脾氣怪

壞脾氣的豬米燑
讀書之後發覺你既脾氣差左好多
有時係街突然一嬲就大大聲叫
唔知仲以為呢個小妹妹係媽咪呀
學左老師既口氣同MAMI講野
又話罰我企、又話唔比我玩！
加上醋意日增。。HAHA
成日搵機會蝦細佬既？？？

傻瓜，MAMI點會唔愛你呢？
“你要多多愛我，少少愛阿祖”
呢句係小燑近日既口頭蟬
日講～～～夜講。。。真係發開口夢都講
我諗小燑係一個唔夠安全感既小朋友
可能有時係會忽略左小燑既
以前MAMI同BAPA只得你一個心肝寶貝嘛
而家多左一個祖B分左你既愛
咁岩開始返幼稚園既小燑需要更多心機時間
又唔可以每次2個爭都要遷就家姐
真係好難控制呢。。。。。。
只有搵機會多D分開時間比獨處既機會你地
唉，努力做個24小時ON DUTY既MAMI啦