閒日～

小燑今日飲茶，約左好耐無見既表姨媽
WOHO～第一次食芒果布甸呢！
食到一半就話好飽了，MAMI 就幫你食埋啦，點知有玻璃碎呀！
好彩唔係小燑食到囉～真係不幸之中既大幸~不過MAMI 都驚左好耐。
問左你好多好多次有無唔小心食左少少玻璃呀？
豬米燑竟然話玻璃唔係食既咁即係無吞到啦.....
由11點起身到食奶、早餐、飲茶....哇～小燑今日真係好飽！
點知6點又話食DINNER 呢？？？NON﹣STOP 咁消化
既然咁早食左晚餐，就同BAPA帶小燑去散下步啦
反正MAMI都需要飯後散下步，順便當KEEP FIT
邊減。。。。又邊加？？我地去左食糖水，HAHA
小燑扭計要食ICE﹣CREAM 嘛！MAMI就食左少少龍眼囉
食到一半，突然好大煙呀四圍D人都跑走
望見有架車噴煙既？有個姨姨大叫火燭，又話會爆炸
D煙真係好恐佈，小燑好驚呢，MAMI抱你行開D啦
之後小燑大叫BAPA快D走，有火會燒到咖
哈哈，一路食～一路驚！ 睇見你個蠢樣就好笑！仲學人話保護“祖祖細佬”
BEBU車係好耐之後出現....都唔知為左咩，但就嚇親小燑
不過原來小燑就算自己幾怕，都會叫MAMI ﹠BAPA 一齊走
放心啦傻瓜，MAMI 仲可以保護你咖
只不過，你都要學下照顧自己，HAHA