幼稚園生日會

清晨6點～MAMI訓唔著呀
冷氣好似壞壞地，吹熱風既！
MAMI發覺背脊好似有一團火？？
摸下原來係小燑。。OH，發燒中
即刻比退燒藥你食，然後飲奶再訓
本身仲擔心緊係咪要請假呢？？
但1個鐘之後你就無事了！GOOD
比小燑休息多D，8點先起身啦
話晒都係第一次參加學校生日會嘛
如果可以的話當然都想一齊開心啦
何況，9月份生日會，豬米燑都有份呢
星期五仲係學校圖書日可以借書
以後每個星期五都要早D返學呀


開完生日會LU，小燑豬超級開心呀
因為有禮物收～好可愛既“雨傘”
真係岩，呢個小朋友特別愛玩遮的
屋企都有4把佢自己既遮，再多一把啦

真係遮不離手呀，一出門口就話好曬呀
連MAMI想睇下都話返到屋企先啦
一路傾計、一路行返屋企
小燑話：我食左好多蝦條同COCO力餅
仲有MANGO PAPAYA CAKE
吓？？？PAPAYA CAKE？咁奇怪？
MAMI明明提你，咳唔好食咁多甜野？
唉。。。美食當前又點會記得丫

MAMI問小燑可唔可以送左把遮比我？
小燑話：你第時細個問老師叫佢送比你啦
幾時係第時再變細呀？？
UMM～你唔會細喇？咁老師唔會送比你囉
小燑就話：咁不如我同你一齊用喇～
呼，都算你啦，肯同MAMI SHARE

豬米燑話老師讚佢對鞋仔好靚呀
MAMI即刻問：有無話係MAMI整咖？
“有呀，我話MAMI自己整比我嘛！”
哈哈，估唔到除左小燑仲有人欣賞呢
夜晚無野做小燑就陪祖祖玩遊戲
祖B就睇到好開心喇，笑到KAKA聲
小燑問：祖祖你估下邊隻手有毛毛？
祖祖就會話：MAMAMAMAMA！
其實細佬你到底笑咩呢？？哈哈哈

之後家姐再教細佬分顏色
RED、YELLOW、GREEN、PURPLE。。。
祖B你要專心D啦！咪成日掛住食
而家祖祖最叻就係指BEAR
一問：WHERE IS THE BEAR？就會自己搵喇

WE R 哨街精？

每日返學都聽到既問題
“點解你地連D頭髮都滴水既？”
係囉，到底點解呢？？咁熱既。。。
MAMI同小燑每日去到學校都係水人咁
有時都幾尷尬，哈哈
無論坐車、學校姨姨、老師都係問
出面好熱呀？點解咁熱咖？？
其實唔係好熱咋，我地D汗太多
開心星期四，因為小燑又可以行街
食飽飽就去畫畫喇～YEAH
等小燑既半個鐘真係好～好舒服
一個人坐下、發下呆、休息下
今日畫花～係MAMI最愛太陽花
放左學行一陣就返屋企訓覺LU
然後就比小燑懶一日唔做功課啦
點知夜晚舅公話出街食晚飯
哇，2個豬仔即刻好開心
無錯！就連祖B都知道去街
換衫就後就係咁彈要人抱！驚唔帶佢
比婆婆同舅公話：你3個都係哨街精
係囉？我地真係好鐘意行街咖
今晚小燑醉了～偷食醉雞之過
成晚講野超大聲，又係咁笑？
係床LOOK左2個鐘先訓！HELP

功課

呢幾日都KEEP住有功課了
幼稚園既功課都係想多D親子下
畫下點點、油下顏色、CUP下印仔
小燑好叻呀，唔洗MAMI捉住手做
K.1，可以溫習返以前學既野
所以返PLAYGROUP都好
慢慢學下，而家就會輕輕鬆鬆啦
當然MAMI都會陪住小燑做功課
開始比你試寫下數目字
1、2、3！都幾難～因為要轉彎
丫，但小燑識寫個A字喇
A FOR APPLE！
原來仲係學A＝APPLE
以為呢個年代會係ALLIGATOR
至於中文字咁深，遲D先啦
而家仲KEEP住返中文堂
本身想停一停，比MAMI抖抖
點知小燑話：好鐘意同姐姐玩呀
返學最緊要係開心
既然你鐘意～又學到字，梗係OK啦
MAMI就當行多D路減肥吧

浴照

遠遠聽到MAMI唱歌都會笑的祖B
由其聽到TAKE A SHOWER歌
每次都會手舞足蹈咁係到彈
然後舉起雙手要抱
唔經唔覺首歌都唱左差不多3年了
第一次幫小燑洗白白既時候作咖
諗起都好笑，笨手笨腳咁
MAMI同BAPA真係第一次幫BB沖涼
而家MAMI就變左熟手技工喇
祖祖豬真係好鐘意玩水的
特別呢排家姐多數都陪埋一齊沖
唔只有MAMI既SHOWER歌
還有小燑豬既每日一歌
當然阿祖仔愛聽家姐既多D啦
開始對著衫有少少意識
會遞下手，會伸下手
可能少幫祖祖著褲，哈哈
所以間唔中著褲個時都會喊
大個仔喇，開始要著褲出街呢～

中秋親子勞作*小白兔燈籠DIY

幼稚園的第一個勞作就係燈籠
廢物利用呀，屋企最多垃圾！岩晒
小燑一早就同波仔去左踩單車
MAMI同細佬就係到準備材料啦
題目係掛既、環保、親子、燈籠
1個膠樽   1個鞋盒   幾張畫完既紙
大堆什物（全部都係舊左既玩具）
仲有平時MAMI整CARD用既淨餘物資

祖B根本係到破壞，倒晒我D野係床同地
不過發現佢好鐘意玩膠樽WOO
可以試下比D野佢入樽仔呢

比D紙小燑畫眼睛
然後MAMI就整個兔仔殼
其實都好唔穩陣的，哈哈
好快就完成了～都幾可愛吧！

個蝴蝶係咪好熟口面呢？？
就係小燑對舊鞋跌出黎個隻喇
所以呢隻小兔係女仔黎咖

搵下又比MAMI搵到舊燈籠既燈WOO
加左比小兔，好有生命呀，哈哈
豬米燑聽到首歌仔就認得呢枝燈
“點解你用左ANGRY BIRD燈籠D燈呀？”
OH，交加完功課咪幫你整返入去囉
祖B都好有興趣！扯佢條TIE

MAMI就十分滿意喇，你呢？？
岩岩好同祖祖一樣高的
呢隻小兔將會陪我地過中秋的

祖B，你想食咩月餅呀？？？

婆婆之牛一

都忘了有多少年？8年？10年？
未曾試過跟婆婆一齊慶祝生日
HAPPY BIRTHDAY TO 婆婆
去左食上海野，味道麻麻地
但最緊要食得開心嘛

祖B訓左覺，影相得背影

MAMI好似又肥左好多咁既？

阿YUI個樣變左既？咁惡咖

祖祖豬好得意咖，每次訓覺都要摸住D野
有時係街幾眼訓都唔肯訓
MAMI一開遮，祖B捉住好快會訓ZZZZZ
拿～又係抓住條木就會訓喇

唯一一張食物相，抱住祖祖無機會影呀
阿YUI出奇地食左一舊DUCK
愛鴨之人竟然吃了鴨？？？吓？？？
食飽飽LU

行左一陣書局就回家了
還有意外收鑊的過期生日禮物
阿YUI送比MAMI的，謝啦

CHECK POINT@9月

上星期先睇完醫生，今日又黎
小燑成日都唔舒服
唉。。。又氣管炎了
睇完醫生，戒口，禁甜！！！

呢對鞋小燑好鐘意的
不過隻蝴蝶爛左呀！想補返。。好難
MAMI既技術係絕對無可能的
回想下上一次用針線係2年前啦
幫BAPA補褲袋，著左3日又穿左
經過幾次失敗之後BAPA既褲都係去比人整
今日MAMI行過見到有小白兔既公仔
好似好容易整WOO
因為後面係魔術貼，縫幾下就OK
幾針。。。。。。。。整左半個鐘

不過好靚呀，新既一樣
小燑見到不知幾開心呢～
估下祖B係到做咩？？？
成條蟲蟲咁，佢識爬起身了
呢張梳化好危險喇

終於識企呢
差D碌左落地呀～
以後都唔可以放佢係到一個B了