第三次面試﹣晶晶

精神飽滿既早上～換返件靚衫去INTERVIEW 了
呢間幼稚園雖然遠，但環境都OK！
約左11點幾，大把時間同MAMI ﹠BAPA 嘆個早餐先
食飽飽仲可以慢慢坐車去
GOOD MORNING 老師！呢個小燑突然咁乖既？
咦？？仲會幫老師搬CHAIR 比MAMI 坐
丫～心情極佳既小燑竟然同老師傾計，有問必答WOO！
砌PUZZLE～睇書～讀生字～搵大，小～又問下小燑鐘意食咩
CARROT，LION，FISH，DOLPHIN......好彩都識!
老師仲讚你D唔正既英文叻？哈哈哈
最後問小燑最鐘意邊個呀？﹣﹣﹣﹣“BAPA”
啍＊＊＊MAMI 要呷醋呀!！可惡
但一出門口你又話最愛MAMI？名符其實擦鞋豬
講笑咋，小燑你要愛身邊所有既人哦！
成功考完了，又係一個星期考慮交唔交留位費
UMM。。。傷腦筋，真係唔識選擇
晚餐我地食雲吞呀！好耐都無試過自己包﹣﹣菠菜豬肉雲吞
豬米燑都幫手呢....真係坐定定陪MAMI 整好晒
不停問“燑燑係咪好叻呀？係咪好乖呀？係咪好靚呀？
YUMMY，連小燑都自己食左5隻呢！
MAMI 每次見到你食野都會有種莫名其妙既感動，HAHA
不經不覺原來你學會自己做好多小事了
可以照顧自己喇，真的長大了
HEHE，最開心你會每晚都要MAMI，你攬住我訓啦
MY SWEET GIRL CHERYL！！！

 

半空中的晚餐

又係好急咁忙了一天，連續成個星期都好多無謂既忙
明明今朝鬧鐘有響？？？差D遲到去畫畫呢
仲有小小時間，食返個早餐先豆漿加春卷！YUMMY
小燑B今日無喊WOO， 同老師講完MORNING 之後MAMI 就係出面等...
同D 媽媽傾下計，好快你就落堂了
“MAMI ， 你睇我畫CORN 呀”

幾靚啦，今日你有比心機畫，老師有比貼紙你，叻叻
應承你乖就帶你去抽一次扭蛋機，呢D野唔需要提你都會記得
即刻叫我去扭PANDA
整下呢樣，攪下個樣，夠鐘去同BAPA 食DINNER 喇
同小燑換返套靚衫先！！
一路行小燑都好開心，因為沿途都有人讚你靚嘛！浮誇....

係街邊見到有酒樓門口放左一盤東風螺？？小燑大叫話BAPA 最鐘意食
HAHA，原來係上個星期見到BAPA 食過既東風螺呀！！
OHOHOHOH～香港既高樓大廈太高了
只可以望到好多既燈，好多既樓！
而且都係坐入面，好難睇到有咩風景！

D野食都好普通既BBQ囉，不過豬米燑好開心





食飽飯又去行一陣街～BAPA 買衫衫比小燑B，再食甜品就返屋企了

HEY～我地又見面喇

呼，忙碌既一天

不經不覺今日係第6堂PLAYGROUP 了
比起之前2堂今日終於好少少，加油呀BB
一見到JACKO 老師就大喊，要走既時候又要GOODBYE KISS
哈哈，一時一樣
尋晚訓覺之前小燑話聽日想食燒賣同蛋
MAMI 唔會唔記得既
買2串燒賣同2包菊花茶去MONKEY E到坐下先
順便要買埋生祖BB要用既什物
好期待又緊張呢
然後BAPA 就同我地一齊去睇祖祖了
哇......今日係第32WEEKS
BB已經有2.3 KG 了，醫生話會比上一次可能會大少少
個頭仔有35 WEEKS 啦，仲有肚腩都34WEEKS 了
聽到既一刻真係驚～即刻問醫生會唔會好痛咖？
UMM，MAMI 仲懷疑預產期計錯左？哈哈
諗都無謂，就順其自然啦！！！

丫，呢個豬米燑愈來愈古惑
朝早我鬧你話燑燑已經唔再係BB了，係小朋友
要乖乖，做姐姐呢～～
食LUNCH 既時候叫你一聲BB你竟然問MAMI
“咩我仲係BB咩？我係小朋友WOO“
OKOK，你岩WOO
食DINNER又要叫公公餵一啖，BAPA 餵一啖
又要問人有無吹凍D，又話都係自己食，激死人
你乖乖食飯先會快高長大嘛！
想你食多D野真係頭痕呀

濕地公園一天遊

出發去濕地公園了，我地一家約埋RITA EE一屋人再加豬MAN EE
2011年的第一個秋季旅行
食早餐時遇到阻滯，延誤左我地既出發時間......
成團人都係第一次去既地方，安全到達了!
去到公園岩岩正午～哇!!!熱死了！好彩有室內既地方遊盪一陣
睇下魚～仲有CRoCODILE，MAMI 話愈行愈眼訓？？都差不多3點
食個超級豐富既TEA就開始﹣親親大自然！HAHA

咁多年，MAMI都係第一次咁近見到CROCODILE ”貝貝“呀！
唔知點解小燑今日好懶行路呢，次次唔推車你就要全程抱住？？作對嗎？
總算安慰，BB燑仲會話MAMI 好辛苦喇，BAPA 抱啦。
豬米燑對D昆蟲最有興趣但MAMI 就好怕了！！！
BAPA 好有心機咁陪小燑欣賞風景～實在難得
呢到實在太大了，有好多地方都只係隨便行一行
下次有機會一定要再帶豬米燑黎玩多一次

而且連小燑最想睇既BUTTERFLY 都未行到去
還有MAMI 想係草地上面滾一滾呢可以的話訓一覺應該會好RELAX吧！
UMM～～只限秋天，我諗我地全家咁怕熱既人夏天黎一定會暈呀!
5點就要走了，因為天都開始黑，住係入面既BIRDS 都要訓？？
TUNG TUNG BB ﹠ 小燑都訓著左了，做BB真幸福，話訓就訓！
然後我地食飯.....再食甜品......肚都脹晒!
雖然累到不似人型，但感覺很舒服呢：）
閒時散散步，都幾精神呢～
人都開心D

倒數60天：）

開始涼了，很舒服呢
特別我地呢D大肚MAMI，夏天真辛苦呀
而且小燑著冬天既衫又好可愛WOO！哈哈
呢D天氣岩晒最愛毛毛既小燑啦！！！

WOHO～還有60天，“祖”BB就出世了
咁岩今日要去醫院檢查，一切正常！只是MAMI 血糖高左少少少少。
我地就等你慢慢準備來到呢個溫暖的家吧
好緊張呀，雖然MAMI 都已經唔係第一次做MAMI
但都會怕的！尤其是感受過生BB的痛之後，怎能忘記呢
祖祖BB出世既野都執得七七八八了，仲差MAMI入醫院既未買
下個月就要開始洗衫～曬床鋪～煲奶樽～洗BB車～
呼.....有排忙呢.....

終於都比我等到有影樓相既PACKAGE 賣了
今次一定要影到MAMI 既大肚腩呀！！！哈哈
就睇下BAPA 幾時得閒帶我地去影靚相啦
小燑咁大個女都只係影過一次做記念
今次會行會跳了，應該會容易影D啦
好掛住燑燑的BB年代呢........

下雨天的青蛙

落雨同小燑出街真係特別艱苦，加埋肚入面的祖BB
MAMI真係差D命都無，HAHA
到底咩原因小燑近來上堂會咁扭計呢？？？
之前既進展都OK的，但呢2個星期都控制唔到你喊
但每次你落堂都會好開心咁抱住幅畫比MAMI 睇
就算上PLAYGROUP 都一樣放學就唔捨得走？？
真係上堂前﹣﹣﹣上堂後，奇怪的小燑！！
問小燑係咪唔鐘意畫畫喇？？
你又係咁搖頭話鐘意畫畫，好好玩既
問你係咪驚？你又話唔係
UMM。。。小朋友既心情真難理解
老師同你地畫FROG！好MATCH 今日既天氣
既然咁開心，下次唔好再做喊包喇

迎冬

HAPPY SUNDAY又到喇，BAPA 陪我地行街
一連幾日都玩到DIN 左，近近地今日去屯門啦
到站之後，小燑一見到推雪糕車既伯伯就大叫了
“MAMI，你可唔可以請我食ICE﹣CREAM 呢？我無咳咳呀!”
無問題啦，你聽話就可以了！
而家既小燑要求愈來愈多，我....想著裙，想食包包，想飲COKE
MAMI我想去波波池～想返學～想聽歌先訓～想去公園～想釣魚.....
想。。。你真的很多“想”！
去食野又自己叫野飲，成日叫”唔該LEMON TEA 丫“
仲懶乖話MAMI 最鐘意LEMON TEA！HAHA，係呀,唔該燑燑
然後.....見到一對好靚既毛毛BOOT 呀
BAPA 話送比你呢，咁過年就有新鞋喇
再比MAMI 見到條好襯你對新鞋既褲仔呢！！點可以唔買呢

今年新年MAMI 要被困係屋企啦，計計下原來祖BB係新年出世
屋企應該會好熱鬧啦，到時可能好多人黎探我地嗎？？？
明天公公就會由台灣回家了，我地又開始過返D煮婦生活
小燑竟然叫MAMI 加油加油加油油？！！！
OK～我會喇～