CHECK POINT@APRIL 2013

我的祖祖B大個仔左好多喇
尋晚食宵夜既時候又話『辣辣呀』
又會知道好味就話“要食呀”
成日都攪破壞，愈叫“STOP”就愈去做
好似今日知道例瀉水可以玩啦，就連倒3杯
點解MAMI都會再比返一杯水你咁傻呢？？HAHA
小燑知道細佬識得有“要求”了，自然佢既要求會更多
每次聽到祖B想要咩都會即時行埋黎『交換』
交換。。。其實有時都會搶呀
細佬玩LEGO佢又要，讓左比小燑細佬又玩車仔
點知家姐原來又話想玩車要交換
呢個唔服輸既細佬多數只會讓一次咁大把
哈。。。即係又會爭下先開心囉
不過呢D小事，好快就唔記得
2個爭開左唔洗一陣咪又係SHARE一齊玩
MAMI最SWEET唔係聽到祖祖叫：UM媽
而係成日口UPUP叫住：KA吱、KA吱咁
真係好得意，HAHA
你地長大之後都要一樣咁“相親相愛”呀

話劇班11＠小舞台演藝中心

   唔經唔覺原來都差不多係最後2堂了
完左呢個話劇唔知仲有無新既班岩小燑呢？
BAPA今日應承左陪我地去玩下，一齊出發啦
又係送左小燑返學之後就同祖B去食早餐
YUMMY！！！YUMMY！祖米睇黎食得好滿足
可能呢個係一個習慣～習慣左星期日食薯餅？
一望到條電梯就會指上去話“MUM MUM”呀
HAHA，又唔似餓得咁緊要呀？？！
接左家姐我地就去四圍行下啦
好耐都無同你地去影相，咁岩呢到好多PANDA
祖米都學識分咩係“PANDA”，叻仔呢
不過呢D假PANDA就嚇親祖B囉。。。。。
點都唔肯企埋去影相，仲拍心口話＊＊驚*＊
真係無用豬，又要驚又要想睇
同2隻百厭星行街真係一件唔容易既事呀
想買野的話真係難，2個都無時停
行到一陣投降了，我地都係去食下野就算喇！
祖B要返屋企訓覺！BAPA再帶家姐去公園玩下
然後小燑話：我今日好開心呀！
是嗎？？？？MAMI聽到之後都變得好開心喇

體育會PLAYGROUP＠4

開始明白上堂既意識、知道要聽老師話
記得每次都要唱歌、打招呼點名
仲有而家每次MAMI話“等一陣”祖B都會拍下自己
真係好神奇，小朋友學習既時間真係要好多心機
可以慢慢教到祖祖都有D耐性真係好成功呢
仲有唱左幾堂既做體操歌，估唔到除左跟到D動作
祖米仲識唱返一兩句WOO
“小寶寶。。。。。。擺。。。擺”
連隔離同學仔MAMI都聽到話你好叻叻呀
HEHE，其實日日聽開既歌都識唱少少既
只係無諗過一個星期一次都會記得呢
UMM～真係無錯，早D比BB試下返學玩下都好
忙碌既星期三，最開心既梗係我地既甜品時間啦
我地話過乖個日就等埋家姐上完中文堂去食雪糕
呢到D腸粉好似特別好味，連豬米燑﹠祖米都食
今日試左“木糠布丁”，小燑以為係唔凍既ICE CREAM
一向唔食“一PAT PAT”野既祖都食左3分1，HEHE
可惜仲食唔到MAMI想食既野啦，要等BAPA一齊先
淨係食你地2個食唔晒個D都飽左啦。。。。
夜晚當我地沖好涼坐底準備食西瓜既時候突然漆黑一遍
嚇到祖祖係咁叫MAMI！真係黑到搵唔到你地
原來我地村地底有條電線燒左！一開門出去好多人係到呀
咦咦。。。。。仲聞到好臭既燒燶野味！好驚呀

嘉年華會@幼稚園同學

YEAH，BAPA終於都放假了
自從第一堂話劇之後都無時間陪小燑去上堂
難得放假點可以白白浪費左佢呢，HAHA
其實可能BAPA覺得係屋企訓覺係最好既節目
不過豬米燑同祖米又點可以咁悶呢
而且近來發覺細佬愛上睇電視？！！！
咁樣又唔係咁好囉。。小燑家姐細個好少睇電視的
所以我地有時間就多D戶外活動啦
遲下又熱D個時仲懶出街呀！變左日日都係屋企
送左家姐上堂又同祖米去食早餐先～
真係好乖乖咁食左好多薯餅同蛋呀
連BAPA都話阿祖叻！之前一路都唔信祖B鐘意食
哈，而家親眼見到先知道啦
然後接返家姐！我地出發去“嘉年華”玩LU
係小燑幼稚園派既飛，當然約埋一班同學仔啦
星星啦、澄澄啦、仲有熊貓～出發
唉。。。呢個小燑每當有BAPA出現都特別“嗲”
又要抱？！又要怕羞？！！又要跟BAPA！
不過玩左一陣就無事啦～～
好多人呀。。。。我地都無玩晒D遊戲
我地一齊去左造小手工﹣﹣熱狗鎖匙扣
小燑都好比心機整呀，總之係玩泥膠佢都好有興趣
睇左舞獅表演～花式跳繩～仲有跳舞。。。
MAMI比D獅子嚇親呀，唔知點解好驚呢D大獅子頭
BAPA同小燑佢地玩，MAMI就自己行左個圈
買左2本二手既書仔，＄25蚊好抵呀又可以捐錢
快樂不知時日過。。咁就4點幾了。。。。
幾個小朋友唔攰呀，但個個媽咪都好攰喇
回家LU。。。。。。依依不捨，HAHA
你地梗係唔知聽日返學又會見到啦？！！

跳蚤市場@錦上路

好耐都無去行過跳蚤市場了！！天氣咁好就去睇下啦
約埋住係附近既澄澄一家去玩下啦
其實都好方便，幾分鐘就到，有時間可以去行下
一落車祖B就超級興奮了。。。要落地跑
哇。。。呢到好似特別好陽光咁！好熱呀
唔洗3分鐘，MAMI就成身濕晒
祖米同家姐2個四圍走。。。小朋友真係好精力呢
一去到就比小燑見到有得“撈魚仔”！！YEAH
講左好耐都搵唔到有咩地方有得撈呀～
呢個阿祖～走去用手捉起魚池入面D魚。。。
好百厭呀，睇少一眼都唔得，又走得快
婆婆同MAMI好似捉雞仔咁分頭睇住你2個

好彩澄澄佢地都好快到左！HAHA
我地差不多係同一個鋪都玩左一個鐘都唔願走
“唔得姨姨”，哈哈，而家祖B覺得澄媽媽係“唔得姨姨”
因為個曳人唔聽MAMI話，次次都要澄媽媽幫口
所以祖米就開始覺得點解姨姨咩都話唔得既？
最後當然又係要“唔得姨姨”幫手啦帶你地走啦

玩呢部波子機“5”蚊咋。。。澄澄同小燑玩左好耐！
再分左3粒波子比MAMI都可以玩左好耐好耐！GOOD

本來想租單車比你地踩下。。。可惜無開
下次啦，應該無咁熱個日先再黎玩
而且小燑仲要趕住返屋企沖個涼去合唱團呀
衰豬唱完歌自己跟左楊楊哥哥去食西多士唔同BAPA返黎
難得BAPA有時間去接你放學呀～仲買定一包棉花糖比你
點知得一個人行返黎。。。HAHA

整包包

拿。。。。。第一次整包包呀。。。。
個樣雖然唔係好靚，但都食得到入口的
整包既時間真係好耐！小朋友唔等得
所以等緊發酵既時候我地又整多個蛋糕
不過現成既盒裝蛋糕粉好甜～
焗完出黎大家都只係食左2啖。。。哎呀
小燑同澄澄2個玩到傻左，HAHA
好開心呀，MAMI都一樣好開心
整麵包都幾好玩既。。。不過要努力實習下先
遲D可以日日都DIY就好喇～

似模似樣﹣DIY親子相架

學校好似好耐都無比賽了～
竟然有個DIY相架，好啦，都試下整
本身都無咩心機同小燑去DIY
不過無理由自己咁懶攪到燑燑無得參加嘛
而且都係自在“一齊”去做既時候，親近下！HAHA
好啦，MAMI又要係屋企執左一D垃圾出黎重用
其實都無咩計劃咁去整，每日都加少少野比佢
每次DIY都唔少得既“羊”，同加眼珠！
小燑都有幫手整好多野咖
原來小燑識得用較剪仲可以剪到個唔太圓的圓形出黎
好勁呢，仲以為豬小燑咩都未學～

都算OK吧？？？？2個奶粉蓋～加2枝食完既珍寶珠棍
HAHA，MAMI好似無洗咖，可能個相架有香味呢～
最後影埋張『似模似樣』既相就OK啦

體育會PLAYGROUP＠3＋同病相憐

天氣唔好，又焗又濕咁真係麻煩
一時又凍一時又熱。。。哎呀，病了
2個小寶寶都一齊病，又要去睇醫生
MAMI覺得今日真係黑色星期三呢
好似OT左全日咁呀。。。真係成個人都散晒
送左豬小燑返學就同祖豬去食早餐上PLAYGROUP
如果可以真係想帶套衫去沖個涼先上堂
見到祖B開始熟識老師教既野都好安慰
不過真係好難令到佢對所有野都有興趣
有時咁岩唔鐘意既野都會自動走開，HAHA
一落堂又黎落大雨。。。仲趕住去接家姐
真係NON STOP咁，4點又送小燑上中文班
祖祖開始唔舒服～接埋家姐放學一齊去睇醫生
BAPA呀，每次我地需要你既時候都撞岩你唔得閒
搵左幾個睇開既醫生。。唔係休息、排滿籌、夜D先有。。
好彩最後澄澄媽媽介紹左個係錦田既醫生比我地
聽落好似好遠，原來坐的士去都好近我地屋企
勁多人。。。一等就2個鐘了！6點9睇到9點
好彩手袋必定帶住少少零食～一包餅同玩具
如果唔係可能醫生要幫MAMI急救呢！HAHA
真係攰死呀，由朝早7點直落到夜晚。。。。
返到屋企拿拿聲食飯、沖涼、餵藥。。。
快D好啦，真係擔心C呀！

3位新成員

原來祖B鐘意食薯餅呀？！！！
送左家姐去上話劇堂就去食早餐
每次祖祖都會食好多粒薯餅的，HAHA
咁MAMI下星期再帶祖B黎食啦
一返到屋企就聽到婆婆係到大聲叫“快D黎睇下”
睇咩呀。。。。。。。哇。。。。。HELP
阿婆無啦啦買左3個烏龜返黎呢
仲要係3假好大既TURTLES～～～～
MAMI最怕呢D咁大SIZE既龜了。。。
好怕比佢咬一啖就慘，HAHA
不過小燑同祖B都好似好有興趣咁
小燑仲幫其中一隻改左個名叫“旺旺”
因為佢話隻TURTLE好黃。。。。。。
祖B真係大膽，竟然用手指“了”佢個頭
如果我係隻TURTLE實比佢嚇到咬佢一啖
OH MY GOD。養呢D小動物係室內真係唔得
過2日要將TURTLE放上天台生活
佢地應該要有花花草草～有水有石先開心嘛
你地記得要愛護小動物既生命呀
唔好蝦佢地呢！！！！

準備表演喇

MAMI今日宣佈投降了。。。。累呀
一早就起左身，祖祖B失眠！！！
咁我地就換衫同婆婆、舅公、阿姨去飲茶
坐呀、坐呀、坐左個幾鐘。。。。。
舅公仲叫得太多野食。。。晚飯都唔洗煮呀
最好笑係酒樓唔記得收錢，我地個個都出左門口
MAMI行返轉頭比，點知都係無人知道收左錢未
飲到一肚水之後再去飲多次茶
BAPA既朋友約我地去拎請帖呀，HAHA
不過大忙人BAPA唔得閒去囉～
去到都食唔落野呀真係～
呢個豬米燑真係怕羞到不得了！
完全唔同其他小朋友玩，又唔敢離開MAMI
最後尾有個叔叔話帶佢買雪糕先肯跟去
仲要MAMI一路幫手TUM小燑先攪得掂
以前細個小燑好大膽咖，見到人都笑同玩
愈大就愈多原則走左出黎？？！！
玩到最後個分鐘都係唔願意同其他人影相
MAMI最後比一個惡樣出黎。。唉。。先影2張相
再趕返去『合唱團』呢。。。
祖祖太眼訓無得一齊去，上次應承左帶佢打波嘛
放左學KAREN老師話要度身訂表演既制服
同埋要多D同小朋友係屋企練歌
好緊張呀。。。。快D可以睇你地表演就好喇，HAHA

第4個年頭的BAPA ﹠MAMI

哇，原來BAPA同MAMI結婚都有4年了
我們幸福嗎？？？？？？？！！！當然
吵吵鬧鬧仍然每天都有的，是溝通吧
相相愛愛還有嗎？？會吵就是愛啦！
加上小燑與阿祖～真的，很滿足了
4年。。。。。我就多左2個最愛呀，好幸福
咁都要多謝BAPA既，送左你地比我！
一早知道今日會好忙既BAPA提早同MAMI慶祝
BAPA真係太忙，就連電話都無時間聽！
豬米燑一個星期無見到BAPA嘛，竟然話好擔心
放學返黎就話要打電話搵BAPA。。
一直都無人聽，直到訓覺之前又諗起要打電話
咁就叫小燑自己打電話，MAMI去開奶準備訓覺
返到入房見小燑坐左係到同祖祖玩
MAMI問：你打左電話比BAPA喇？？
小燑：打左啦，搵唔到WOO！
MAMI：無人聽呀？？咁夜都唔得閒？！
小燑：唔係呀，有人呀，BAPA個女人聽電話
MAMI：？？？BAPA個女人？？？講咩呀？
小燑：係呀，BAPA個女人聽電話。。。。HAHA
咁MAMI再幫小燑打多次啦。。。唔通！？？！
打多次都係唔通，留言信箱呢！
開左喇叭既時候小燑聽到有人講野。。。。就話
“MAMI，頭先都係呢個女人同我講咖”
。。。。。暈喇。。。。真係比你激死。。。。

體育會PLAYGROUP＠2

YEAH，又可以同祖祖B去玩了
經過上一堂既努力、仲有係屋企都有練習
今日上堂劉老師點名之後祖B識舉手
然後見到老師點頭敬禮！佢都識跟住做
其實都算幾聽話既，最大問題係“波”
就係每次望到D玩具有波既時候就失控
點都要走去拎出黎～又坐唔定係到搵波玩
全堂最期待就係拋波介紹自己既時間，HAHA
呢個PLAYGROUP最好就係有動有靜
等小朋友可以慢慢比多D耐性出黎聽
玩遊戲要記得劉老師教要做咩，仲要學習排隊
開頭個2次都不停要去打尖～第3次就知道要等
老師話小朋友既世界係無“等”的
所以大家要比D心機、時間去教佢地
上一堂食茶點坐低只得2分鐘～今日都進步左
如果可以下個月一星期試下上兩堂
等祖祖可以多D同其他人玩下～學習下

心聲

無聊時候就梗係同2個傻豬攬埋一堆玩
你推下我、我又撞下你，又攬埋一齊
玩呀玩～玩到癲晒既時候就失控
哎喲！小燑將手指“插”到入MAMI隻眼呀！
真係痛到想即刻將坐係膊頭上面既小燑掉落地
HAHA，咁梗係唔會啦。不過真係好好好痛
MAMI隻眼本身都唔多好，成日發炎
近排都係見光就流眼水～睇得耐又痛
加上呢一“插”更加傷啦。。。。。。
突然想嚇下豬米燑MAMI就扮比你整盲左
祖祖B見到MAMI咁慘訓係地到喊都走黎叫下我
小燑其實都好驚了。。。走黎係咁錫返我隻眼
過左十幾分鐘都真係打唔開隻眼。。。哈哈
單住眼既MAMI同小燑一齊沖涼又嚇下佢先
ME：MAMI可能以後都睇唔到你喇！
小燑：點解呀？你盲左呀？
ME：係呀。。。咁痛。。你睇仲流眼水啦
小燑：SORRY MAMI。。。。。
然後靜左一陣，我地開始沖涼
D水一開，就連埋豬米燑既眼淚水一齊流了
喊到咁大聲仲以為D水熱到你呀小姐
愈喊愈可憐～之後就攬住MAMI喊
小燑話『MAMI，我好擔心你隻眼，好傷心呀，以後會點咖？』
聽到呢到真係忍唔住偷笑左一下，HAHA
然後就陪你一齊喊了，原來你咁擔心MAMI咖？？
不過你第時知道真相唔好嬲呀！
I LOVE YOU SO MUCH！！！！！

滿滿既一日

起身既時候差D唔記得要去上話劇堂
明明尋晚執好晒野準備咖嘛！！
好趕咁換好衫就出發了～咁趕坐唔到巴士
小燑上堂MAMI就例牌同祖係到四圍行
開始學識講多左野既祖祖豬
又叫MAMI買包包、又話要飲野、又買波咁
無時停～咩都話“我要”，又識話“我先”
好彩行左半個鐘到佢就訓著左覺～
原來呢到好多MAMI都係長途跋涉黎上堂咖
大家都想小朋友多D同人接觸～唔怕陌生人
將來仲難得會有機會可以上台表演
小燑咁怕羞，多D機會比佢試下都好
丫，今日真係好忙呀～約左好多人
放學就去搵肥DO MA去食LUNCH、行街
之後小燑又約左星星同熊貓去圖書館再下午茶
哈哈，連呢個小朋友都有約了
夜晚又約左BAPA食晚飯
MAMI真係全日都不停行不停食呀。。。。。
晚飯既時候豬小燑話好攰唔同我地去食
雖然MAMI有少少唔開心不過你咁攰都唔迫你
BAPA話下星期好忙，提早食飯慶祝
咁慶祝WOO，當然想帶晒你地2隻百厭星啦
祖B都好眼訓呀，訓到我地食飽先起身
最後學識同BAPA講“乾杯”～HAHA，乾左十幾次
唔經唔覺！MAMI同BAPA就慶祝4週年啦
UMM～希望我地一家4口都要永相體諒～
I LOVE YOU YOU YOU YOU ！！

知音人

休息左一個星期～MAMI又再開始忙碌既日子
每次知道可以去合唱團都會好興奮既豬米燑
可能祖祖都開始識分日子同時間？！
又聽到MAMI同家姐講訓一陣起身去街
祖B竟然3點自彈起之後要跟我地一齊，HAHA
好啦，咁唯有帶埋呢個八卦豬去囉～
2個一去到學校就知道可以四圍跑啦！！
愈大愈百厭既細佬識同家姐玩好多野喇
小朋友只要有地方比佢地跑就好滿足了
邊跑邊笑，好快就夠鐘上堂喇～

送左小燑去上堂之後就帶細佬行一陣
點知一個唔留神祖祖就爬左上條樓梯到
原來上面有一個球場咖～
下個星期帶個波黎比祖豬踢下都好
玩左一陣就去小燑課室個窗到偷望下先
聽到老師教緊首新歌仔同做動作
見到小燑背影好留心跟住～好乖乖呀
唱完了。。。。突然祖祖就拍手大叫“好野”
好彩無比人聽到，唔係就驚比老師趕MAMI走
哈哈，傻祖祖真係無時無刻都覺得家姐好叻的
差不多落堂再去睇下小燑先
今次同其他3個同學仔企左出去做示範
唱到一半比你發現左MAMI同細佬
所以即刻唔唱歌係到偷笑～激死
放學之後老師同MAMI傾左2句計！
最後老師話覺得小燑唱歌D音好準
不過佢唱歌好睇心情，想唱就會唱
唔唱就點叫都唔出聲！！！！

快樂的兒童節

兒童節～原來兒童節係一個咁有意義既日子
而且1年仲有2個唔同意思既兒童節呢
目的係想提醒世界上既人重視小朋友～愛護佢地
等佢地可以係快樂中成長，大家都感受到愛
每個角落都總有一部份人係苦難中成長
所以真係希望“人”可以多D愛身邊既人同物
有時睇新聞真係好驚訝，點解可以發生D咁恐佈既事
就連手無寸鐵既小動物都可以欺凌。。。。。
UMM～要好好珍惜自己同別人既生命
快樂就係應該由心去愛的～
MAMI無為你地準備禮物～無特別去慶祝
因為我們每一天都一樣很快樂、很重視你地了
HAHA，而且玩具都夠多了，無謂浪費啦
“女麻”“女麻”同姑姐今日黎搵我地食飯呀
好耐都無出去探佢地了！！！！
由新年之後都無見，祖祖都唔認得啦
一見到“女麻”“女麻”即刻怕羞到“PA”左係MAMI到
連抬起頭都唔敢呀，比你激死
不過差不多食完飯就開始熟落一點了
仲叫姑姐做阿姨？？！！HAHA，可能未識叫姑姐啦
小燑真係叻左好多，又肯自己拖住阿“女麻”
又夠膽係大家面前唱歌！！GOOD GOOD GOOD

體育會PLAYGROUP＠1

終於阿祖又再開始返PLAYGROUP了
撞岩家姐仔仲放緊復活節假呢，真係大件事
以為MAMI同BAPA要帶細佬去玩唔帶埋小燑
哈哈，呢個醋王真係名不虛傳呀～
攪左好耐先出到門口呀！去到食個好趕既早餐
然後就去上堂了～YEAH！！！
仲未交一張祖B既證件相所以無學生證，下星期補返
一上到去先知原來只可以一位家長陪上堂
咁唯有MAMI陪祖祖啦，BAPA係門口睇
老師一黎到就唱HELLO歌，阿祖已經好鐘意
之後劉老師就開始教小朋友要坐定定同認自己名
呢D阿祖都OK既，因為平時都有叫開祖祖全名
不過要舉手呀、坐低呀、執起D野都要再教一次中文版
全程都好充實又開心，同之前個到差好遠
劉老師讚祖祖叻仔！肯跟住做又會比反應
耐性就差D，呢樣MAMI都覺得係
玩一陣就想行開去搵其他野玩
食茶點竟然拍檯仲大叫“我要”，真係嚇親人呢衰仔
落堂仲有巧課比大家返去教小朋友
認下：眼～耳～口～鼻係邊到
OK～返屋企叫家姐教細佬多D先得
希望祖祖上左呢個PLAYGROUP學下耐心等候
知道食飯要坐好～唔可以四圍行啦
放學返到屋企豬小燑果然仲係到嬲緊我地唔帶佢去
真係比你激死呀傻豬！下午咪又要輪到你去上中文啦
一日就咁行來行去都幾攞命呀，腳都抽筋
原來小燑而家每堂都認5個中文字喇，真係叻叻
MAMI唔會迫你記住，只係想你有個概念第時讀無咁辛苦
見你今日咁乖，我地3個又掉低BAPA去食“甜品”啦
一次過滿足晒我地啦，小燑想食雪糕
祖祖要食餅餅～MAMI想試食人地焗既蘋果蛋糕
YEAH～『雪糕蘋果蛋糕』就岩晒我地了
可能唔夠甜，好似自己焗既仲好味WOO！！！