陪MA坐月的日子

辛苦晒小燑喇～～～～
MAMI 坐月呢一段日子，基本上你都要陪坐MAMI悶
我地係床上面睇書、聽歌、畫畫.......

BB的BB車～～還有LITTLE MAMA送的藍精靈

近來最愛的泥膠～MAMI 一玩對手就好痕～～～又臭。。。。。

放鬆D啦MAMI ：D

很辛苦呀～照顧小朋友真係唔容易呢！
加上自己比自己的超級大壓力，連我都受唔住。小燑，對不起呢！
早幾日見了醫生，建議我再食藥？？但我就拒絕左LU
我要學識自己放鬆嘛，由其對小燑
要嘗試將你交比其他人照顧、唔可以太緊張你....
平時MAMI的確係太唔捨得你！有時大家都要冷靜一下吧
係咪旁觀者清？？自己唔知原來太遷就小燑？
有時仲冷落左祖祖B都唔知！真係蠢豬喇
只係因為小燑會講野，會要求，所以MAMI會滿足左你先？
祖祖B淨係識“喊”、“訓”、“食”、換片！同想搵下MAMI既安全感
同一時間照顧兩個小朋友真係好難分心的，好好鍛鍊一下吧
MAMI 同BAPA都唔會偏心咖
今日，就比我地重新開始啦！哈哈＊＊＊＊
捱了20天，終於都忍唔住去洗頭了！
其實點可以有人真係一個月唔洗頭呢？
呼～～～～簡直係太舒服了！！心情都好似好DD

INTERVIEW ＠生命堂

好緊張呀，最後一間要INTERVIEW 既幼稚園了﹣生命堂
MAMI坐月中，所以們次就只得BAPA同小燑兩個人出發
BAPA買左條新裙比小燑著去咖，可惜洗左唔乾～無得著
見到小燑想喊，好彩仲有一條本身諗住新年著既衫仔姐。。。
10點鐘起身，趕得到沖左涼先出門口！最緊要係洗頭呢
小燑你唔知自己個頭每朝起身都好似一大堆亂草嗎？
基本上都無咩要準備，小朋友考試，最怕你驚到唔出聲
由其小燑一唔開心就唔出聲～怪BB
婆婆煮定早餐比你食，點知小燑話要同BAPA去餐廳食野？哈哈
好啦，加油呀～～～～
心情超級好既豬米燑出門口仲比個GOODBYE KISS MAMI呀～乖到暈
人山人海既學校呀，約左一點都等左好耐
至於INTERVIEW既情況？？BAPA話：都係咁上下？
唔係一齊坐所以都唔知小燑識唔識咖。。。。
BAPA話燑燑出到去好怕羞？UMM～都係比較慢熱既小朋友
不過一熟左就會失控呢。。。。。。。。。玩到唔願走
完成左今日既INTERVIEW，就帶小燑去公園玩啦
其實呢一段日子都成日要困住你，MAMI都知你會悶的
好快MAMI又可以同小燑、祖祖、仲有BAPA出去曬曬太陽啦

燑燑的擁抱：D

生完BB之後～都無咩機會可以單獨同小燑相處！
不過MAMI都盡量抽時間比你同細佬的
最辛苦就係上次帶小燑去畫畫，哇～行一步痛一下呢
不過，MAMI會係你最需要我既時候陪你一下又有咩所謂呢
HAHA，事後比太婆鬧左好耐～
就算幾眼訓見到你咁開心都精神返啦，哈哈
尋晚小燑見細佬成日係MAMI身上面食奶又要學！
要MAMI抱住你飲奶？？好啦，我都好掛住你咖
呢頭放低祖BB～再抱小燑～OH？原來小燑大個左咁多喇？
只係過左十幾日姐，發覺你長左好多呀
記起你細個個時，好掛住小燑BB呢
有時MAMI會好掛住你細個既味道，哈哈哈
點解有相機、有VIDEO、又有錄音機.....
但有無野可以留起你地既味？？？？？
只有MAMI先會永遠記住你地既臭味嘛？
今日家姐開口話想抱細佬喇，你地既感情要一日比一日好呀！！！

12朝

呼。。。。。。好似過左好耐好耐！！
原來先係十二朝呀？？
由今日開始要食薑醋了！老人家話要食100日？
點可能呀？連續3日都會反胃呢～
太婆同“女麻“”女麻“入左黎探小燑﹠祖祖
仲有細舅婆&2個小叔叔，豬米燑成日都叫哥哥，哈哈
唔知點解小燑同所有人玩都會好乖乖咁～
唯獨每次同波仔一齊都好似失控一樣，好可怕呢
太婆教BAPA 拜神～小燑就好乖係隔離幫手
之後仲要煮雞酒一齊食、再一齊食薑醋
今日本身可以洗頭咖，可惜MAMI有少少唔舒服囉
要等多幾日先可以唔做臭豬＠＠真難頂
祝祖祖聽聽話話，快高長大，健健康康
仲有小燑都一樣啦
謝謝大家比既利是

黃面﹣﹣﹣﹣祖

1月3號，祖祖第一次去健康院呀～出左世要去CHECK下有無變“黃”？
個時小燑都好似唔洗CHECK黃既？定MAMI唔記得呢？
出院既時候有3.35KG,今日磅＝〉3.41KG
YEAH～～有進步！不過因為黃要每日去CHECK＠＠
然後。。。。一連3日都奔波係健康院MAMI都差D病埋呀～
每日都有增加0.02KG既脂肪WOO，做得好
到左今日就係3.45KG了，GOOD！
姑娘話食人奶既BB係會慢慢重的，不枉MAMI咁比心機餵你
豬米燑開始無咁呷醋了，當然唔係一時可以接受全部既祖祖B既
無啦啦有人將自己MAMI ﹠BAPA分左一半WOO？？
實有一D唔高興，之但係見你每日都會攬下細佬、又會鍚下佢
MAMI 最開心就你睇見你地兩個一日一日咁長大喇
好～～～吧～～～～繼續努力啦

新一年～新一天

YOHO～話咁快又到左龍年了
坐月既日子實在係渡日如年呀。。。
滴嗒、滴嗒.........一日。。。。。
唔可以四圍走，無得吹風扇、無LEMON TEA 飲。。。
自從有左祖BB之後，LEMON TEA 竟然變左MAMI最愛
其實聽講話最好就係多D休息對眼？？連近視都會少D
哈哈，坐月真係一個重生既時刻呢
照顧咁細既BB真係第一次!
小燑第一日返屋企既時候都已經係第10日了
所以連臍帶都甩左呢～無咁驚嚇。。。MAMI 好怕整到呢D野
好啦，比心機照顧你地兩姐弟先得!！！！！！
新年有咩願望？？？
沖涼～洗頭。。。。。就係MAMI 呢刻既夢想了
HAHAHAHAHA～