體育會PLAYGROUP＠2

YEAH，又可以同祖祖B去玩了
經過上一堂既努力、仲有係屋企都有練習
今日上堂劉老師點名之後祖B識舉手
然後見到老師點頭敬禮！佢都識跟住做
其實都算幾聽話既，最大問題係“波”
就係每次望到D玩具有波既時候就失控
點都要走去拎出黎～又坐唔定係到搵波玩
全堂最期待就係拋波介紹自己既時間，HAHA
呢個PLAYGROUP最好就係有動有靜
等小朋友可以慢慢比多D耐性出黎聽
玩遊戲要記得劉老師教要做咩，仲要學習排隊
開頭個2次都不停要去打尖～第3次就知道要等
老師話小朋友既世界係無“等”的
所以大家要比D心機、時間去教佢地
上一堂食茶點坐低只得2分鐘～今日都進步左
如果可以下個月一星期試下上兩堂
等祖祖可以多D同其他人玩下～學習下