90CM的小燑

專程同小燑﹠阿祖去影相，點知。。。。
1：相機無電？明明CHARGE到變緣燈
點解開機又話人地無電呢？唔係壞左嘛？
2：電話張SD CARD又FULL到爆
DELETE一張又影一張～煩呀
MAMI唔捨得DELETE你地D相咖
係時候再買返張CARD啦
不過BAPA話想幫MAMI換新電話，HEHE
3：個彈彈床唔比入？要110CM呀
＊＊原來你只得90CM咋？？無長高
唉～小燑好失望～想喊。。。。。
我地11點去到了，點知原來開2點
行到2點就即刻跑落去啦
OH，有個EE先話要110CM先可以入去玩
小朋友又點會接受夠高先玩呢個原因呢？
所以最後我地咩相都無影，哈哈
其實暑假好多商場都有靚靚公仔影相
等BAPA忙完再帶你地去啦
極度失望之下唯有一杯自助雪糕舒援一下
最大得著反而係MAMI叫你食飯又多個理由
“小燑要食多D飯下次先可以去跳RAINBOW”
係囉。。。點解叫你食多啖飯都咁痛苦？
＊＊小燑愛食CARB，但原來唔愛食蟹膏～～

＊＊小燑話呢到D野唔好食～～～

好利害呀，行街行左6個鐘！腳斷開了。。。
BAPA都問我地同婆婆去左邊行左一日
幫豬米燑買左返學既白皮鞋同運動鞋了
每人一份禮物，SO HAPPY
人人有份、永不落空嘛

CHECK POINT ＠JULY

YEAH～～祖B坐得好穩陣了
仲有想學人企既徵象TIM
一拖住佢隻手就自然會伸直對腳
企左係到就唔願坐喇
不過同家姐一樣都係唔識爬！？


感動時刻～“陪著你喊喊喊”
家姐坐係梳化做喊包囉～
點知細佬睇到小燑喊就開始扁住個咀
見到家姐一路喊一路喊
細佬眼都紅晒就跟住一齊喊喇
仲要攬住小燑一齊喊先好笑

兩個傻瓜～近日呢部車車都無開
每次去親百佳都必到既地方
細佬而家知道架車會搖喇
都會抆住架車話要坐啦

～哈哈，阿祖第一次坐SUPERMARKET車
呢張相係岩岩一坐落去影既
好似幾HAPPY WOO
但對手仔都捉到實一實
係咪男仔比較細膽呢？？？

10秒之後～～就喊到收唔到聲了
但MAMI仍然要推你同家姐合照
祖B係個D好需要安全感既BB
就算坐BB車都係要有野堆住佢
熱到成身濕晒都係要攬枕頭的

其實呢D車都幾危險
小燑坐住個架車影完相之後就。。。
砰一聲成塊膠板爛左
真係嚇死人！！！
最驚D尖尖既膠整到個PAT PAT
好彩只係手撞到少少“魚”左
喊左幾聲，因為真係幾驚險
下次上車前要檢查下啦～～～

彈彈琴～跳跳舞

祖B今朝一起身就走去彈琴
原來祖B鐘意彈琴咖
有時MAMI無野做彈首歌仔
阿祖都係特別開心的
反而家姐就唔太鐘意坐定定聽喇

等了一星期的芭蕾舞哦～～～
UMM～到底小燑係咪真係熱愛BALLET？
上堂前。。。好興奮的
之前幾堂完左都會好開心係咁講
係屋企都會間中聽到音樂就練習下
上星期發現已經少左提起
今日落堂後小燑話唔知學咩WOO
吓。。。。咁奇怪既？？

MAMI應該下一堂問下老師喇
好似無啦啦無晒興趣咁。。。
小朋友有時都有D情緒問題～
可能岩岩病好所以無咩精神嗎？
唔會突然停左唔學，梗加唔會迫你
慢慢啦，比D心機培養下
其實都係想小燑唔好咁容易放棄
做任何野都一樣，可能要時間WARM UP
唔好因為一次半次失敗就咩都唔做嘛
OKOK～MAMI試下多D陪小燑練習囉
趁住你跳舞時間！MAMI去左好多地方呀
買左返學既白色冷衫、白襪都有好多款
哈哈，幫你襯埋著運動衫同裙呀
基本上都七七八八喇～YEAH

月月快樂@34M﹠7M

34MONTHS～小燑，仲有2個月就3歲
好似好快呀？又話要讀書喇。。。
得閒無野做睇返以前既VIDEO
連小燑自己睇到都覺得好笑～
1年前的小燑同現在差太遠了
個時既MAMI肚入面都有祖祖B
同小燑係天台玩緊游泳池～
那時的豬米燑仲好BB樣咖！
一叫就會KISS 下MAMI
而家識得學人講下條件囉～

有時小燑又好傻的！
尋晚無啦啦話：MAMI請你食個APPLE丫
MAMI當然要扮食啦一食就出事了
“丫，個APPLE有毒咖，毛婆比你咖”
真係比你激死，然後又話可以錫返醒我
MAMI都KEEP住每晚同你講故事先訓
細佬聽到故事入面有歌唱都會好開心聽

＊＊這是前幾天小燑跟祖B玩的時候
扮緊M記小姐賣野食比阿祖B
“下～你又食米糊？我地無WOO！飲COKE啦”
最後小燑嫌棄阿祖咩都唔識食就唔理佢LU

7個月了，我的小王子～LOVE YOU
無時無刻都係一望到家姐就笑
真係連比家姐打PAT PAT都好開心的

＊UNGU，你就笑到得返條線喇～
其實家姐都好愛細佬的
只係有時諗唔通會有D呷醋囉
要一個小朋友將MAMI同BAPA分一半WOO
唔容易的，就算大人要時間習慣啦
BAPA成日話2個BB分左MAMI走咖

一路都想祖祖快D識行識走
可以同小燑一齊玩、一齊跳、一齊學習
只不過又係個句老土野：我唔捨得呀

攬住BB既感覺真係好。。好難形容

祖B坐學行車家姐反而好少坐
因為揍住2個百厭豬真係好難
唯一解決既方法就係3個一齊坐地下玩

開始學人食餅餅喇！
每次都食2啖就跌左落地
祖B既手指一D都唔靈活～
咁為食又唔識放D野入口到，哈哈

OH，原來小燑識講ICE CREAM CONE
問呢D係咪假既ICE CREAM CONE呀？
只要係甜既零食～小燑都無任歡迎的
今日MAMI同BAPA去左街
順道搵個藉口買禮物比你地囉
HAHA，又大一個月喇，梗係要慶祝下

這2件是祖B的，買大左少少。。。
發現家姐都可能岩著呀
豬米燑你要快高長大～食多D野呀

＊呢件PANDA衫真係好得意
條頸有2條頸鏈，一條係B～一條係P

諗起小燑成日講的：
「我唔係豬米B！！我係豬米P」
哈哈，咁襯你，唔買點得呢？？？？
WE LOVE YOU 2 VERY MUCH！！！！！

我的莞茜寶寶

YIYA～～～～阿祖出既玫瑰疹很肉酸呀
因為家姐都經歷過呢個時間
所以？MAMI今次有經驗就比較安心DD
望住你全身紅色一點點好想擦藥膏
記得醫生話唔需要擦，自然會好
忍忍忍，千其咪多手呀！！
老人家話，出呢D疹一日會紅3次？
唔知係咪真，但真係一起身紅到豬頭咁
然後係中午同夜晚。。。。。
不過婆婆話要用莞茜水浸下會舒服點
。。。。REALLY？？？
MAMI好愛食莞茜的，哈哈
聞到都想飲返碗呀～
放左阿祖落水開頭有D驚
玩下玩下又無咩啦！仲偷食呢
浸水後，真的好似無咁腫WOO

豬米燑見到D水就走左出去話唔沖樹水
沖完涼再飲返杯竹庶紅蘿蔔水，呼～
阿祖成身都有香香既莞茜味，很怪
怕MAMI訓著左唔小心咬你一啖呀
家姐之前出疹MAMI就幫佢用茶葉FULL面
好笑，只係一個錯誤既示範！
後尾先知原來係用茶洗身先岩～
D庶係我地自己種咖，很瘦但很甜
遲下種埋南瓜同冬瓜就可以自給自足了
現在買的菜菜都很老，唔多好味～
呢幾日無胃口既祖BB真的輕左好多
而且好愛MAMI抱，又愛MAMI攬
係咪始終都係媽媽好呢？？

開筆大吉

這個星期很無聊呢！！！

小燑都覺得好悶好悶
出奇地原來係鐘意上堂同畫畫
一年一次的聽力測驗約了今天
昨日打風無得上中文堂已經好失望
臨訓仲問聽日WEDNESDAY係咪畫畫？
點知變左去醫院檢查呢。。。。
一切正常，醫生仲話燑燑好合作呀
YEAH～以後都唔需要再覆診喇
不過耳仔容易發炎要小心D留意
有時脾氣變差都可能係耳仔影響
吓。。。豬米燑一向都好瘋狂的
就連祖B病左幾日MAMI錫佢多D都唔比

一聽到MAMI話愛祖B就話唔得
“唔得WOO，要愛我多D。最愛係我”
細佬同家姐一樣都係6個月就出疹
玫瑰疹真係好討厭，燒到祖B瘦晒

YIYA，而家阿祖個樣好醜呀

成面都係紅色粒粒呀。。陰公囉！

太婆話小朋友返學之前要開筆
搵個吉時～用毛筆寫下自己個名
豬米燑見到枝毛筆就貪得意
點知一寫就話枝筆唔好用，HAHA
OHOH。。。。報銷了
比小燑寫到D毛毛飛起LU

10號風球。。後

昨晚。。。。左拍拍，右拍拍
有覺唔訓拍咩？拍住兩個心肝寶貝
出面風大雨大！幸好有張溫暖既床
半夜1點就比跌落冷氣機既什物嚇醒
豬米燑一心以為有“波兒”捉佢呀
係！而家都以為“波兒”係食人既魚仔
每次唔聽話既絕招就係“波兒”捉你落水
不久既將來你返學就唔會再信喇
零晨2點幾，心血來潮走上天台睇下
哇，有盆人咁高既花吹到滾左落地
好彩仲有條繩勾住少少！！
BAPA突然好英勇跳左出去搬
呼，好彩身形夠肥無被吹起
MAMI上去執返D衫都全身濕晒
所以。。今天發燒了
還是因為阿祖傳染？？
不知是否每次都有咁岩得咁橋？
BB只要傳播細菌比MAMI都會好返
阿祖今日終於都精神返少少喇
只係MAMI手軟腳軟又頭痛呢
原來，媽媽係24小時NON﹣STOP
無勞工假期～無病假～
最大得著就是你們回應了我既愛
總算。。。。有返D精神支柱

*豬米燑話：MAMI病要飲多D水水呀
聽日好返就食得糖喇～唔洗喊
？？咁似我平時同你講既對白呢？？

＊悶呀，悶呀，打風無街街去呀

*祖祖無胃口食野呀～望下條假魚都飽飽～

同病相憐

是日：大暑
每年要記得飲冬瓜水呀
本身會煲甜既，但豬米燑咳就無落糖冬瓜
點知小燑唔肯飲，MAMI唯有作個故仔TUM你
大暑唔飲去濕茶會比老鼠咬咖
哈哈，飲左3大杯呢，GOOD
MAMI通宵了一晚，照顧2個病豬
這對姐弟，一起。。。。病了
家姐其實病左好耐，好下、病下
再咁拖落去都唔係辨法
細佬發燒了，冬天攬住你實好暖
BAPA一早去排隊登記先
呢D天氣真係好多小朋友病呀
出出入入又焗又凍。。。。
順道問下“輪狀病毒”口服劑
因為小燑有去食，咁阿祖都要準備啦
OHOHOH～原來MISSED左了
小燑個時係3個月同6個月要去食
記錯左呀，以為6個月之後先岩

睇見你地無晒精神個樣就好擔心喇
加油呀，要快D好返啦

跳跳跳@LESSON3

懶訓豬一聽到今日跳舞就彈左起身了
BALLET真係叫你起身既好幫手！哈哈
MAMI問左學校可唔可以入去參觀下
原來一年一次OPEN DAY岩岩過左
哇。。。想睇小燑跳舞要等1年哦
唯有係門口塊鏡偷偷望一下先
同第一堂比較小燑肯主動同人玩喇
會拖住其他小朋友隻手跳舞
都見你有跟住老師做動作
比你學自己鐘意既野都係想你開心
希望豬米燑無咁怕羞啦

好耐無見既“肥DO”黎探我地呀
接左小燑放學就去食LUNCH
MAMI搵地方同阿祖醫肚
家姐同“肥DO”話行一陣等。。。
去左睇玩具～梗係又想要啦
夢寐以求既「BB」公仔
終於都比你擁有到了
“肥DO”其實已經唔肥喇
但小燑依然係叫契媽做“肥DO”？