好期待既一日。。。飲
MAMI既中學同學仔結婚了～
突然就好似諗返起好多從前既往事。。。
年紀大左既人間中都會回憶下咖嘛，HEHE
重點係，見證住呢2個人既一切都好似好快
但又已經過左十幾年？？！！下，十幾年？！！
真係睇開場既回憶VIDEO先知道
原來我地都相識左一個十幾年了，哈哈
想唔認老都難，同檯既其實只有我地3個同學
就係阿姨同肥DO仲有MAMI，WAKAKA
轉眼間望到一張我地都著住校服既相真係喊左出黎
係啦，好感概呀，經歷。。。人生。。。
總知希望大家都會好幸福呀～
小燑B同祖祖，唔知你地結婚MAMI會唔會喊到豬頭咁？
諗下都覺得好好笑，因為腦入面既情景太奇怪
4歲既小燑～2歲既阿祖B話要結婚？？！！
漫長既人生，你地都要活得精彩呀～
好似講得好老土咁，呢D都係MAMI想提醒你地既事
所以有咩想講都要記錄底先得。。。
相親相愛既姐弟～～～～～
望到頸都長，頭髮都白。。。。。。
祖祖B今朝送左家姐返學之後都可以拎校服了
呢個心情真係好復習，又開心又感動又唔捨得又。。又
MAMI腦裡面識既字太有限，實在好難形容到
2個都要返學喇，當然有D唔捨得，可能會悶？！
講笑姐，三小時清靜可以做下平時做唔到既野
一直以黎都無咩私人空間咁！HAHA
小燑岩岩開始讀帕阿祖就出左世。。。
等到今年，終於都有難得既『空間』可以忙下其他
MAMI都有PLAN過你地既活動咖
特別係小燑B，MAMI知道你好多時都會呷醋
係咪會諗：點解我返左學MAMI又陪細佬唔陪我？
如果等到祖B返左學呢就比佢上埋英文班
咁大家每星期都有一個霸住全個MAMI既機會！
HOHO，定係無呢回事係自己自作多情咁誤會左你地呢？
不過都應該係有需要既，可以分開做唔同既野
有時小燑想睇D小女孩既野嘛
祖B就唔洗成日以為淨係得家姐玩既﹣公主遊戲！
唉。。。。仲要學家姐扎頭髮先慘。。。。
就等MAMI辛苦少少黎比多D時間你地吧
本身要咁早起身對祖祖黎講都有D難度既
唔好睇少呢個懶豬既懶惰程度呀
有時叫佢跟MAMI起身送家姐返學都唔肯的
試過幾次話：“你地返啦，我同阿BA訓就得”
哼～～BAPA都唔係屋企！最後喊住咁出門口
但係今日MAMI一話去畫畫後就自動坐左起身
咦？？！！可以日日都咁講嗎？KEKEKE
上到去IVY老師到就自己著圍裙、拎畫簿、飲水、等
仲好醒目聽到老師一開門就彈起身。。。。。。。
登登。今堂係畫~BABABABABABA...im loving it
祖祖B對自己畫既畫好有滿足感
每次一落堂都係面帶笑容好大聲咁叫我睇下
仲好開心咁話老師比貼紙佢
可能成日都見到家姐畫畫啦？！比感染，HAHA
咁你地都一齊加油畫喇～
希望你地既人生都會一樣充滿色彩
LOVE YOU 2 SOOO MUCH！！！
天氣真係差，一時熱到溶，一時落雨又唔停
呢幾日都熱得好緊要，無咩地方去玩
我地今晚就係屋企玩“西瓜”
首先阿祖B第一時間就拎起鼓棒用力『打』落去
真係以為自己好似一個搖滾歌手一樣咁
打到個西瓜都爆開左少少TIM，快D切左佢算
咁我地當然係鬥快食晒佢地落肚啦
食完仲一齊用西瓜皮洗手洗面洗埋腳啦
豬米燑開頭以為MAMI整古佢，HAHA
之後見到阿祖都用黎玩就試下囉
呼～～～ 夏天＋西瓜真係VERY COOL！！！
不過聽其他媽媽講呢，女仔唔好食咁多涼既生果
咁我地都一星期食1～2次好喇，少食多滋味呢
一直以黎細佬跟家姐去畫畫班都會好想入去參與
終於都等到可以試堂喇，係IVY老師比阿祖試既
本身覺得祖B既性格坐唔定同比較“痴”身啦
開頭都驚驚地佢會喊同扭計，HAHA
出門口既時候就同祖講：我地去畫畫喇
祖B：家姐畫畫呀？
MAMI：唔係呀，祖祖去畫嘛，你鐘唔鐘意丫？
祖B：UM！我畫畫呀！
一路都好開心，去到樓下都認得路
仲同看更叔叔講“係阿祖黎畫畫呀”
HAHA，上到去姐姐借左條圍裙比佢，係藍精靈黎咖
點知見到有個同學仔著住條『BABABA』就想同人換
好彩都無因為咁就扭計同喊姐
飲杯水就準備入課室喇～乖仔
入左去自己搵個位坐底，得3個小朋友上堂
完全無理我就自己同IVY老師講野。。。。。
咁MAMI就係出面得你啦～～～30分鐘，好安靜咁過左
一開門就聽到阿祖叫MAMI！以為咩事
之後IVY老師就係後面叫住話：幅畫呀，都未拎
阿祖超開心攬住張幅出黎話係佢自己畫既
仲有BEAR貼貼WOO～叻仔
D橫線捉住手畫左2條就開始識跟住畫
至於都圓形都OK，只係大隻左D囉
有一D係老師幫手掂住枝筆轉圈既
但老師話基本佢都肯試畫又會答問題，溝通到
咁就報名比祖祖試下啦～
以後星期三就要辛苦D行幾轉來來回回喇
而且下午就到小燑畫呢～
你地都鐘意畫畫真係好呀，其實畫都可以了解你地多D
豬米燑又係差不多開學前要『開筆』
所以細佬自然都要一樣啦，揀好左今日下午
太婆話等小朋友比心機讀書WOO，HAHA
因為都係尋日先講今日係好日子！所以臨急要準備
成日都失暈魚咁既MAMI差D唔記得買毛筆墨盒
小燑見到就梗係唔滿意啦，點解佢無份？！
傻燑呀，你細個都開左，點會少得你個分丫？！
之但係點會唔爭丫，咁等祖祖寫完先到你再寫囉
寫自己個名啦，都無話一定要寫D咩先OK
咁簡單寫3個字都要比MAMI鬧既？！
呢個小朋友竟然要望電視，話完唔夠3秒又偷望
咩事呀？咁遲D返學點算呀？？
竟然都要熄電視先可以順行完成。。。。激死
啍，一寫完叫你影張相都係望返電視囉
到底你想點呢？？套戲日日都睇幾次！
每日重重復復都係幾套卡通片都唔悶
仲有後面個樣嬲爆爆既豬米燑做咩？？？？
就係嬲點解仲未到佢開筆囉。。。哈哈
小氣豬。。。。。。。影張相咪比你畫囉
咁岩得咁橋聽日係祖B第一次去畫畫呢!
加油～～～～
阿YUI，生日快樂呀～～～～～～
一年又一年小燑都會畫一張咭送比阿YUI
今年識寫多左好多字喇
特別係經過畫母親節咭之後，連燑﹠祖都記得點寫
所以話呢，如果小燑有比心機出黎好快就識
只係阿YUI今日放工太夜唔可以一齊食蛋糕了
人大左要忙要做既事真係多左好多
MAMI要好好珍惜每個同你地慶祝既機會
同家人相處既機會～～～
愛媽媽當然唔只係今日既事啦，一年365日都要做的
做左人媽咪之後好似多左個日子順便慶祝下咁囉
一早我地就換衫出發去同太婆、“女麻”“女麻”飲茶
唉，BAPA又唔陪我地囉。。。真係可惡
不過都無損我地開心既心情既，HEHE
一出到黎等左一陣就有位飲茶喇～呼，上年等好耐呀
豬米燑就將畫左成日既MAMA咭送比大家
而MAMI就又忘記左帶D小小禮物出去比各位母親大人
“女麻”“女麻”同細舅婆都話小朋友大左就唔陪MAMA喇
所以表叔表姨呀，同埋叔叔都唔出黎飲茶
個個即刻順便叫呢2個小朋友仔大左都要愛MAMI
哈哈，當然啦，MAMI咁錫你地WOO，唔係唔比面呀？！
HAHAHAHHAHAHA～～
呢個衰仔同塊片放上個頭都話係HAT！！
走既時候係門口見到呢到小燑話要影相
好靚呀D羊仔～～
連祖祖都唱起歌仔：BAA BAA BLACK SHEEP
多謝你地呀，MAMI雖然唔算係一個十分好既媽媽
但你地都咁愛我，又成日TUM我開心
又唔嫌我呢個咁惡既MAMI失驚無神發惡
希望我地永遠都可以做好好好朋友啦
MAMI會同你地分享快樂，分擔失落的
小燑！！阿祖！！！我愛你地啊～～～～～～
