小朋友演唱會

好啦，今日瘋狂地放縱一下吧
接小燑放學既時候遇見執粒清貨玩具鋪
竟然買左好多又大又阻地方既玩具囉
明明上個月清理左一堆唔要既野
MAMI自己又搵D野去買返黎玩？？
真係一堆未完一堆又黎LA
同埋澄澄一齊買完野之後返屋企食野
2個貪玩既媽咪一直都話想去卡啦OK
之後我地一行6個人去左唱歌仔呀
哈哈，係2個大人加2個小朋友﹠2BB
都有少少嚇親人！咁多細路仔WOO
然後呢個膽生毛既祖仔就跟左個姐姐走
仲比人地抱住～又勁開心咁行入房TIM
唉。。。。原來MAMI咁落後了
真係一首新歌都唔識唱，HAHA
一開始點左好多兒歌比佢地唱同玩
小燑好勁呀，識唱好多歌仔咖
祖祖係一邊拍晒手又跳舞咁～好有型姐
最叻係HEAD AND SHOULDER跟住唱“NOSE”

之後玩到悶就食MAMI準備定既一堆零食
到MAMI同澄澄媽唱左幾首古老歌
突然諗起小燑學校有首早操歌係『健康歌』
當然即刻點比2個小朋友聽啦
真係即刻跳晒舞又唱埋國語都掂哦
連續唱左十幾次都有。。。太煩喇，HAHA
但睇見你地又好開心WOO！仲話要下次再去

祖B都跳到好眼訓，咁嘈都訓著左～
丫，而家祖祖真係咩都認得
一行入個商場又係到叫“ICE”話要食雪糕
出左門口就知有波波又係到話：要丫波波呀～
真係比你煩死呀阿祖仔～