我地出發廸士尼LU，YEAH
接左小燑放學～食飽飽～GO！！
第一次去DISNEYLAND呢，好緊張呀
終於都有機會坐下呢架MICKEY車車了
一落車就梗係搵下點去CHECK IN 先啦
D行李真係十分重呢～
入到去都3點了！快快去酒店放底D行李先
都好方便～有巴士去，仲唔洗點等的
HIHI～我地到左喇！
小燑第一時間就係搵野玩，畫畫囉
間房都無咩特別！所以無影相WOO
因為唔係公主，SO？小燑都無興趣
其實MAMI見到張床好想訓一陣咖
房入面最靚就係呢塊鏡了。。。。
祖祖話唔要同BAPA影相呀！！！
坐返車出去後～第一件事就係食
估唔到D野係咁難食的。。哈哈
BAPA因為忙住做野無食LUNCH
如果唔係咁肚餓應該食唔落的＞V＜
食到一半祖B突然醒一醒，食左2啖
再飲D汽水又訓過。。。。正為食豬
不過見到好多麻雀係身邊飛下飛下
原來佢地係到等食咖！一D都唔怕人
望到隔離檯D人一起身就有十幾隻雀爭食
哇，小燑即刻話飽囉。。。想餵雀嘛
D雀真係好可愛呢～行得好近呀
我地第一樣玩既野係“木馬”
亦都係MAMI唯一玩過既野囉，哈哈
細佬成日都掛住訓。。。。唉
但係見到小燑玩MAMI一樣咁開心啦
同BAPA坐左小飛象
豬米燑話飛得太高好驚WOO～
下次再去既時候MAMI再陪你坐丫
呢個SHOW好好睇呀
連祖B都好開心係到拍手仔
小燑仲一齊唱歌呢
最開心真係見到你地2個笑。。HEHE
＊＊＊＊＊＊＊＊＊＊＊＊＊＊＊＊＊＊
最後去左WINDOW SHOPPING
沿途好多人都送貼紙比我地呀
因為個個都叫我的小王子做小公主
其實MAMI唔知你邊到似公主呢？
BAPA同MAMI都唔想解釋，就做1日公主啦
唔經唔覺就7點了～買埋棉花糖
等睇煙花啦！！
祖祖又係訓左覺，激死～
小燑睇一睇又話好光呀，隻眼好痛
算了，返酒店換衫食晚餐啦
平時都無機會著既MINNIE裙呀
小燑﹠祖B的兒童餐。。。。超難食
祖祖唔肯食WOO，要食MAMI碗麵
好多人都話細佬好似MAMI
係咩？？？小燑細個都似咖
大左先似左BAPA姐嘛
MAMI仲係腸胃炎唔食得BUFFET呀
唯有一齊食麵囉
食飽就去行下個泳池，HAHA
小燑話唔想游水WOO～奇怪
出去散散步～呢到好黑呀
祖B成日都十分唔合作啊～
影相唔望鏡頭
BAPA同祖B最似既地方就係個TUMMY啦
行返酒店LU，又要去睇玩具。。。唉。。。
祖B帶左呢頂帽有無幾分似男仔呀？
好襯小燑套衫呀～不過屋企都有隻細既
而且唔想增加什物，哈哈～試下好喇
呢個小朋友又點會空手而回丫
最終比佢發現呢部機
又話好想要WOO！你知係咩黎嗎？？？
都未準備好就比小燑整左LU。。。
上到房就掉底左喇。。。無聊豬
OK，沖涼訓覺啦～
明天待續*＊＊＊＊＊＊＊＊＊＊＊＊＊＊＊
HELP，MAMI條腸好痛好痛呀
原來上次既腸胃炎未好返的
成晚都發燒加肚屙，真係慘
終於捱到天光就去睇醫生啦
醫生開門既時候小燑都並不多跳舞
唯有等埋送左燑燑去先啦。。。
貪方便睇個近既醫生啦
點知。。。。好似好信唔過咁既？
上次既醫生話餵奶MAMA唔食得止屙藥
但今次竟然有比止屙藥既呢？？
為左安全都係唔敢食LU
而且D病菌梗係整走佢好啦！！！
唉。。。。好痛苦呀
最安慰係小燑見我咁辛苦
會自動叫BAPA起身拎杯水比MAMI
啍，BAPA你睇下個女幾乖乖呀！
連祖B都唔扭計要MAMI抱呀
可能見到點解MAMI個樣咁恐佈呢？
只要知道係家姐要佢做既就無問題喇
本來婆婆放左祖B係知籃到就喊
之後家姐叫佢影相就即刻無事
祖祖真係好聽話的
而且祖B叫得最多既唔係MAMI
唔係BAPA、唔係婆婆同食MUM MUM
係“家 姐”
講得十分之準咖！“家。。。。姐”
雖然家姐蝦你既時間係多D
不過講到底都好愛細佬既
有咩食都會塞D入細佬個口到
哈哈，都係MAMI最擔心既一樣野
怕你唔知比左D咩佢食
終於。。。都再見到祖祖既笑容了
十幾日來都係喊同扭計
今日真係見到祖B笑LU
MAMI真係開心過執到金呀
每日都擔心擔心再擔心
家姐又開始唔舒服了
照顧小朋友真係十分頭痛呢
睇少一眼都會有事咖
哎喲，你地放過MAMI啦
比D時間MAMI抖下？
幾日假期後第一日返學
真係同小燑博鬥左一輪先起身
今日MAMI罰豬米燑抆耳仔
其實抆耳仔對小燑黎講都咩無作用
MAMI都知小朋友一定會百厭的
只係太過份先會STOP你
近排覺得小燑愈來愈惡
咁當然MAMI都有影響到你既
所以呢排唔再鬧你同罰囉
點知夜晚豬米燑係床到跳
跳呀跳呀，跳到跌左落地仲撞頭
MAMI問你做咩會跌？？
點知小燑話係細佬推到佢
再問都係話比細佬整到
MAMI都知你驚鬧
但。。。小朋友唔可以學講大話咖
好彩最後你都話自己曳，跳到跌
有時MAMI真係太惡既，HAHA
記得要同細佬相親相愛呀
又黎喇，祖B又睇醫生了
唔知咩事一早開始就喊
一掂到佢隻耳就好似好痛咁既？
睇左個奇怪醫生。。。發神經
一堆無理頭既對話後
醫生問MAMI：你想佢食咩藥？定係我唔開新藥比佢？
OH MY GOD。。。我真係唔知呀！
最後醫生話都係唔好咁多藥喇！比枝退燒藥你啦
＄250一枝退燒藥？？！！？
而且MAMI都唔覺得安心左
觀察一下吧
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
公公放假我地屋企可以油下油啦
哇。。諗下都差不多10年前了
之後推開個櫃見到小燑既長高圖
進度十分之慢，哎喲。。。。
而家36MONTHS 了
同7個月之前都唔係差好遠
呢幾日每日都係到油油
日日都沖幾次涼
成頭都係白色～尋日仲跌左落桶油到呢
成個PAT PAT 都係綠色囉小姐
到左夜晚比小燑發現新玩意
剷地。。。。
係幾乖既，會幫手做野
但係幫你沖涼既時間仲多呢
我地一家四口都病了
輪到MAMI起身發燒、又屙又嘔
最後BAPA帶左MAMI去睇醫生
真係好痛苦呢～
醫生話好彩你無亂食藥
原來餵人奶既媽媽唔食得止屙藥
BB食左對腸唔好咖，會有影響
不過MAMI一向都唔敢亂食藥的
呢個醫生好細心咖，都幾好
問左好多野、好關心D病人！
OH，原來BAPA有藥物敏感咖
MAMI真係今日先知道的
BAPA唔食得“盤尼西林”？？
不過唔知食左會點呢
我地睇完醫生再慢慢行去食飯
丫。。。。。。。。原來
MAMI同BAPA好耐都無2個人行街了
哈哈，估唔到係2個病人散步呢。。。
