HAPPY 3 TO MY JEREMY JO

 

 3歲了，阿祖B，WE LOVE YOU！

對住你真係又會嬲又好笑

好百厭呀，但又好識得TUM人開心

MAMI知道你好錫家姐，又會關心身邊既人

同你有一種莫明奇妙既親切

可能因為你仲會攬住MAMI食奶奶吧？

呢3年黎MAMI都好努力KEEP住比媽媽奶你

真係無白費心機的，希望你一直健康成長

之前一直都好後悔只係比左半年媽媽奶小燑

所以今次真係十分堅持，會直到你自然離乳既一天

有時D人會話：咁大個唔洗飲奶啦？

不過MAMI覺得除左健康之外，

都係一種感情來的，當然。。。不捨吧

順其自然。。就是最好的！

3歲了，開始要學下獨立D喇！唔係BB了

返左學都3個月，老師都話阿祖有進步

細BB黎講都OK啦，慢慢會學懂更多

今天多謝爺爺請食壽司呀～

特別驚喜：巴斯蛋糕

簡單的快樂就是最幸福的

有了你們，我們就圓滿了

 

我的大英雄

 終於，BAPA都有時間陪我地去睇戲了！

每年聖誕都會做既節目都係咁上下

唔經唔覺阿祖B都差不多3歲喇

今日就當慶祝細佬既生日節目啦～

呢隻公仔MAMI一路都覺得好可愛，肥嘟嘟咁

原來有套動畫既，咁當然唔可以錯過啦

呢套戲都好值得一睇，連呢2個小朋友都睇到識笑

好耐無見過豬米燑笑得咁開心！！仲話笑到肚痛

套戲又唔止得個笑WOO，都有D好感動既地方

小燑同MAMI都一樣睇到喊左出黎～

係阿祖每次睇到個壞人出場就話要走！

又真係好恐佈下咖，MAMI都睇到有D驚

特別而家D動畫咁先進呢，好似真既一樣

當然完場之後呢2個小人又係英雄上身咁

成晚係到扮EASON＠＠真係比你地激死

睇完戲，食個飯。。。我地就返屋企喇

好耐都無試過咁遊遊閒閒咁出街喇

SO RELAX！！！！

我們的家：）

人生大事之一，我們搬家了
YEAH～～～～～～好開心呀
呢個地方雖然細細。
但十分的溫暖呢
今天終於都入伙了，又期待又有點不捨
習慣了熱熱鬧鬧的一屋人
現在變成我們4個加2隻小貓：）
以為小燑同阿祖會悶D，點知最開心既係你地？
一早就跟住BAPA‘婆婆既吩咐，依住吉時出發
其實由舊居到新居都只係20分鐘路程，HEHE
方便平時多D返屋企陪阿婆公公同舅公食飯嘛
放好D什物，BAPA就要返工了
暫時間屋都好亂，未有櫃又無床。。。。
大家一齊出街食左一餐豐富既入伙飯就回家了
UMMMM。。。。。。一切安好！
我地第一晚係到訓覺，仲以為2個百厭星會扭計
點知一訓落床就呼呼聲訓著了，HAHA
GOOD NITE！！！SWEET DREAM

 

舅公生晨一聚

 

 

祝你生日快樂～祝你生日快樂。。。LALALA
舅公身體健康，心想事成！
第一次帶小燑同阿祖B去流浮山食海鮮
佢地本身好似好興奮咁，一落車就靜左
哈哈，以為去玩呀？！！點知得D酒樓
去左表姨丈間酒樓食飯～D野都好好味丫
平時習慣左6點零鐘食飯。。8點都未開始。。
小燑同阿祖不停咁話：MAMI，食得未呀？
等緊隻乳豬期間大家都好肚餓，所以隻豬一上檯
阿祖B就拿拿聲食左5、6塊。。。好西利呀！
食下食下大家都飽飽地既時候，得返阿祖仲食緊
所以大家都只係望住佢一個人食野！HEHE
D小朋友食得好開心，老人家就飲得好開心囉
YUMMY！！！生日快樂喇
走既時候表姨丈仲話叫阿祖多D黎食飯，
睇見佢食得咁開心都飽WOO
。。。。HAHA，一時時啦，平時咪又係要人餵～

桸桸開心派對＋DISNEY LAND

 

 今日係桸既生日PARTY呀

我地又去左麥當奴叔叔到玩囉

成日都以為桸係大過小燑的，HEHE

因為小燑依然係好細粒嘛

唔知小燑係咪都想係呢到開個生日會呢？

如果係就要等到6歲喇～

小朋友黎到呢到真係開心到暈

又有得玩又有得食

仲要蛋糕雪糕同薯條都一切出現係眼前

唔知以為發緊夢呀？！ 

 

祝壽星仔開心快樂，快高長大啦

你地個個每日都要笑得咁開心呀

最最最開心既係AFTER PARTY之後既節目

多謝星陶爸爸同熹爸爸，帶我地去廸士尼

再睇到好靚既煙花同巡遊

真係十分之開心呀

可惜BAPA無時間黎啦，下年先再有機會睇了

約定BAPA明年吧

玩到好攰呀，早抖

  

小燑第一次學校旅行＠K3

 

好開心，今年第一次參加學校旅行

MAMI同小燑決定單獨去參加，唔帶細佬去

HEHE，終於都有時間同你拍下拖咁玩

小燑都有問：阿祖呢？唔去咖？

UMM，好耐都無同你既2人世界嘛

OK，LET“S HAVE FUN LA

 

近近地，今次只係去美孚既一個公園：嶺南之峰

風境都好靚丫～

仲有寫生比賽TIM，我地一黎到就畫畫 

 

豬米今日好開心呀

 

最開心既係MAMI畫既畫攞左獎呀

阿燑開心到跳左起身，HAHA

平時都無咩畫畫既MAMI原來識畫畫咖？ 

 

呢一個早上既時光實在係太快過

我地又係時候要返去接返細佬喇

一定會再有機會同你去玩既

SMILE ALWAYZ，MY GIRL：）

 

蕃薯仔仔

 

 秋天都到左好一段時間了，雖然依舊“熱”

咁乾既日子梗係煲下糖水飲

煲左既蕃薯原來阿仔大愛呀

每星期都會整1，2次食～

次次都食到個肚仔脹卜卜咁都唔識停口

今日食緊糖水既時候突然掛住阿YUI

所以叫我幫佢影張相SEND比佢

點知比阿YUI笑佢著ELSA睡衣！！！

男仔都可以鐘意ELSA咖嘛

HAHA。。。。。。 

一年一度又野餐＠廸欣湖

 

一年前我地都黎過過呢到野餐，又返黎喇

今日天氣好好呀，岩晒戶外活動啦

今次多左星陶一家人，仲有大忙人BAPA

有時間曬下太陽吹下風的確好舒服既 

準備左好多食物，由朝玩到晚呀真係

 

 希望我地每年都會一齊黎RELAX下啦

2次都未有機會踩到水上單車

下次真係要早D排隊先得呀! 

明年今日再見

早上。。。阿YUI帶住一喼既行李出發了
大家都喊到豬頭咁！真係無鬼用呀！
小燑明明好唔捨得阿YUI既！
企係樓梯拜拜一聲就走左上樓？！
MAMI上到黎既時候就見到小燑一個坐住係到喊
真係好心痛呀，第一次同阿YUI分開咁耐
雖然唔係好明1年係幾長時間
知道要過左6歲生日先見就好唔開心了
阿仔仲未真係知道咩係分離
望到家姐喊就話：唔喊啦，我打電話叫阿YUI返黎
無用既MAMI聽到又係到喊囉，HAHA
一年姐。。。。好快就會再見的
我地一齊加油加油呀！
WE MISS YOU！

我們”五“

好好好耐都無試過咁齊人飲茶
仲出奇地撞到燑表姐仔TIM～
咁難得既機會當然要影返張相啦，可惜少左大頭仔
至於我地5個，都係好難得一齊飲茶既
人大左就少左好多陪屋企人既時間
爭執又多左，各自又有自己既家。。。。。
望到張相都好感概呀，HAHA
老了老了。。。真的不得不承認！！
祝阿YUI你順利～好快可以搵到新目標
開開心心，平平安安
我地都會掛住你的，特別係阿豬同阿仔
唔經唔覺原來聽日你就去上飛機了～
TAKE CARE啦！！！！

HAPPY DAY

K1既小朋友今日學校旅行放假
細佬無參加到呀！因為阿YUI就快要離開香港了
應承左帶你2個去玩波波池嘛
比D時間阿YUI自己同阿仔去玩下，HAHA
點知都唔夠半個鐘就打電話黎叫攰
車，咁後生都咁咋咖～
 

爬呀爬呀，真係少D體力都唔得
其實都唔知有無2個鐘頭我地就去食LUNCH
阿仔話要食壽司，一食飽就訓著左囉
睇黎你都真係相當之攰咁WOO
休息一陣就再去玩多一ROUND啦
小燑真係一個好盡力玩既小朋友
次次都會玩到周身骨痛先知停既！！！！
好開心呀佢地2個～又有得玩又有禮物
多謝阿YUI！！！！

太陽伯伯～～～WE NEED YOU！

 

終於大家都精神返喇～

之前2個百厭星又屙又嘔！攪左幾日

尋日終於輪到MAMI捱唔住了

又燒又暈。。。唉，仲要抱阿祖去睇醫生

媽媽既力量真係唔可以睇少的

由小燑病完到阿祖再加自己

足足一個星期無點訓覺，腳都軟呀

好彩既係我地都平安渡過左最辛苦既一刻

忍到唔去醫院，係屋企可以好好休息

今日我地3個都好返喇，YEAH！
早前因為太曬既關係無做運動又無去公園

今日見完醫生經過就入去玩左一陣先走

出左身汗，返去沖涼訓就精神晒啦

SPIDERMAN N WITCH

又係扮鬼扮馬既時候了
萬聖節最開心除左可以玩之外
當然就係“TRICK OR TREAT”啦
無咩機會成日食糖嘛，今日要食個夠
小燑竟然問：MAMI你有無一把會飛既掃把？
MAMI：唔係人人都有咖，要真女巫先有
小燑：咁邊個先係真既？會唔會見到佢？
咁女巫個掃把坐到幾多人？？？
........哈....哈哈！唔識答喇～～～
有時D小朋友既問題都十級難。。。
阿祖就問：點解我係SPIDERMAN但係唔識噴D線既？
MAMI：.......你食多D飯先有掛。。HAHA
祖祖：哦。。。咁你再比D飯我食丫～
OMG，你地想點呀？HAHA
 

家長會＋家長會

首先就係去細佬既家長會～然後又係家姐既家姐會
。。。。。。聽左咁多野都聽到好混亂呀 
好彩定唔好彩排MAMI係晨咁早既時間
阿祖B既老師：
平時佢都好乖既，唔會同小朋友爭玩具
唔太鐘意出聲，不過一問之下佢會好有交流
係一個活潑開心既小朋友，好比心機學野
MAMI：係屋企佢都真係會成日口UPUP唱歌
訓覺之前又會拎本書出黎唱下同讀D字
另一個老師就話：
比起初初既時候佢都開心左好多！
D老師都好錫佢呀！........DUDUDUDU。。
都無咩投訴，算係咁啦～唔好太高要求
＊＊＊＊＊＊＊
到豬小燑喇～MAMI好緊張！！！
因為K2既校園生活唔係太滿意，而且好似壓力太多
所以MAMI今年就只係想你開心D，輕鬆D
老師：其實焯燑都係一個好有記性既小朋友
不過心不在然囉，佢知道自己識既就更加無心聽
係一個細心既小朋友，但一直都有進步的
MAMI：因為佢好怕羞，唔敢表達自己！
老師你可以用多D方法提示一下！
之後老師都話：
放心，開學時你都有講過，我地都會慢慢令佢大膽D
^^其他野MAMI都唔擔心了～
小燑B只要有心機去聽既話一定無問題啦
放鬆D，大家都放鬆D就有進步既空間！！！

開心黏土@南瓜節擺設

呢2個小朋友已經記得，星期六係去MS CHAN到
YEAH，去MS CHAN到同雪兒姐姐玩黏土LU
真係咁好玩咩？？？MAMI都好想試下咖
阿祖B今日仲早左一個鐘去試“英文”班
最後MAMI都決定等到過左年，你又3歲之後再算
始終，都坐唔定，又好多野都未準備好
老師都話阿祖比較難教，太有自己既主見
而且可能屋企人就得佢太多，好硬頸
無錯，性格似MAMI多D，HAHA
家姐就唔同，聽話好多既！
只係MAMI有時對小燑真係比較嚴謹D

登登登登，南瓜節既野
呢3隻都係燑B整咖
雪兒姐姐話小燑好有創意
成日都會造一D唔同既樣出黎～
而阿祖就開始熟左偷懶唔做野！！！
哼～你真係大膽呀小朋友～

MAMI的考驗＠車牌

WOO，好緊張呀！今日係MAMI人生考驗呀
好似講到好嚴重咁，考車牌筆試囉
之前一直都覺得仲有時間溫習！應該好簡單？！
尋晚開始就真係擔心喇，擔心到一溫書仲訓著左
哈哈，呢D就係壓力大到暈左嗎？
唯有臨急抱佛腳咁睇多幾次囉～
BAPA同阿祖B今日陪我去考試，HEHE～
去到試場發現大家都係用本書溫習既？！！！
偷偷望下又覺得好似同平時睇既有D唔同！！
哇，好驚姐～嚇到個腦都一片空白咁
好彩最後當然都PASS！！！勁呀
咁開心梗係要買份禮物獎勵下小燑同細佬啦
呼，總數可以實現到MAMI小時候既夢想一部份
只要努力，就有機會可以成功吧。
希望小燑同祖祖B都要識得把握機會
去做自己想做既事，去為人生努力奮鬥
可以成為一個有用既人！！！一齊加油啦
 

5歲喇豬米B

 

WOHO～～～HAPPY BIRTHDAY，BIG GIRL！

終於都真係正日生日啦

5年前既今天，MAMI好好好痛咁生左你出黎

雖然真係好辛苦咁生左3日

但，一切都值得既

I LOVE YOU SO MUCH！！！

5歲既小燑～

會照顧細佬，還會暗中保護佢 

5歲既小燑。。。。。。

喜愛畫畫同唱歌，亦係每天都必做既事

很少發脾氣！但很跳皮的。。。

還很會駁咀，十分多道理

5歲既豬米燑，記性很好，可惜十分心散

經常都有好多莫明奇妙既問題

5歲既小燑，很愛SHOPPING

哈哈哈，相信是遺傳？

今日既節目係小燑最最最鐘意既：輕黏土

之前成日都敏感所以無得玩

而家再試下又無咩問題喇，咁就比你學啦

GIVE ME FIVE！！！！YEAH！

^^未落堂就講定數：

MAMI，我要以後都黎呢到玩咖！

OK，如果你乖既話梗係無所謂啦

連祖祖都要一齊上堂呀

因為比老師話阿祖執筆姿勢唔好

咁你地2個都要加油喇！！！

夜晚又點少得再切蛋糕呀～

生日快樂呀，小燑！！

 

KEEP住快樂的生日

多謝咁多位K1既朋友仔同媽媽
幫小燑攪既生日飲茶LUNCH～～～
好耐都無一齊食過飯喇～
難得既一聚～TIMES FILE！！！！
眨下眼睛再望返轉頭你地K1既傻樣
＞＜哈哈，真係好懷念呀
今年就係幼稚園最後一年喇，呼。。。。。
時間實在過得好快，燑B都5歲了
大家都開始為左升小學而努力～加油～
希望大家既生日都依然會相約一齊慶祝啦

燑燑，你要珍惜呀，咁多人都咁錫你
MAMI最想你就係健健康康，活潑開心咁成長
要學懂關心人，愛護朋友！珍惜所有～
YEAH，生日又快樂呀！！！！
不過阿祖開始發脾氣啦～
點解家姐成日都有蛋糕切！
點解阿祖無得HAPPY BIRTHDAY
........。。都未到你生日呀傻豬～

參加派對@熹熹生日會

開心既事又點可以停丫～HAHA
尋日係豬小燑既生日PARTY
今日就輪到參加好朋友仔熹熹既生日會
由起身就開始問：係咪今日都有蛋糕食呀？
甜品，真係呢2個百厭星不能缺少既食糧
先同BAPA一齊去食個LUNCH
然後就等MAMI帶你地去開心派對吧
UMM～～因為BAPA又要開工呀！！！

呢個阿祖食飽飯就訓左覺
上到去訓到人地個PARTY都差不多完先醒
攪到我地原來無一齊同壽星仔一家人影相
HAHA！好彩知道時間起身食蛋糕囉
如果唔係返到屋企又係到扭計就大件事了
小燑B走左先講：MAMI，玩遊戲好彩阿祖陪我一齊啦
MAMI：點解呀？？你一個人怕咩呢？
小燑：我怕羞囉。。。。。
MAMI：咁下次到阿祖怕既時候你就要陪佢喇～
小燑：我會保護阿祖咖～
OH～～～細佬真係一個好好既伴，
陪住你玩、陪你成長，陪你開心，又會同你分擔煩腦
你地兩，要永遠都互相幫助，互相支持呀
愛你們呢～～～～

寶貝燑，5歲的快樂生日會

籌備已久既生日會又開始了
請左幾個小燑既好朋友仔
加埋一班好錫你既大朋友仔
好可惜仲有好多大大小小既朋友出席唔到
不過都唔緊要丫，多謝你們既祝福

  
有每年都係到既大佬邊～百忙之中都抽時間黎
HAHA，多謝晒～～～～

同學仔啦，波仔啦，大頭仔啦，表弟啦，朋友啦
哇，好多小朋友好熱鬧好開心呀 

好朋友星陶同媽媽一齊黎慶祝～

呢4個小朋友差不多每日都一齊返學
食飯、玩、同一齊努力學習～ 

又點少得最愛你既MAMI呢～
希望你都鐘意呢個蛋糕啦，準備左好耐喇

 肥DO媽同阿祖今日出奇得襯WOO
HAHA， 2個生果人一齊影張相啦 

 多謝契媽仲幫我地準備左壽司黎生日會

我地都好少時間可以影相～
EEE，點解阿祖你唔望鏡頭呀～ 

一家人～～～～OH，少了返緊工既阿YUI

THX FOR UR COMING！！！
祝小燑身體健康，聰明活潑～
做MAMI同BAPA既快樂小公主～
同細佬相親相愛～～～
 

第一份功課

等左成個星期既功課，終於都有喇
今日係祖祖B第一次做功課了
HAHA～揸筆既手勢非常之難用力

油左幾下祖祖就會自己轉隻顏色
雖然油得唔係好靚，但都算有心機

完成左一大半，又補油返係堂上做個頁
UMM～仲一邊油一邊講：MS WONG話油靚D
我要油靚D，油靚D先～

攪掂，好EASY姐～
比MAMI簽埋名就OK喇～
比起小燑第一份功課黎講呢，就呢～
都可以啦～無得比較咖嘛！
各有各叻！各有各靚！
努力加油啦～～～～

頑固的細佬B

我可愛嗎？？？？？？？？？？？？？？？？？
千萬不要被呢個樣欺騙呀！！！！！！！！
之前以為阿祖B細個，有時會比軟野蠻！
都有講道理，有獎都有罰～
隨住時間一直咁過，呢個惡習依舊未有改善
OMG，有時真係比你激壞囉～～～～～
UMM～好多時你既頑固又唔係霸道
好似今日阿祖拎住一個膠袋裝住3個麵包超人波波
呢個膠袋同波波係由買個日玩到今天～1個月多吧？
每次都會執返放好係膠袋入面～
今日又如常拎住呢袋寶物落樓下玩～
到訓覺要返上樓既時候阿祖B就照常執返D波帶返房
點知。。。。。個膠袋失蹤了！！！！
比左幾個都好靚既袋想代替舊既都唔得～
十分失落既阿祖不停係到講：個袋有超人咖。。。
HAHA，其實好好笑！我地全屋人都不停搵一個膠袋
最後原來係公公執左去想用黎裝垃圾
哇，真係好彩！！！！！！！
不過呢樣野都算係半個優點既！
有手尾又有D恆心咁囉～～～
等於每日放學都要去扭一個波
連續2個星期都扭唔到BASKETBALL既阿祖
每一次每一次一扭出黎都會喊一餐
然後又話聽日乖先可以再扭BASKETBALL
唉。。。。真係唔知好嬲定好笑了～～～

珈琳花燈會@2014

八月十五又到喇！！！！
小燑同祖祖都可以一齊參加學校既慶祝會
好開心，仲可以食個早餐先返學TIM

呢條裙係上年著過既，岩岩好可以著埋
小朋友著呢D好可愛呀，大人著就.....HEHE 

好難得影到阿祖笑得唔肉酸既樣～
係到學家姐“YEAH”仲叫MAMI影佢 

睇返上一年同而家，真係長大左好多呀～
十分之掛住你地2個BB既時候！

HAHA，『S』得咁緊要既？？？？？

到左夜晚就拎MAMI買比你地既燈籠上天台玩
阿祖既TURTLE～仲有豬米燑既FISH！

都係紙燈籠靚D～
下年我地可以買隻大大白兔仔丫～ 

WOO～係BAPA呀！

幾有氣氛，好比心機去點蠟燭～

一見到又話要食，切左又唔食～

團圓既日子又點少得好久不見既BAPA丫
一個星期無見，終於都有時間陪你地玩喇
我地食左好多月餅～～真係有D滯
豬米成個肚都好似脹到就爆咁！好驚呀！
祖B仲自己食左半個大火龍果同西瓜
大家都好飽呀～～～～～
中秋節真係一個增肥既節日呢～