小燑的近況

出奇地乖既小燑，早幾日都話好想去IVY 老師到畫畫
而且MAMI都坐完月可以再陪你上堂啦
送左小燑入課室之後，自己就同老師講
“IVY老師，MAMI係出面等我咖嘛！”
HAHA，做左家姐真係叻左WOO！！！
近期豬米燑既藝術品都好有心機的，補影返D相先

特別係新年時既“龍”仔，MAMI到而家都掛住裝飾呢
今日畫PIG PIG 豬錢箱
呢個阿囡真係長大了，連講野都好老積
而家想教訓下你個百厭星都麻煩～咩都有原因的
出街又扭抱，叫你行又話“咁我好攰丫嘛！”
叫你唔應人話你無禮貌啦又話自己喉嚨痛。。。
連食糖都有理由咖～差D比你激死呀!！
不過你都愈來愈會照顧細佬既，仲細心過MAMI
食既晚飯，豬米燑突然叫阿婆
“你放低個碗啦，你放低隻筷子啦!”
“阿婆你去睇下阿祖仔啦”
哈哈～我地次次食飯祖B都扭計咖！為食豬～
大既都扮聽唔到，得家姐咁緊張你咋！