STAND UP!!

好野，祖祖B識企得好穩陣喇
仲可緣邊企～邊飲水！！叻呀
到底你幾時先識行呢？？？
發覺祖祖對行路都幾懶的～唔肯學行
可能我地抱得佢多？定係因為佢頭太重呢？
哈哈哈～不過都算係有進步的
每次佢自己企都會大叫一聲“UP”
然後右望望～左望望。。。搵人拍手讚佢呀

呢2日開始都會搵野跟住行幾步
尋日婆婆就話見到祖祖B離手行左2步
真的嗎？？？期待可以跟你手拖手去街街呢

有LADY BUG呀

尋晚小燑成晚話有LADY BUG飛
仲不停喊同叫MAMI
攪到大家都訓唔到。。。所以
加上少少傷風，今日請假一天！！
2個係屋企真係累死MAMI
開始會爭野、鬧交、、、投訴同爭寵
唉～頭都痛

呢個阿祖個樣幾驚。。。
因為佢想倒亂嘛，比人見到咪呆左囉

小燑好有耐性係到畫畫
而家真係識畫好多野呀，BEAR都識畫
仲話大BEAR要有個BB抱住

無咩耐性既細佬走左去食餅
又係咁要餵家姐食。。阻住家姐畫畫
但係見到你咁錫家姐又好得意WOO
細佬對小燑既愛真係好奇妙！HAHA

1＋2～四圍遊

星期日又點可以由你地係屋企悶呢？？
又要返工既BAPA唔得閒陪我地
MAMI辛苦D都要帶你地RELAX下
天氣再凍都流晒汗既MAMI好WARM呀
抱一個拖一個～再一袋二袋咁
我地先去食個早餐然後去玩啦
祖祖呢個樣真係勁似女仔囉～LOVE。。。。

燑燑好開心呀，因為知道有得去冒險樂園
MAMI應承左只要乖乖食飽就可以去

睇下，笑得咁開心又有馬仔坐
即係小燑有聽話食飽飽啦
小朋友間中都要獎勵下的
而且或祖都識玩喇，知道住馬仔係好開心啦
而家一見到就指住話“要呀要呀”

然後玩到咁熱就梗係要去食返杯雪糕啦
連小燑先己都識講啦：係咪玩完就食得？
哈哈，食飽就玩、玩完就食？！
你地就正啦。。。。。。
跟住咁岩又見到顏色筆做緊示範WOO
我地之前買既蠟筆都幾好用
今次買埋呢SET木既顏色啦

而且真係好抵WOO～反而D畫筆就貴
一盒顏色先2XX，1枝畫筆就8X。。。。。

小燑好開心呀，佢真係好鐘意畫公仔的
祖祖都好比心機跟家姐學

吃吃、玩玩又一日

早晨呀～好凍呀，凍到小燑又病呢
點解佢咁容易病？？？
咪因為呢個懶訓豬成晚踢被囉

所以點解MAMI長期都唔夠訓？
經常都你精神？又成日都失眠？？？
一邊要同小燑張被打仗～
另一邊既細佬又要飲奶。。。。。HELP

你就梗係笑得落啦
難為MAMI呀，有時夜晚真係想用繩扎住你

細佬而家自認爬得好叻又好快
係檯底爬來爬去。。。。
但聽到幾下「砰砰」聲囉！你個頭無事呀？

祖B個樣真係超曳～
而且佢真係十分識咋嬌！
一鬧就嘟咀，嘟完咀就攬住你喊

由其係對住阿婆個時呀，仲唔比的影到你
HAHA。。。真係好識扮野咖

HIHI～今日有東華三院既攤位遊戲玩呀
咁岩我地經過就入去行個圈啦
由於仲未開始所以得呢個迷官可以行下

小燑一入去MAMI就搵唔到佢了
隔左一陣就見佢流住幾滴眼淚跑出黎

原來小燑驚。。。。
驚入左去出唔到黎呀
不過呢個迷官都真係幾多格呀！

後尾又心思思想玩既豬米燑
話只可以係旁邊坐下同彈下囉
呢到大人係唔入得呀，所以MAMI都陪唔到你

到差不多走既時候小燑就夠膽自己行左一個圈
好叻叻呀～玩完就走食LUNCH啦

估下小燑係到食咩？？？？
係一件好懷舊既糖蔥餅呀
MAMI細個都好鐘意食咖
小燑第一次試食呢個餅。。。覺得點呀？

入面D糖好好味呀
出面塊皮小燑話係紙。。唔食得
哈哈，連祖B都淨係食D糖

2隻傻B無訓晏覺個呆樣。。。
仲要聽多陣歌先肯熄燈訓覺
呢個畫面真係好溫馨哦
MAMI最鐘意望住你地睇DVD咖，HAHA
SWEET DREAM～～ BABIES

I LOVE YOU

小燑無啦啦話：
“MAMI，我真係好鐘意你呀”
真係聽到都飽晒啦。。。。。。
阿女～我都好愛你呀！！！！！

開心既校園生活～YEAH
返學2日今日又開生日會喇。。。好野
小朋友真係好幸福呢
放學又有一大袋禮物喇，燑燑最愛係“杯”
無論幾時一見到杯都無問可唔可以買！！
但係又唔見你飲多D水？？？
接小燑放學之後見佢唔知做咩事咁嬲
問佢係咪生日會食得唔夠飽？定係無蛋糕呀？
點知小燑話“同學仔唔同佢一齊玩”
OH。。。。唔怪得唔開心啦
其實小燑都幾怕羞，你要主動D先得咖嘛
所以MAMI成日都要你多D試下自己買野食、問人野

記得豬米燑細個真係唔怕生保，咩人都傾計
可能大個女左，所以斯文D？怕羞D？
而家既祖祖B都係唔怕死周圍叫人玩咖
尋日係街等過馬路時隔離個嬸嬸打“嘿CHI”
阿祖突然望住佢然後又大聲話：“嘿～～CHI”
之後大家對望左幾秒後阿祖就偷笑喇
哈哈，然後笑死個嬸嬸呀。。。。。。

祖祖著左家姐件公主褸真係勁似公主呀
之前D人話因為佢頭髮長所以似女仔？
而家剪短左好似更加似女仔囉？？
小燑話細佬個頭好靚
梗係啦，同你一樣如果話唔靚你咪都唔靚？

哎呀～痛呀

祖祖生日會之後有咩緊要事去做？？
之唔係去健康院打針囉！！HAHA
今日小燑又開始返學了，加油呀
MAMI仲以為你會唔知醒同扭計唔返？
完全無WOO，真係GOOD GIRL！！
BAPA、MAMI同祖祖一齊送家姐返學
然後就去同祖祖拮大脾仔喇。。。。。
好耐都無磅重，呢排又厭食既細佬有幾磅？
唉。。。得返9.66KG？？？

姑娘話由大碼多DD既肥BB變左細碼BB了
無計啦，我地阿祖想出牙仔囉
成個星期都唔肯食野，連奶都飲好少
MAMI都好擔心咖。。。不過無得迫既
唔通我倒D飯落你個口到咩。。。
見埋醫生，全部野都正常
左等右等都夠鐘接埋家姐放學LU
祖祖仲開始有少少發燒TIM
小燑次次BAPA係到都梗係要蝦BAPA抱既
都話小朋友好識搵對象黎配合自己啦
想食糖呀？？？搵阿婆囉
悶悶地想去行下SUPERMARKET？叫阿公啦
行到腳軟就梗係叫BAPA呢
MAMI？？？？無人SO你咪叫MAMI囉，HAHA
萬能既MAMI只要你乖就萬樣事都OK咖啦！

2013的第一天

YEAH～又到左新一年既第一日喇
好開心依然有2個小寶貝陪伴既每一天
本來打算去玩一日最後都因為小燑病病地取消
不過應承左小朋友去玩又點可以講得佢聽
第一個假期！我地就去食返個午餐啦
其實帶住2個小朋友真係去邊都一樣
最緊要係方便我地推BB車就OK了
應該係去邊都係咁開心嘛，HAHA
小燑既新髮型真係好襯佢

即刻變返BB樣，好好好好可愛呀
當然曳個時一樣都係咁麻煩啦
仲有，惡個陣一樣都係咁惡

行下街、影下相、食下野就一日了
早D訓，準備明天返學啦
好唔捨得小燑要返學呀
HAHA，傻MAMI係3個鐘都要掛住咖
好啦，今年希望比從前更快樂
HAPPY 2013！！！！