人山人海的零晨

天未光～BAPA就爬左起身今朝特別凍呢。。。
換衫、拎住2張小燑既相。。。6點半就出發！！
WOO，BAPA話勁多人呀好似有錢派一樣，HAHA
咁早去到都有3百幾人了！到最後應該有2千幾人嗎？？？
等咩？？咪等比錢買張紙囉，限賣1500份咋
＄30蚊＋排下隊＝一個INTERVIEW幼稚園既機會
17號又要帶小燑去做佢最怕既事：同陌生人傾計
原來而家小朋友讀書都幾辛苦～連阿BA阿MA都辛苦
其實都係排下、試下囉！因為小燑都報左一間幼稚園了
MAMI都話過小朋友返學最緊要開心、唱歌、玩下就一日啦

應承左帶你去公園玩，BAPA又忙，唔好係屋企阻住佢LU
同祖祖去曬下太陽＋順便同婆婆行下街囉
玩到餓小燑話要食麵。。岩喇，細佬都夠鐘飲奶
行到半路比你記起食SUSHI，HAHA
同MAMI一樣鐘意食日本野？？

次次都比你食晒D蟹籽既！！可惡～～～
小燑係超愛食 “腥”野既怪人。。。。有D連我同BAPA都頂唔順

之後行下商場，呢個8妹竟然同阿婆講：
“我好鐘意MAMI帶我行呢到咖”
梗係啦，呢到多野玩嘛！
小燑又買左衫。。。。吓？又話唔好買衫比你既？？