工展會@2011

難得有時間，同MAMI、婆婆&姨婆一齊去維園行個圈～
工展會？小燑只知道又係食野既時候囉
第一次同大鄉里小燑去維園！一見到噴水池就大叫啦
哇哇哇，MAMI呀，好靚呀...D水！
又唔敢自己企定影相呢，無膽鬼，成日都係得把聲囉！
一入去就試飲左一啖燕窩....然後就失控了
不停叫姨姨再比你飲，就連MAMI 同婆婆個杯都飲埋啦
仲要臨走再加一大杯？哈哈，小燑都幾識食WOO
點好意思唔幫襯呢？埋單1000大元你真係食先好呀大佬B～
MAMI 同小燑搵到個位坐低幫手看管行李，唔洗行又有野食
每次出街都好似餓左幾日既小燑～又話要食魚旦，又話要燒賣...
丫，又真係比你食得晒先勁！坐坐下又有個阿姨請你飲汽水，哈哈！
食到飽，BAPA 黎接我地了，要陪MAMI 去見營養師。
由聽日起的一連四日就要節食了﹣直到星期二入院驗一日血糖
唔講唔知，平時以為健康既食物都唔岩WOO
1個火龍果＝4個橙既果糖？？？＊＊小燑最愛的火果果要少食一點了
1／3磚豆腐＝1安士肉？？？？都好多蛋白質WOO
粉絲、粟米、紅蘿白都係高醣既食物？
好多人以為汽水係最多糖，OHOH，原來維他奶都超甜的
80碗豬骨湯先＝1杯高鈣奶，飲豆漿係無營養....
其實都有好多選擇的，只係要少糖同調味料～基本上都好容易
最難都係﹣﹣﹣﹣NO LEMON TEA ANYMORE
小燑都要陪MAMI 禁飲一段時間了，呵呵呵