呼～一早上完芭蕾舞堂
快快回家換衫出發GOGOGO
我地一齊去廣州採下小花太婆啦
今次唔知點解坐車好似好耐咁
3個半鐘先到達太婆屋企。。。散晒
豬小燑無咩暈車浪無嘔呀，叻女！！
第一時間祖B就同太婆影返張合照先
家姐就係一邊面青青抖下先，哈哈
精神返既小燑，行得幾快？！
即刻去公園玩下先～
我地一齊行左一陣小燑就同BAPA去打千秋
MAMI同祖B﹠阿YUI就返屋企先
坐得太耐車又唔夠訓MAMI好頭痛呀
點解小燑個樣咁囂張既呢？？？
第一日，祖祖B竟然食左大半碗飯
太婆睇見都開心啦～笑到唔停口
豬小燑都乖乖食左好多野
仲一個小朋友食左3隻大閘蟹？？
真係唔係講笑，2個都同MAMI一樣
特別鐘意食婆婆煮既餸吧？！！
食飽飽就撘𨋢去訓覺喇
係去岩岩搬埋黎既姨婆屋企呀。
只係隔2座，超級方便又近太婆
YEAH，唔洗行咁遠去酒店喇
小燑學中文都有一段日子了
而家識字多左，有時會亂
好似個「有」同「看」就要諗好耐
「課」又以為係「讀」
不過慢慢啦，都唔係考試
MAMI都係比個地方你玩下姐，HAHA
原來小燑好鐘意麥老師咖
呢間學校最好就係讀一陣、玩一陣
然後今日小燑開始要認5個字了
老師話都OK，佢記性好WOO
係呀，呢個小朋友握佢唔到咖
咩都記住你呢～小小唔岩都知道
下個月都休息一個月啦。。
係MAMI想抖下呀
試下係屋企等MAMI陪你讀？？
但小燑成日都蝦MAMI的
我教又唔肯聽，老師講就坐定定。。。
係咪所有小朋友都係咁咖？？
激死。。。。。。
早排學識話“好野”之後拍手仔
祖祖B今日好叻仔呀
竟然識得“GIVE ME FIVE”
仲會“HEA”一聲呢
同家姐GIVE ME FIVE左幾十次
仲要不嫌其煩地等人讚佢叻
諗起小燑細個都一樣
男仔同女仔既分別都幾大
女仔學野真係快D嗎？
定係咁岩祖祖B比較懶學野呀？
由朝到晚除左肚餓會叫“WOMA”
其餘既時間都口不停叫“KA﹣姐”
一日到黑都 “KA﹣姐”
訓晏覺訓到一半都爬起身望下家姐
UMM～～好溫馨呢
哈哈，MAMI有少少呷醋啦
但見你地感情愈來愈好
個心都好安慰既
做左阿媽之後都無咩祈望
最想。。。只係你地健康快樂
當然仲要相親相愛啦
出街食飯。。。。
小燑同祖B都特別開心
食既野都比平常係屋企多
食飽梗係行下街啦？！！
近排都知道祖B都係貪靚呢
次次買左新衫比家姐佢都爭住試
成日搶D衫放係個頭上面
然後就自己好開心咖喇
MAMI梗係唔係偏心唔買衫比祖祖啦
咁男仔D衫來來去去都係T SHIRT嘛
好啦，今日就帶祖B去SHOPPING啦
舅公買左好多新衫比祖祖B呀
因為祖B同舅公特別FRIEND的
唔知點解一見到舅公就會笑到KEKE聲
平日真係好少著鞋仔既祖B
買左一對新鞋仔喇！！
好叻仔呀，識伸手去試衫
讚下佢仲笑到個咀都合唔埋
所以呢，愛美。。。
男女老幼也一樣呢
大忙人阿YUI今日約我地飲茶呀好耐都無試過朝早見到佢呢
今日2個大忙人都一齊出現
就係BAPA都有去喇～
近排可能好少見到BAPA
所以小燑好似有D抗拒呢
又唔肯BAPA拖住行、又唔一齊玩～
咩都要MAMI一齊先肯
打算等小燑訓一陣就同BAPA去公園
點知BAPA呢個大懶蟲竟然話好攰
可能真係好累？？
之但係唔運動下又點會精神呢？
最後MAMI自己帶左小燑去玩
呢個公園入面大部分都係大個D既哥哥姐姐
所以好少會同小燑一齊玩
而且佢地玩既野都十分之危險呀
頑皮鬼小燑當然學得好快啦，哈哈
返屋企既時候小燑話要食格仔餅
點知唔夠甜話唔好味
“不如帶返去比阿祖食啦”
衰豬燑！！真係好愛細佬既姐！！
