龍舟節@2013

ROW ROW ROW YOUR BOAT。。。。
祖B今日睇龍舟比賽時唱左一句歌仔，HAHA
一早就食婆婆同太婆包既粽先～

食到MAMI全日都好滯咁～可能食得太多
小燑同祖B都唔太鐘意食所以MAMI食晒一隻
BAPA今日要返工所以都無一齊食粽
夜晚我地就一齊去同“女麻”“女麻”佢地食飯

祖B超怕羞～成日DUM底頭同人揮揮手HELLO
摸下佢都即刻PA係MAMI到囉，有無咁驚呀？

家姐真係叻左好多，又同大家傾計
自己食飽飽飽就坐定定畫畫
真係好有心機畫左5幅畫送比人咖

壽包，YUMMY～
阿祖食左一個。。。。真係西利呀

BAPA婆婆～好可愛呢～

今日祖祖豬都好乖食飽無扭計四圍去
可能人多既關係唔敢曳啦

走喇。。。係街上遇到一個小弟弟
祖祖同佢SAY HELLO既時候弟弟打佢隻手
HAHA，以為祖B一係喊～一係會還手
點知佢只係呆左企係到再HELLO一次
弟弟唔知做咩又再拍佢同推開祖祖豬呢
我地諗住走既時候弟弟仲“MEET”佢隻眼
今次阿祖終於都喊喇～走黎要MAMI抱
祖豬話：MA，痛呀～～～（嗚嗚）BB曳曳
睇見你呢個樣真係好好笑呀傻豬
當然仲要用龍舟水沖下身啦
係阿YUI專程叫朋友帶比小燑同祖祖B咖
沖完要聽聽話話呀

睇鴨鴨

上完話劇我地就去街玩喇
呢幾堂老師既評語都OK，小燑有進步
『主動幫助其他同學』、『意見很有創意』。。。。
估唔到露比姐姐同小燑咁岩KEY呢
因為呢個女真係要睇人黎夾的。。。

首先約爺爺飲茶先～因為都好耐無見
祖B笑得幾開心，但呢個笑容KEEP左一秒就即喊
每次BAPA抱親佢都會喊同扭計的，真係煩

大個女左既燑燑開始肯同人接觸多D，會傾計
睇相先發現MAMI剪到你D頭髮好唔齊呀
有時間要幫你修一修先得，HAHA

好難得比BAPA抱住等爺爺可以影一張相
總算你都識合作，乖乖啦

小燑有時心情好就鐘意叫MAMI幫佢影相～

笑得幾開心～唔想影個時鬧都唔停呢
好啦，我地要快D出發去尖沙咀喇
應承左帶你地去睇鴨鴨，今日係LAST DAY了

千辛萬苦山長水遠。。。。黎到了
睇見你地個開心樣都抵返啦
親眼望見呢隻鴨真係好開心呀

鴨鴨可愛，MAMI既2個寶貝都好可愛
太多人了～我地唯有遠遠咁睇下啦

睇到唔願走。。。。係到企左十幾分鐘

BYE BYE喇～真係好想坐上隻鴨到呢，HAHA
之後行一陣街。。行下行下又見到龍貓呀
哇。。。。

小燑話想即刻返屋企睇龍貓
其實MAMI都有比你睇話咖，你唔記得姐嘛

如果呢隻龍貓有毛毛既話。。。。
HEHE，小燑一定攬到佢實呀

MAMI個樣好眼訓姐。。。。
無計啦，朝早9點行到而家喇

又忍唔住買左對鞋比豬米燑WOO

難得一聚

HOHOHO～～～～BAPA今日陪我地去送家姐合唱團
早排一直好忙，但呢排又遊閒少少就走去踢波既BAPA
知道太少陪你地所以連祖B都唔跟你啦
即刻抽返D時間出黎陪佢地囉
祖B已經唔肯單獨比BAPA抱了～
不過小朋友好快就會感受到邊個錫佢咖啦
BAPA你加油喇～
至於家姐仔呢！今日好叻女呀
我地3個靜靜係知窗到偷望你，HAHA
見到KAREN老師都開始教你地排位同動作
為黎緊既表演做準備啦
估唔到小燑咁細粒都企係後面一排WOO！
你地梗係唔識緊張啦，D家長好似仲興奮
HEHE，話晒都係第一次去表演嘛。。。。。

包粽了

今日BAPA同MAMI一齊帶左家姐去醫院
唔洗驚，只係想CHECK下隻手點解會有咁多粒粒
睇過幾個醫生都話無事OR唔知係咩
不如去醫院檢查清楚啦～
坐左2個鐘就攪掂，都幾快呀
醫生伯伯話應該都係“癬”。。唉。。。
咁真係有排煩，要戒口！唔好食D毒野
返屋企見到婆婆放到一兜一兜野做咩？
原來打算自己包定D粽過節呢
小燑雖然食過粽，但包就未試過囉
往年都係有太婆係大陸包左搵人帶返黎
所以婆婆今年都話試包一下粽WOO～HAHA
屋企有2隻倒蛋鬼邊會唔倒亂呢！！
MAMI由開始掃地掃到婆婆包完30隻粽
足足整左差不多3個鐘先完成～
放落煲到都8點幾啦，咁婆婆要等4個鐘先有得訓
UMM～聽日要拿拿聲試下味先得～

黑白寶貝

唔知幾時開始，MAMI都會盡量著幫你地襯返色出街
哈哈，好似感覺上更加似一家人嘛
每次一著D紅紅綠綠既衫就好明顯一黑一白喇

睇下阿祖白到發光～家姐黑蚊蚊既
比起以前，祖B實際上都黑左好多了
日日都跟住MAMI一齊出街曬～

2個係車一陣都要打交爭位坐既～
HAHA，得個樣既小燑真係好錫細佬咖
平時雖然成日都打打鬧鬧、咩都想爭一餐
最後都總會讓細佬，特別係MAMI唔係到既時候
家姐真係好比心機照顧到祖B咖～THANKS A LOT
當然祖豬都係十分之愛呢個傻家姐的
有時發夢都會叫住“KA 姐”然後爬起身摸下家姐先訓返
＞V＜真係SUPER WARM囉
MAMI有時好羨慕你地咖～

百厭豬真係咩都敢做，係車到見到有扭蛋機。。。
居然爬窗？？？？？？！！！！！
諗諗下，其實一望我地個頭就知道無可能會失散啦
唔知BAPA幾時會JOIN埋我地一樣留個草菇頭呢？
祖B可能再大D識講多D野就會唔肯再比MAMI剪頭髮
男仔大左就唔想再扮可愛喇～要MAN嘛

THE SOUND OF MUSIC

近排迷上睇THE SOUND OF MUSIC的2姐弟～
呢套戲係真係好睇既，間中拎出黎回味下都OK
不過呢幾日比小燑聽到MAMI都怕左囉
由朝播到黑，由黑又唱到朝。。。。
祖B每次睇到個PART有扯線公仔唱歌就會好驚
不過睇下睇下又聽下聽下都變左唔驚了
多數都係REPLAY個幾段唱歌既戲
重覆又重覆～每日都重重覆覆咁聽
家姐都識唱返D歌出黎喇～不過有D太深就未識
DO RE MI當然難佢唔到既！！
連祖B都可以唱到幾句囉～HAHA
小燑真係好西利WOO，百聽不厭
LUNCH、晚飯既時候必定都係播住呢隻DVD
公公話得明要買返一隻新既返黎屋企
因為隻碟都比你地聽到花晒囉～
HAHA。。。。。

6﹣1兒童節﹠合唱團糗事

超級熱呀～呢幾日原來係呢幾年最熱既日子
唔怪得知企係街到真係想溶囉
難為係戶外工作既公公了。。。真係曬到暈
呢個星期六難得阿YUI早起身陪我地出去LUNCH
加上約埋LITTLE MAMA要拎台灣手信比我地
一齊去食野真係好開心，人多D食野都多D
小燑真係差不多食左一碟意粉加甜品
祖祖就無食。。。佢真係一個只愛飯既BB
食飽MAMI帶小燑去合唱團練歌啦
點知個傻豬可能以為MAMI掉低佢同細佬佢地玩
所以一去到排隊就扭計大喊一場
左TUM右TUM都完全唔掂～
大熱天時先搵D咁既野搞呀大小姐
全身D汗不停流，又熱又煩呀！
足足喊左30分鐘先肯入去上堂
MAMI點會掉低豬米燑咖～真係傻瓜
係課室個窗到偷望入去見到小燑仲喊緊
後尾仲比老師調位要面向門坐自己冷靜一下先
有幾下好想帶小燑走的，不過唔可以心軟的
最後MAMI好忍心咁離開左學校LU
因為知道小燑一定好快又會好開心唱歌既
一來一回又走返去接細佬同LITTLE MAMA
從未試過流咁多汗呀。。。。覺得自己好臭呀
早D返到去又睇下個家姐仔，真係笑返啦
見到小燑係到跟住KAREN老師唱歌跳舞
UMM～～所以一定要放手比空間你地成長的
落堂之後梗係要TUM下個傻瓜啦
帶你去食最愛既“西多士”同食雪糕
然後祖B話要食飯。。。HAHA
好飽呀今日不停食～