鄉下尋親記@四會DAY1

我地第一次要去太婆鄉下呀，聽到個車程都驚驚地
一黎小燑又坐唔到長途車～而且好似好偏僻咁
但係講左咁耐都要抽D時間去睇下小花婆婆嘛
更加緊要既係明天就係太婆既“牛一”呢
坐11點既火車出發去左廣州，先陪舅公食個飯
 順便比大家抖一抖～坐一坐！因為好似仲有好遠路
小燑沿路都問到未呀？幾耐呀？落車未呀？
UMM～講真，MAMI都坐得好唔耐煩囉
之但係無相像中咁遠WOO，個零鐘就到四會了
6點都未夠，天都黑黑地～空氣好清新呀
好多人係門口接我地～雖然全部人都唔識既，HAHA
好彩豬米燑無嘔、無暈！YEAH！好叻女呀～
落車第一件事梗係入屋然後大叫“好掛住你呀小花”。
諗諗下可能一年都無黎探過太婆了。。
大家安頓好D行李同飲杯茶又話煮飯呢？！！
由出門口開始計我地都已經食左3大餐飯仲不停食零食
照計應該好飽既，但係估唔到7點未夠我地又餓LU
帶定好多麵包、餅乾同水～
點知2個小朋友勁鐘意食呢到D野WOO
可能D菜又新鮮。D雞又新鮮～
阿祖B仲食左成大碗飯呀，係屋企好耐都無試過
仲有小花專成煲既木瓜魚湯！係比MAMI飲左可以餵奶咖
木瓜？都係岩岩樹上摘落黎的～勁正呀！
食到咁飽既祖B一沖完涼都唔洗飲奶都訓左覺囉
UMM～～～～～太婆呢到真係好大！環境都好好丫
都唔會係好落後既地方，仲好乾淨
除左沖涼既水超級勁細水之外，咩都VERY GOOD呀
今晚早D抖，聽朝四圍去行下先得～

趁“涼”的BBQ＠綠田園

天氣仲未熱，我地決定再戰BBQ一次
MAMI都麻麻地熱愛燒雞翼！因為無咩耐性囉
但上次Q左一次後發現小燑同阿祖都好ENJOY
咁為左你地就無計啦，再黎多轉吧！！
我地3個其實都有病在身，去出身汗都好既？！
同熹＋桸，每次有熹熹點會少得桸桸！仲有星陶 ～
至於大忙人BAPA又臨時有事不能出席WOO。
好彩有婆婆頂上，如果唔係又單車、又一袋二袋點算？
仲多得星陶爸黎接我地出發！感激感激～
一上車祖祖就好醒咁補一補眠先，準備玩一個下午
去天水圍既『綠田園』，MAMI同婆婆都係第一次黎
都幾大，又好多野玩～2個百厭鬼不停大叫咩都要玩
第一件事梗係食D野醫肚啦。。。。燒......燒.........ZZZzz
燒左好耐都未食得，HAHA，祖B己經扭阿婆去跳彈床LU
全程都掛住玩，個個小朋友都失控地運動
最乖都係豬米燑囉，其實係怕羞＋無女同學姐
阿祖成日都以為自己都係4歲既小弟弟？！
可能由細到大都係跟家姐D同學仔玩既關係
時不時都嘗試去控制D哥哥仔，又同人爭野玩
真係比你激死，仲叫人地全名唔加“哥哥”！
燒到5點我地決定去踩“水上單車”
UMM～好懷念，MAMI細個婆婆公公成日都帶我地坐咖
真係好多年都無試過呢個場面
下次可以叫埋阿YUI一齊黎舊事重溫一下呢！
小燑今日出奇地大膽～全部遊戲都夠膽玩
仲一個人坐上去用手划既“小船”到玩得好開心
之後祖B一路係旁邊話要坐。。人地要3歲以上先OK
後尾個姨姨話有大少少既船可以MAMI抱住坐
哇～～～呢架船仔都幾得人驚！都係小燑叻D囉
坐下又玩下又燒下，本來6點走都整到7點幾先離開
呼。。。真係超超超攰又開心呀
但係我地3個一返屋企就要食藥訓覺了
大家都失聲加大傷風。。。。
睇後聽日都係要休息一天啦

遲來的團年飯

契婆婆同契公公，即係MAMI既契媽契爺
約左好耐先就到大家得明既日子食團年飯
其實人大左真係得返好少時間咁
返工、返學、搵朋友、OT、病、揍BB、、、
各有各忙，各有各生活，難得既一個晚上
我地就一齊盡情地同『口』食＋講吧
好似自從上次契哥結婚後都無見過LU
係細佬反而間中都入黎搵下幾個小朋友玩
結左婚之後就唔止一個家喇～所以更加少時間
“家”，真係要用時間去經營的
第時你地大個左既時候就會有自己既生活
咁MAMI就可以有返D自己既時間喇
可能會好唔捨得，唔習慣！但都係必然的事
到時年紀大了～頭髮白了、行路又跟唔上你地。。
但千其都唔好嫌棄MAMI呀～
講到呢D好似真係好長遠咁WOO，HAHA
起碼都係幾十年後既事，都係第時先算啦！
 

2歲＋2MONTHS的祖

又大左一個月喇，阿祖一直既進度都幾好
除左“行”呢一個環節之外都唔錯的
講野就一D都唔擔心啦～識投訴、又駁咀
有次家姐同佢鬧交都比祖B激到喊
阿祖竟然話：豬米燑你識咩丫！
哈哈，“你識咩丫”係MAMI成日講咖
咁都比你學到仲用黎話家姐～
個一下係好笑，但之後發現你成日咁答人就唔得
然後MAMI再話：你識咩丫！
阿祖都會話：我識咖啦
呢個小BB真係識駁咀了。。。HELP。。。。
至於點解行路比較差呢？我估都係MAMI衰
多數出街都抱住祖祖B好少機會比你行
唉，又要拖住小燑，又要拎住咁多野好難控制
而家開始出門口接家姐既路程都比你一個人行啦
最多早少少出發，咁就唔洗咁趕又要抱住走
有時睇見你兩姐弟真係好滿足
得閒又打打鬧鬧咁，轉頭又攬攬錫錫。。。
祖B仲好鐘意叫家姐仔抱住行！
2個差唔多重既人仔抱埋一齊既場面都幾危險
MAMI知道你地咁相親相愛就好感恩了
要一直都健康快樂呀
I LOVE LOVE LOVE YOU 2 ！！！！

豬小燑K2的觀課日

睇住豬小燑讀書真係快，咁又K2了
一年一次既觀課日又到左喇，好興奮呀
雖然日日都返學，但真係有機會睇上堂只有這一天
咁當然知道有家長係到既小朋友都會乖D既
入課室前MAMI就排最後，睇下小燑有無發現我先
熹熹媽媽係第一個入課室既！就聽到小燑話：熹熹媽咪
最後望到自己MAMI就即刻偷笑啦
係啦，唔知點解呢個豬小燑開心時指定動作係﹣偷笑
咁岩今日又係英文堂，K1時MAMI又係睇英文堂的
坐完呢堂先覺得而家幼稚園都要識咁多野真係辛苦
有好多小朋友都已經聽到老師串字就知講咩生字
叻叻呀，好彩都有聽到小燑自己答左3次問題
老師都有專登叫左燑B出去做一個示範
然後就係大肌肉＋唱遊堂～小朋友唱歌好得意呀
有10分鐘係自由活動時間，全部野都搬晒出黎
大家都係到四圍跳同爬～除左我個豬小燑
唔知係因為MAMI係到唔敢玩嗎？扮斯文嗎？
一聽到老師拍手叫排隊，玩完D玩具真係9秒9自動執好
真係難以置信呀。。。。HAHAHA
之後就夠鐘離開LU，臨走時係茶點時間
係窗到竟然見到食緊有皮蘋果既豬米燑？？！！！
吓？？？！！平時無皮都要TUM先食咖
係學校真係特別乖既，又唔揀飲擇食既
多謝老師呢。。。HEHEHE～
 

瘋狂波波池@元朗PLAYHOUSE

新年既時候經過望到新開左間PLAYHOUSE
祖B講左好耐想去！係咖，已經識講想玩咩啦
咁就約左阿祖既舊PLAYGROUP朋友仔一齊去玩
自從無返PG之後都好耐無見喇
所以都唔係好認得了，但都有一齊玩既
當然有等埋家姐放學一齊去啦，仲約埋朋友仔星陶
呢到唔係好大，而且平日都無咩人，所以都乾淨
係個廁所比較唔得之外，其他都OK啦
最好就係有人得閒出黎清潔消毒下會放心D囉
有個超級驚嚇既滑梯～成層樓咁高咖
第一次上到去，MAMI就抱住阿祖想試滑
1分鐘......3分鐘.....小燑一個人“SIR”左落去LU
哇。。。。睇到都驚呀，成個人拋起左囉
＠＠真係有勇氣呀～HAHA，但MAMI仲坐住係上面
而阿祖都勁唔耐煩咁想自己落去！
其他媽咪都上返黎準備玩第2次既時候。。。
“點解你仲坐係到既”？？！！
過左唔知幾耐，最後都要CAROL媽媽幫手
抱住祖B玩左佢既第一次，而我就行樓梯走左
小燑試左一次之後就爬上去玩左無數咁多次
阿祖都竟然夠膽一條友仔“SIR”左落去
大概到臨走既時候MAMI終於都一個人玩左一次呀
WOOO。。真係唔係講笑，十分之刺激
試左3次之後就再想抱祖祖玩多次啦
點知又係坐左好耐都唔敢開始
因為好似好大責任咁，哈哈
瘋狂咁玩左2個幾鐘之後好似好肚餓咁
小燑同阿祖好快咁KO左個TEA
然後一上的士就訓左覺了
有機會要叫BAPA去一次，真係減肥一流既娛樂呀

開年午飯

每年都係同一個節目，返黃大仙食開年飯
因為我地晏左起身，所以出發都遲左
仲要係屋企同婆婆食左個開年早餐先囉
我地出到呢大家都已經食飽飽喇
但係仲係成檯飯餸好似未食過咁既？
原來“女麻”“女麻”同姑姐都唔舒服！
仲有表姨又係腸胃炎無返黎食飯
咁點算？？！全部都交比MAMI同BAPA食晒
哈哈，真係超勁！連祖B都食左好多魚
小燑飲湯食雞～MAMI食菜同蝦
BAPA當然係咩都放晒入口啦
我地一家4口可以8個人食淨既野囉～
然後我地坐左半個鐘又開始食蘿蔔糕、馬蹄糕
今年MAMI終於好有恆心咁DIY糕糕！
一整就整左好多好多。。真係夠食成個新年
之後我地去左行街、食飯。。。
好耐都無試過咁悠閒了～真的！多謝阿爸
唔洗趕返屋企煮飯～唔洗返學～呼，一年一次
都唔係好過份姐？？？？？
我地食PIZZA～～～小燑B好鐘意芝士POT

祖仔當然唔多食啦，佢係“飯桶”嘛
又要返屋企煮個米線做宵夜 

 咩都唔食。。。淨係食左PIZZA個邊邊同炸雞




















家姐真係差不多食晒成個POT
D芝士真係漏到暈。。。。MAMI都覺得肥左2磅
 

YUMMY！！！下次話要再食WOO
OKOK～你鐘意就得喇～