起步

哇哇哇。。。。。
祖祖B終於都踏出佢既第一步了
每次親眼望見你地既每一個第一次都感動到喊
選擇左做24小時ON DUTY既MAMI真係無錯
雖然無左好多自由自在既偷懶時間
無左出糧後既大SHOPPING日
之但係就可以陪住你地經歷所有既第一次
1步～2步～3步～4。OH。。。跌低了
祖祖其實真係超為食，點解佢會突然行？？
佢一心就係想黎食MAMI手上既MUM MUM
呢一刻真係開心到攬住祖祖跳起呀
快D行啦，可以拖住MAMI隻手去街街
小燑同婆婆都開心到大叫呀
HAHA，家姐都真係好錫你咖～
有時家姐係成日都爭住拎你既野
只係因為小燑豬都會呷醋姐
而家MAMI多數都會扮睇唔到
2個就會開始扮喊又望下我，HAHA
最後家姐會讓比細佬，之後細佬又會比返小燑
小朋友既事，就等你地自己去解決啦～

小演員記～

早晨呀！GOOD MORNING！！！
祖祖B每朝起身第一件事就係～掀起個窗簾
假期都咁早起身。。。因為小燑去做話劇呀

好啦，快D刷牙換衫同家姐去街啦
我地一家4口除左BAPA之外都好耐無坐巴士了
應該都有一年？？？差不多1年呀
今日我地就要坐巴士喇！祖B第一次坐巴士好開心呀
真係成家都好似大鄉里咁
上車已經鬧BAPA唔應該比小燑打機
點知真係。。。。真係嘔呀
唉，小燑真係好咋呀！次次都係咁
不過係時候開始比你慢慢習慣下了
仲要咁慘嘔左少少去前面個叔叔到，真係SORRY
以為小燑會唔舒服就唔想去上堂TIM
點知一上到去又好開心WOO
呢個話劇班試堂黎咖，一心諗住試下咋
點知小燑話好鐘意又話要係到玩
不過我地都無即刻報名～仲走左去食野
同BAPA研究左好耐。。。都唔知讀唔讀好
最後小燑再經過樓下又話不如再返去玩
好啦，咁比你試下啦！
一黎可以學下大膽D～同多D小朋友相處下
因為上堂既時候老師叫小燑扮獅子叫
點知呢個傻瓜無反應。。。太怕羞
一出門口佢自己就原來咩都識扮
好啦，2月尾先開學，咁試下都好

走喇，去到巴士站撞到個好熟面口既叔叔
聽到佢同朋友講：呢個小朋友嘔呀～
原來係頭先唔小心嘔左落佢身個個呀，真係尷尬死
回家既路上一坐車都係呆呆下
好彩，好快就落得車啦
MAMI同BAPA全程係到搵野分散佢注意力
坐巴士真係好攰呢，HAHA

中國娃娃

YOHO～～終於都買左新年既衫了
行左好多間。。。都係最鐘意呢件貓貓
見小燑學校又開PARTY可以著返學
而且今年可以同細佬一齊著去拜年嘛
不過仲未搵到套岩祖祖B的。。。。

著住佢去廣探採太婆一定好可愛姐

畫作仔@小燑

OH～好似好耐都無影過小燑既畫
呢D都係近呢排既作品，有進步呀
佢而家識畫眼～有分男女既眼睛呢～HAHA

見到佢油顏色都有進步，唔再係亂油
除左做功課既時候囉。。。。激死MAMI
上次畫鱷魚咁岩MAMI入左課室坐一陣
聽到小燑同IVY老師傾計呀
又會話比老師知D水係RAINBOW咁樣所以咁多色
而且仲好八卦咖，成日都同話隔離個小朋友唔專心
其實你都唔專心啦，四圍望！！

雖然係短短半小時既畫畫堂～
但起碼真係小朋友自己親手畫咖～
唔知老師幾時會比你轉畫1個鐘既班呢？

吓。。。做咩喊呀？？？
因為呢個豬小燑扭計唔訓覺比MAMI趕左落床
有時真係好麻煩的，你唔訓！細佬又唔訓
呢排都攪亂左你地D午睡時間
日日都係床成個幾鐘先訓得著
要開始早返DD訓！夜晚先可以又早D訓啦
如果唔係MAMI真係小小私人既時間都無了

換回鄉證

唔經唔覺就3年啦？？？
檢查下回鄉CARD原來月底到期了
好彩記得睇下，過年要去廣州採下太婆呢
MAMI今日就同小燑去換證了
有時拖住你地2個出街真係好似做GYM咁
今日仲要拎一大袋野～又水、又餅又文件

不過又好ENJOY呢個時刻
左擁右抱。。。。實在好幸福呢

HAHA，你地個髮型真係好好笑。。。
可能因為都係出自MAMI手，所以有少少相似

而家換證真係麻煩好多～又要有相既CD。。。
又話眼要唔知分開幾多，唔可以笑得誇張

睇下，小燑個樣變左幾多？？？？？
真係好好好懷念呀，我估個個媽媽都一樣的
3個月大既小燑同3歲多既小燑～HAHA
整左一大輪，填好晒D野，身水身汗既時候
BAPA先黎搵我地囉。。。激死人！！！
快D帶我地去食飯吧啦。。。。。。

全部都係炸～又辣。。。小燑又唔多食肉
成餐飯都係到倒亂！唉！！！

呢到D野唔好食。。。最好味係D飯
不過又唔岩祖祖胃口，佢鐘意食硬飯
所以再去買杯雪糕比佢地食啦

點解突然多左個小朋友？？HAHA
係HOHO表哥呀！咁岩佢地都黎行街
撞到就一齊食杯雪糕先走LU～

仲有新年佈置WOO
好可愛呀～

都唔夠你地3個可愛啦～HAHA

 好似樣WOO～邊個先係大蕃薯呀？？

HAHA～豬米燑對佢真係情有獨鐘？？

轉返個好運先～～
小燑竟然知道今年係蛇年？？？？
讀左書既小朋友果然係厲害WOO，HAHA

童聲合唱團＠INTERVIEW

無跳芭蕾舞開始既星期六都係無所事事
多數都係帶住你地去一陣圖書館～
行一陣又食個LUNCH，再去公園
好啦，係時候搵返D興趣比小燑了
約左今日去面試：合唱團
呢個團好多人呀，差不多FULL晒
岩岩開多左一班之但係D時間就麻麻
之前約左3點半，但今朝又叫我地1點半到
去到又話原來老師要3點半先得閒見

家姐話肚餓，又費事返屋企再出黎
細佬都應該想食野，係咁話要“MUM MUM”

唯有去食下野等：小燑係都話要去呢到食
UMM～間餐廳D野幾好味呀。。。值得一食
不過掛住食，相又無影。。連餐廳名都唔記得
BAPA据牛扒，唔多食牛既MAMI都食左幾舊
哇。。。。祖祖一個人食左半碗海南雞飯呀
小燑都好勁差不多食晒碟三文魚意粉！
下次再黎要試下佢地既TEA SET！

食飽就精神晒啦，同小燑玩一陣RELAX下
HAHA。。。。今日曬下太陽啦！
2個都有少少感冒，殺下菌呀嘛

然後夠鐘INTERVIEW了
其實都係好簡單～唔喊、肯唱、跟動作
MAMI係門口見到小燑無咩問題就返屋企等
因為老師話要佢一個人留係到個半鐘呀
大概係咁上下啦。。。應該就OK了

YEAH。。小燑成功了
老師話佢第一堂就跟到老師既進度，GOOD
而且仲唔怕陌生人。。？！！
原來小燑駁咀呀，唉。。激死。。。。

不過老師話都算好乖了
多數小朋友試3次都唔收咖～
1次就PASS！GOOD呀，獎你一個叻啦！

小燑超級開心呀，因為佢好鐘意唱歌的
連落堂都唔願走呀。。。HAHA
係啦，最緊要你開心同鐘意嘛

CHECK POINT@1月2013

細佬好HAPPY～HAPPY

家姐好開心。。。。
最開心既就係MAMI
睇見你地既笑容真的很SWEET
而且MAMI好貪心！
希望可以對足一生一世都唔會嫌悶咖

HAHA，連食餅都覺的好好笑既傻祖呀

NICE TOO MEET YOU

自從家姐仔返學之後*＊＊＊MAMI多了幾個朋友仔

我地既話題當然係由小朋友開始傾起
講下病啦、食飯啦、功課啦、、、。。。。
當然而家變左朋友之後就講下心事囉
間中食下早餐順便比祖祖見多D小朋友
呢個光頭BB好可愛的
真係睇見都想咬啖佢塊面呀
佢地相差一個月。。。祖B係哥哥呀
1歲之後既祖祖突然好似大個左好多？？？？
無左個BB樣。。。同瘦左3磅。。。唉。。
而家成日都指住個咀話“哎喲，哎喲”
痛到食唔到野，又訓得唔好～
MAMI就好擔心呢，見你成日都無胃口

BB同BB之間係溝通到的
光頭弟弟一叫。。你就拎起盒餅比佢
HAHA，然後佢又好開心咁笑WOO
仲真係食左一粒星星餅呀
係咪真係識聽咖？？哈哈哈

牛一@祖B

HEHE，今日係祖祖的牛一呀
梗係要整返隻紅雞蛋啦
本來有6隻咖，點知比阿祖食左一隻

呢個衰豬，真係睇少眼都唔得呀
算啦，都係比你食既姐～身體健康

家姐好比心機幫細佬隻蛋加D公仔上去
呢份係小燑送比祖祖既一份小心意

咁岩小燑又識畫BEAR呀

都OK靚咖，HAHA～多謝家姐
阿祖即刻乘機錫左小燑一啖！哈哈

MAMI畫既～雖然整得唔係好靚！
係咁上下啦！無咩藝術細胞

我地今晚晚飯既時候每人一隻啦
阿祖唯有同MAMI一齊SHARE半隻了。。你個隻偷食左

叫你地拎隻蛋蛋影張相都攪到打架
又搶住自己拎～

最後小燑好嬲～2隻蛋一敲
OH。。。。。。撞傷左一邊面了

婆婆仲買左一件細細既蛋糕比祖祖B
2個小朋友食晒面頭D栗子就走左
MAMI同BAPA食D無CREAM既蛋糕。。。

祖祖B，祝你快高長大！！

BAPA既婆婆話要用紅雞蛋LOOK一LOOK呀
家姐話：阿祖，你要乖呀
HAHA。。。豬米燑，你都要乖呀！