TESTING TESTING＠健康院

打針喇打針喇～～～～4合1 ﹠肺炎
頭OK大，都岩比例，哈哈，但都好重呢
然後磅重有7.68KG：） GOOD
等好耐呀！！十分之超級咁多BB囉
4個月既TEST，都OK
平時要再比多D手指既練習，捉玩具無咩力
姑娘話仲可以開始試比祖仔抱住係大脾坐下
可以練習下條腰、仲有頸都要開始用力
得閒要比佢“爬”轉身抬下頭
至於食米糊呢，姑娘話唔需要咁急
“世界衛生組織”話建議BB6個月之後先食固體
等佢條腸發展得好D先開始囉
健康院話只係D製造商想人早D買多D姐
HAHA，真的嗎？咁祖B你就等多2個月啦
我地一家四口返到屋企全身都濕晒
真係唔講都知我地一家人呀：超怕熱
呢D天氣真係熱到人都溶呀
所以大家都要帶定手巾仔同水出街
仲有一把扇、一把防UV既遮都好緊要
見D人係咁掉紙巾。。。真係唔環保！！
地球伯伯就快熱死喇～大家都要愛護環境
UMM～～MAMI都就快累壞了
難得今晚兩個BABY都晨早訓左
呼。。。。9點咋！！係好出奇地早呢
GOOD NITE

祖B的第4個月

話快又唔快，話慢又唔算慢呀
我的小祖祖不經不覺4個月了
開頭想你快D大個仔啦
但現在又捨不得你大得咁快呀

很愛聽你的UN GU UNGU BOBU
還有你既“KEKA”聲笑聲
無牙既咀仔都是MAMI的FAVORITE:)
當然唔少得你隻口水“臭”手啦！HAHA
MAMI唔會偏心咖，你們都是MAMI的最愛
4個月既BB，好似可以開始食米糊？
不過MAMI打算星期一去埋健康院先
係呀，你星期一又要比姑娘打針針LU

其實祖祖都幾為食咖
成日牛咁眼望住人地D野食吞口水既
MAMI就成日比你偷食少少囉
可能因為咁你早兩日先唔舒服？？
但真係飲完“七星茶”又好返WOO
苦口良藥呀仔！飲左咪舒服晒啦
都係小燑食得苦，自己乖乖飲左一杯
開頭仲係到諗點解祖仔飲到喊呢？
留左一碗比波仔點知比阿姨飲左
哇。。。連阿姨都飲到想嘔呀？？？
HAHA，原來只係小燑聽話飲晒呢
仲話：“我飲下飲下都唔苦，係MAMI煲咖”
其實呢段時間都難為左小燑喇
MAMI大肚既時候又唔比你亂跳
到而家細佬訓係床又唔比你玩
訓晏覺又要你細細聲、又要你幫手TUM祖B
之但係呢D都係一種責任心來的
祖仔～你大個仔都要一樣愛家姐呀！
P。S：今晚聽到祖B第一次講“DUN DUN”呀

＊＊我們似嗎？？HAHA

雙人車

第一次坐呢架雙人B車出街，好重呀
其實都算方便既，又唔係好阻街
只係質量差左少少囉！個轆爆左喇
同埋有一粒螺絲跌左？好彩係唔太關事既
要叫太婆幫手叫間鋪SEND返個轆比我地
小燑就好興奮呀，可以同細佬一齊坐又唔迫
因為平時MAMI要你地兩個坐單人車，HAHA
阿祖終於都舒舒服服咁訓了
姑姐今日入左黎探我地呢，好掛住小燑同肥祖

MAMI就推你地兩個出去搵姑姐食TEA 喇
小燑都好開心，又有人陪你玩啦
食完就去行一陣、買餸返屋企
可能太趕？D湯咸到痴左線
豬米燑仲話唔咸呀，好味WOO
近日“波兒”成為小燑最怕既MONSTER
點解一隻咁可愛既“波兒”會嚇到你既？
笑死人咩，不過都好既，有野嚇下你
你成日都驚到要MAMI攬實你
NO PROBLEM，我最愛攬住豬米咖啦
 而家唔食飯會有“波兒”吞“你個頭落肚咖
＊＊唔知幾時你會唔再怕呢？傻豬
明天要煲「七星茶」比你地飲
好驚呀，有D蟬殼咖

毛毛蟲書仔：）

這個小燑豬又係一上MINI BUS就暈喇。。。真係無用
本來BAPA同祖B都一齊陪家姐畫畫的
點知天氣太熱，等車途中細佬頂唔住了
成條頸都紅晒不停喊，同BAPA回家LU
夏天很討厭，無論沖幾多之涼都好快又臭晒
丫，但出咁多汗真係輕左幾磅WOO
一星期瘦5磅，無需折食做運動～HAHA
趁小燑上堂再走去買飯盒，真係趕死人
件衫濕完又乾又再濕。。。

上堂造的立體書仔，HAHA，都幾得意
一出黎小燑就唔見左封面條蟲個頭喇
好好笑，跑返入課室問老師點解無左個頭
現在小燑好大膽喇，第一個走去幫手的
下個月開始BAPA話想你返PLAYGROUP了
都好丫，可以訓練下你嘛
起碼都要比少少心理準備你9月返學啦
MAMI都好期待見到你著校服個樣呀！

大喊十 ：（

到底咩唔舒服？？UNGU 祖呢兩日係咁喊
想放你係床，彎低少少腰就喊定先喇？
已經夠攰！加埋又熱又無人幫到MAMI
真係煩到頭都裂開喇。。。放過我吧
好彩家姐都幫到下手，行開一陣都OK
傻豬祖望住個家姐總係會傻笑的
有時MAMI係廚房都聽到祖B開心到“KEKE”聲
小燑每次見到細佬笑都會更加開心咖
唉。。。。雖然辛苦但總算值得的
聽到阿祖仔既笑聲同小燑個SWEET樣就精神返
可能天氣熱又有少少唔知咩唔妥囉？
食幾日保嬰丹睇下點先啦，希望會好D
還有就係今日又收到一個大紙箱既郵包
係太婆送來的雙人BB車呀
WOHO，好似戰車一樣大
推係街都幾重，但係就真係可以帶你地出去
過兩日就試用下啦

兩隻豬

＊＊UNGU祖很愛啜手，真係麻煩豬
口水又多～成日係到UN GU UN GU
唔彩佢會喊咖，曳豬！

＊＊咁大碟薯片，其實小燑只係食左2塊
呢個小朋友，咩都話想食，但又唔食得多

＊＊今日MAMI去完買菜回家，一入屋見到兩隻豬？？
HAHA～～祖仔最愛的睡姿呀。。。。

差差差！！！

很久不見的LITTLE MAMA今天來探我地喇
首先黎接我地去上堂畫畫啦
？？星期6都要畫？係補堂呀
3點半去到了，姐姐問做咩咁早既？
SHOULD BE 4：30PM ？？OH NO！！！
咁都記錯既，唯有去食少少野先囉。。唉
今日整左一碗“麵”呀，小燑好開心咁WOO
同LITTLE MAMA食咩都超級難食的
先飲左一杯怪味奶茶同勁DRY 多士
一心諗住食日本野的，所以畫畫後先再食過
入左一間黑店D人真係黑口黑面的
人影都無，好應該走，真係蠢左

“金水”，係MAMI第一次&最後一次去食
D野都十分之咁唔新鮮，仲有D味。。。
就連炸既多春魚都係臭的
呢碟完全吞唔落要嘔了！
事後仲要無人理？？咩事呢？？？
成肚火氣既我地就再去食糖水啦

＊＊小燑愈來愈會照顧細佬喇，幾乖乖：）

＊＊小燑之後問MAMI，點解成日都要食野既？？HAHA，因為食唔到好食既野囉

＊＊這個蛋。。。很怪。。。。。

＊＊就連雪糕都很難食的！！！全日最好味反而係一向都唔好味既：BANANA！HAHA

OH MY GOD。。。係咪星期6不宜外出用餐？
哎喲。。。。。夜晚MAM真係肚痛了。。。

困在雨中的一天

在商場苦等了4小時呢～可憐
晨咁早就陪MONKEY E飲茶!點知落雨。。。。
好彩舅公帶左把UMBRELLA 來接我地
然後去左行街街!點知一踏入商場就傾盆大雨了
我地兩個人帶住3個BB，哇。。HELP
唯有一路行一路等停雨喔
由12點行到1點，小燑眼訓了～
然後到細佬訓覺。。。乖乖
點知大頭仔唔肯訓要食麵
都好既，行到腳都軟坐下
3點喇仲係好似倒水一樣
豬米燑終於都有一張自己既八達通LU

平時成日去7﹣11話DO野飲
而家一去到千色就話要DO雪糕
訓醒果然見到就話要食ICE﹣CREAM
我地5個人。。到4點終於都頂唔住了
唯有快步跑回家啦
大頭仔成頭都濕晒，祖B就成腳都係水
阿姨同MAMI都成身濕喇
只有小燑無事，HAHA
一返到屋企小燑一個人食晒一個杯麵？？
好餓咩？？？
回家真好。。。呼。。。。。。。