我愛你

生病中的小燑～很可憐
失眠、脾氣差、發神經大叫。。。
唔想食，就連水都話飲唔到
MAMI都無覺好訓，又要照顧細佬
當然，唔夠訓既MAMI都好憫
小朋友病？真係3日瘦到得返條骨
塊面仲黃過MANGO！行路又跌跌下
唉～～真係十分擔心
終於忍唔住，係小燑訓晏覺既時候
MAMI攬實豬米燑流左幾滴眼淚。。
叫你要快D快D好返一齊食雪糕
小燑真係好懂事，拍拍MAMI隻手
話自己會乖乖飲水同食藥
然後望到小燑扁晒咀眼紅紅咁唔出聲
突然「嗚哇」一聲就喊得好慘了
哎呀，傻瓜！
真係無鬼用，仲要小燑為左MAMI喊
食藥後遺症係不斷流汗，一日沖3次涼
咪就係囉，所以都無晒精神了

係呀，MAMI其實好容易傷心，感動
少少事都可以流幾行眼淚
更加容易嬲，哈哈，被BAPA激嬲
喜怒哀樂也是因為小燑與阿祖
而家做左24小時ON DUTY既MAMA
梗會多左脾氣、又嚴厲左
小燑有時會拖住MAMI講：
“MAMI你好惡呀，我好驚呀”
雖然平時好遷就你地呀～
但教訓你地絕對唔會手下留情
事後總會好心痛為咩罰你
總知。。。MAMI愛你地呀

P.S:
係呀，阿祖的背影。係咪MAN左
第一次幫祖B剪頭髮呀
反而小燑滿月有剃頭髮，點解阿祖無？