Ti Amo

今日第一次得我地3個留在家中，好難攪呢～

真係想去廁所都要搵岩時間呀

好彩小燑都知道MAMI辛苦，幫手同細佬沖涼

真係唔該晒，然後小燑再自己沖埋，呼，乖！！！
最勁既係居然可以煮到飯TIM！真係一頭煙呀
難以想像下個月阿婆要返工既日子係會點
希望你地兩個比少少面，聽聽話話就好了
登登登登～～～～
情人節又到了，其實小燑同阿祖仔都係MAMI既情人
你估，第時你地仲會當MAMI係你們的情人嗎？
HAHA，HOPE SO
簡簡單單，食飽飯切一個蛋糕吧

Ti AMO小燑學識左同MAMI講TI AMO
之後就問我點解喇，點解要成日講住TI AMO 呢？
HAHA！I LOVE YOU 嘛，MAMI都係睇電視學既

遊山玩水＠屯門

天氣咁好，難得婆婆又係到！我地去行下公園啦
丫，去呢個公園仲方便，一落車就到
一行入去就有一個好大既湖了～
原來有好多人係到放船仔的
好悠閑呢，第時我地都買一隻細既黎玩下
家姐睇得好開心，我諗祖祖都會好鐘意～
小燑竟然叫我幫佢捉＠＠SORRY我唔識游水

呢個公園真係好大，我地三分一都未行完
婆婆帶左麵黎，我地係公園到野餐
食飽又再玩過！！哈哈

＊＊MAMI咁肥咁既？？？HAHA
聽到有歌聲，OH，有D公公婆婆唱歌

小燑當然聞歌起舞啦！
仲要阿婆幫佢影相，MAMI幫佢拍VIDEO
呼～行到MAMI腰都斷
之後夜晚就同阿爺食飯～

今日係爺爺第一次見細佬啦，好開心
仲帶左好多利是比小燑，係姑婆比咖
同小朋友出街食飯好麻煩的～
由其豬米燑咩都唔食！！除左食日本野之外

一返屋企就要阿婆煮麵？？

P。S！BAPA買了情人節禮物比MAMI了

THX
小燑話：Mami係Bapa個老婆嘛
HAHA！你識咩丫～傻豬～

土地公公誕

好熱鬧既一個晚上土地寶誕？？
尋晚開始都有D叔叔伯伯係到唱歌了～

食飽飯都帶左小燑同阿祖仔出去行個圈睇下
今晚先係正式的～哇。。。好好好多人呢
全個空地都放滿檯！食盆菜AND飲啤酒
仲有MAMI年代既歌星黎唱歌，HAHA
小燑十分高興呢，一邊笑、一邊跳舞

咁嘈既時候～細佬就訓到成隻豬咁
MAMI都有十幾年無黎睇了！
嘿～BAPA都係第一次聽呢D野

記得我地細個買既麵粉公仔糖：）
而家既糖係食得落肚咖，哈哈
公公買左一枝魚仔比豬米燑玩
MAMI連相都未影條魚就比你食左
返到屋企小燑連細佬隻白兔都食埋
為食鬼～

半個小燑

LALA，阿祖仔的頭愈來愈大！同家姐個頭差唔多
11磅幾～有半個小燑了～
個樣又ON居居，但又好鬼惡死！一餓就大叫
每晚同呢兩個大王訓到MAMI腰酸背痛
左擁左抱咪以為好舒服小燑好懶訓的
一個打橫、一個打直。。。MAMI就無得轉身
雖然BAPA係肥佬，但同BAPA訓都無咁迫呀
哈哈，打地鋪既BAPA反而最幸福啦
細佬仍然係成個黃面婆咁～點算
上次係街有個師奶教我戒2﹣3日人奶試下
食奶粉既BB會退黃快D，但又擔心你一停就唔食返
UMM～有D阿媽真係好偉大咁餵到BB食到2歲
你估MAMI可以堅持幾耐呢？
問題係要一邊控制自已既情緒、戒口、少飲凍野
唔可以減肥、最愛既魚生都要隔離
原來連菜都唔可以多食？個姨姨話食太多D奶會有草青味？
咁奇怪？？等我仲話牛都係食草！點解我要食咁多肉

畫BAT呀

揍住兩個煩BB真係日子都數唔清
差D唔記得今日要去畫畫呀
趕住上堂，路過報紙檔豬米燑話要買書？？
“熊豆豆與小學雞”，哈哈！睇開就要買嗎
每上一堂都有一個“STAMP”可以儲黎換小禮物
唔經唔覺上左15堂了？見人換小燑又換左枝筆
近呢2堂都好叻，自已入去畫畫～又唔會扭MAMI陪
仲識叫IVY 老師GOOD MORNING 呀
坐低左又會問老師今日畫咩
而且老師話而家小燑都開始會自已油下顏色
簡單既野都識畫下囉，唔似之前咩都怕
做左家姐真係大個女喇

今日畫BAT！平時係屋企出門條路有好多的

不過一直小燑都以為個D係BIRD BIRD，哈哈
有時好大群蝙蝠係上面飛都幾嚇人的
放學經過賣零食既鋪頭比你見到尋日睇書話想食既糖
HAHA，咁你都記得，就買比你囉～

人山人海的零晨

天未光～BAPA就爬左起身今朝特別凍呢。。。
換衫、拎住2張小燑既相。。。6點半就出發！！
WOO，BAPA話勁多人呀好似有錢派一樣，HAHA
咁早去到都有3百幾人了！到最後應該有2千幾人嗎？？？
等咩？？咪等比錢買張紙囉，限賣1500份咋
＄30蚊＋排下隊＝一個INTERVIEW幼稚園既機會
17號又要帶小燑去做佢最怕既事：同陌生人傾計
原來而家小朋友讀書都幾辛苦～連阿BA阿MA都辛苦
其實都係排下、試下囉！因為小燑都報左一間幼稚園了
MAMI都話過小朋友返學最緊要開心、唱歌、玩下就一日啦

應承左帶你去公園玩，BAPA又忙，唔好係屋企阻住佢LU
同祖祖去曬下太陽＋順便同婆婆行下街囉
玩到餓小燑話要食麵。。岩喇，細佬都夠鐘飲奶
行到半路比你記起食SUSHI，HAHA
同MAMI一樣鐘意食日本野？？

次次都比你食晒D蟹籽既！！可惡～～～
小燑係超愛食 “腥”野既怪人。。。。有D連我同BAPA都頂唔順

之後行下商場，呢個8妹竟然同阿婆講：
“我好鐘意MAMI帶我行呢到咖”
梗係啦，呢到多野玩嘛！
小燑又買左衫。。。。吓？又話唔好買衫比你既？？

最佳廣告：）

2012最佳廣告﹣﹣﹣“我愛媽媽”
HAHA，呢個奶粉廣告真係好～
而家小燑無時無刻都會跑黎攬住MAMI講“我愛媽媽！
總知電視一播，做緊咩都唔理就要愛左MAMI先啦
I LOVE YOU TOO！！！
今日好奔波咁，又去覆診、細佬又要抽血
天氣又熱！又話唔吹得風。。。攞命咩？？
MAMI依然選擇唔食藥。。。。其實都OK的
只要自已會放鬆就無問題啦
”睇見阿祖仔抽血就心痛死，不過照佢個樣應該唔多痛

估唔到兩個BB仲叻過MAMI
生左BB之後～MAMI都再無勇氣去自行驗血糖了，哈哈
開頭諗住唔好浪費淨返好多驗血紙！CHECK 下無仿嘛
點知拎起枝針成晚都無膽拮落去。。。。。。。。
攪左成朝，12點幾先離開醫院
臨走要見醫生，因為我地擔心阿祖仔個頭點解會咁大隻？
問一問醫生～原來...............
“阿MAMI你個頭都咁大，小朋友似你囉!”
OH。。。。IC。。。。咁由佢啦
VERY NICE 既醫生仲度一度MAMI個頭！
丫，真係比正常既大DD既＠＠