢？
雖然咁近屋企，婆婆都未去過～一齊去行個圈囉

**睇蟹中。。。。。。

＊＊BABP影相好奇怪～

最握錢既船：5蚊坐1分鐘。。。。HAHA
呢次好有恆心去行到三份之二既路程

＊＊LALA～小燑有朵花花WOO～～～

＊＊當然是送比最愛的MAMI啦！謝謝呀

＊＊再一張BAPA影的怪相，咩怪？就係點解唔行過D影呢？而家見到婆婆個身呀！！

＊＊又一張怪相，HAHAHA
小燑影呢張相既時候有幾個途人都一齊影佢，話佢太似影封面相WOO

＊＊美人魚POSE 既阿祖VS扮可愛小燑

如果唔係因為抱住阿祖既話可以再行埋個少少的
而且最重要既係我地要兜返轉頭再坐船先返到屋企
回程時，阿祖已經滿面熱痱了～可憐
MAMI照鏡既時候發現原來我都曬到紅卜卜了
今日？？本身都累到懶得行～
小燑又有好多能量需要出去放電
唯有拖住沉重既身軀：去百佳跑個圈啦
HAHAHA！
呢排個心總係有D不知所措既感覺
可能因為病既關係嗎？？

長途跋涉的小籠包

無論如何都要小燑小睡片刻大家都會舒服點
訓醒妟覺出發去玩了～～
好耐之前買定既COUPON，LAST DAY要用了
一家大細去食“小籠包”啦～最後BAPA忙到出唔到黎
唔緊要啦，等MAMI同婆婆帶小燑﹠阿祖仔去玩吧
記得一落車會有個大公園，早D去同小燑玩一陣吧

＊＊好啦﹣﹣﹣﹣出發，今日個TUMMY唔知點解咁圓呢？？

差不多每個西鐵站附近都總會有個大公園的
很不錯呢，但點解偏偏元朗站未有呢？？？
今次我地去荃灣站呢到有好多TURTLE咖～

每次都會開心到大叫既小燑實在天真
小朋友既快樂實在很簡單！
身邊既人都好容易被感染的快樂謝謝
從前很少會有時間坐係到望下個天！還很美呢
有機會真的要多享受一下大自然既空氣


＊＊每次去公園只會排隊打“千秋”～不過呢到真係好多野玩咖～

走既時候先發現原來唔只一個遊樂場～
唯有下次先再帶小燑黎啦，因為夠鐘了!趕住去食飯

＊＊難得同小燑的合照，可惡！每次都只得MAMI不停影你地～
今日自己幫自己同豬米燑影一下相～我地似樣嗎？
UMM～還是最愛你的冬菇頭！

阿婆抱細佬攪到腰痛～真慘！
山長水遠，終於食完呢個晚飯了～
“包”普通，甜品YUMMY YUMMY YUMMY！！

走既時候仲比公公帶我地遊花園行左好耐
原來公公想買“花生”？？
竟然仲買左MAMI小時候的最愛﹣﹣上海蛋糕
味道變了，感覺仍在吧