細路﹣歌@元朗文協童聲合唱團2013

等到MAMI頸都長既SHOW，好興奮呀
尋晚仲失眠，幾驚今朝起唔到身，點會丫
根本都訓唔著！所以一早又走去READY下D野
一早11點半，祖祖同MAMI就陪家姐去彩排

2個係到等車都玩一餐～餵雀仔～
呢個時候已經覺得好似要去阿女大學畢業禮咁
然後老師都話最好快D返屋企比小朋友訓一陣
食飽飽4點45分再係到集合，會到夜晚10點
小燑要一個人同老師同學仔坐5個鐘都幾長時間
都岩既，比個機會你學下獨立，照顧自己
坐係屋企既MAMI實在太坐唔安食唔落喇
6點就出門口，同公公、BAPA、細佬食D野先

坐到7點半先開始入場～～～～～
好多人呀，首先係一個典禮，之後先有表演睇

哈哈，細佬都同MAMI一樣好緊張咁樣？！
祖祖既耐性真係半個鐘都唔夠
所以帶定D糖、又間中要行出去比佢跑下

當聽到一首MAMI細個都成日唱既兒歌個陣
真係眼濕濕咁，幻想下小燑大個女之後會點
唔知會唔會每年都可以係合唱團表演一次呢？？
終於差不多9點半先到小燑個組出場
細佬聽到BAPA話家姐出黎喇～竟然大叫“家姐”

.........真係比你笑死。。。。。
遠遠望見小燑，無怯場，做動作，唱歌，有笑容
每當唱完一首歌都會四圍望一下
唔知係咪搵緊我地呢？？？
BAPA係咁揮手，MAMI不停流眼淚
做得好好呀～I LOVE YOU SO MUCH！！！

呢張係全部團員大合照，小燑係第一排企係指揮台前面個個
咁都比MAMI見到你，HAHA，全靠你個冬菇頭
最後到11點先完，再要係門口等放學
相隔6個小時再見，第一時間要攪到小燑實一實

真係好掛住你呀，仲覺得你好叻女TIM
細佬都好勁捱到見到家姐先訓著
然後返屋企，一齊食小燑想食既﹣杯麵
好啦，當慶祝啦，好感動呀
真係好好好好感動！！！！
最重要既係沖涼個陣傾計
小燑：MAMI，我好鐘意唱歌呀，第時想好似個D姐姐咁唱歌
當然無問題，只要你真係鐘意就可以喇
加油呀，MAMI一定支持你的，放心吧