睇戲@怪獸大學

好啦，嘆返個早餐先～食飽飽等家姐放學
然後我地今日去睇戲呀

家姐仔上完話劇，露比姐姐讚你愈來愈叻女呀
咁乖就獎你可以睇你一直都話想睇既：怪獸大學

MAMI同BAPA真係超耐都無去過戲院
諗諗下好似對上一之都係同小燑去睇的
今日阿祖B第一次睇戲，本身都好擔心佢會喊
仲要係3D囉。。。要個小朋友仔帶眼鏡睇戲？
買左飛先諗到呢個問題。。HAHA

趁未夠鐘之前同祖祖玩返夠本
希望佢陣間可以乖D啦～

食飽就準備入場LU
入場前2個都跑左一大輪先入去。。HAHA

阿祖仲跌親TIM，攪到個咀都腫埋
汽水、POP CORNS、燒賣、糖！OK！READY
一入去黑蚊蚊，第一個驚既係。。。MAMI
因為MAMI怕你地驚囉，HAHA

坐底左係家姐有D怕，好快就無事，因為有野食
祖祖B真係一個咩都玩得一餐既BB
估唔到仲可以帶住3D眼鏡睇戲～勁呀
有D時候突然好大聲都會嚇親。。。
反而家姐叫左幾次唔想睇要走～又話要出去
捱到最後都無離開過，好順利呀

出左門口小燑就講自己感想。。
竟然呢個3歲半既小妹妹有感想
燑豬：MAMI，我睇到睇完個時差D喊左出黎呀
MAMI：吓？你真係好驚咩？唔洗咁驚啦
燑豬：唔係呀，我睇到單眼仔(HAHA）一個人上車呀
MAMI：一個人上咩車？係咪佢要走個時呀？
燑豬：單眼仔上左巴士，毛毛又無上我好擔心呀，
                  我驚佢地無左好朋友所以想喊囉！
MAMI：傻豬黎咖。。。佢地最尾一齊返喇
燑豬：係呀，好開心
原來小燑識得欣賞一套戲了，真係大個女啦
BAPA話佢都望到小燑似喊過，開頭以為佢扭計喊
點知呢個傻豬咁感動？？好可愛呀
丫，仲有細佬豬
睇完戲係咁扮怪獸係到“WOW。。。WOW”
你地2個真係笑死MAMI呀
勁愛你地呢～LOVE SO MUCH！！！！！