豬小燑與阿祖仔@: 10月 2011

2011年10月29日星期六

驗血糖：（

尋日由朝餓到晏，再由夜餓到今朝
等了一個星期，終於都到左抽血既時間了
平時都唔覺肚餓係咁辛苦的
但每次聽到要禁食就特別想食？
晨早都餓到咕咕聲咁響
平時打鼓都嘈唔醒既懶訓豬

好突然自己起身陪我睇醫生？
尋晚臨訓前我就講比小燑知，聽朝MAMI 6點要起身去打針針
BB自己同BAPA 係屋企訓覺！

小燑B真係咁岩得咁橋？？天一光5點半拍醒我
仲發住夢話BAPA 食晒D麵麵唔比你食

調返轉頭BAPA 唔願起身！！！懶惰鬼
抵錫既豬小燑～～I LOVE YOU ！！
雖然經常打針抽血，但MAMI 依然好怕痛
一行出房多得小燑即刻錫返我～
呆等2個鐘..........再拮多針走得LU
應該無問題啦，我近來飲食健康仲戒甜品呢

BAPA 話行一陣就返屋企......
UMM！好似諗好耐都漫無目的咁
點解而家行街既目的除左買小燑﹠祖祖既野之外...
好似真的無咩選擇～～
最後帶你去睇金魚

BB話想養一隻CARB？？MAMI 都好有興趣養一隻
等你學識照顧好TURTLE 先啦！！

2011年10月28日星期五

飢饉8小時

超級大頭蝦

MAMI 係咪因為生小燑B個時吸藥太多失憶？
經常都忘記帶鎖匙的失暈魚，又再一次被困了
BAPA 今日咁岩出街做野！更倒霉的是MONKEY E 竟然在屯門返工
幸好有一個杯麵打救

感謝～
朝9晚4，呼～～～開始手軟腳軟！！餅也吞了幾包～
終於等到豬小燑午睡起身～快D換衫出去食TEA啦
連小燑都話﹣﹣﹣MAMI，我都好肚餓呀！
梗係啦，5點了！！！
一碟干炒牛河就係我同祖祖的
小燑今日自己叫野食，“通粉丫唔該”
哈哈，幫你加左幾粒魚旦波
哇

～～～差不多食晒一碗。個肚都脹晒～
我地一齊捧住大肚腩去等BAPA啦
等過馬路既時候，你見到個小哥哥有隻DOMO 袋

小燑問哥哥點解會有？又話自己都鐘意！HAHA
MAMI 真係太愛你了，應該話太縱容你啦
就買了一個DOMO 書包比BB了
UMM，2歲了!係時候要SET 個獎罰計劃比你啦
要好好學習一下付出....然後....收鑊
今日BAPA 第一次陪小燑去左“LOOK”波仔呀
呢個小小既遊樂場係小燑最愛的地方，哈哈
之後仲一齊釣魚仔，已經無左TURTLE 捉啦？
有D小朋友好粗魯呢，用手捉D魚仔
2011-10-28 18.07.05

我地要愛護小生命呀

YEAH，話咁快我地儲夠50分了
等你乖就帶你換禮物啦

2011年10月26日星期三

畫SNAKE

好犀利呀，豬米燑可以乖乖上堂了
早左起身，同波仔仲有MONKEY E 去村口路邊停車場食早餐
2011-10-26 10.10.46

時間尚早啊，經過公園仲可以玩一陣
心情太好？而且小燑BB都好期待每星期一次既畫畫班
入到去同老師講GOOD MORNING就坐低自己畫了
起初以為你要好一段日子先會習慣！
只係第一堂喊左下之後就OK了
今日畫SNAKE：）
平時MAMI 都有同小燑畫SNAKE咖，當然唔夠老師教咁靚呢

30分鐘好快就過去了，你又係第一個走出黎的小朋友
見到你四圍望搵我，好滿足呢！！
小燑又即刻打開畫薄叫MAMI 睇下啦，
哇～今日有貼紙WOO～叻叻
千奇唔好覺得MAMI 長氣....做左MAMI 之後最大既滿足就係BB燑了
所以你的每一個成長過程，都重重覆覆地感動我的!哈哈

陪你去左‘LOOK波仔“！是MAMI 應承你既獎勵
我地儲左30分了，還差20分就換到你要既禮物啦
坐VAN 仔返屋企，豬米燑今日會自已叫落車了
”斜路丫唔該“
連司機叔叔都聽到！！HAHA

2011年10月24日星期一

上海婆婆：）

推了一次又一次既覆診期，今日終於去了～
為了自己，同身邊既人，更加為了身體裏面既祖祖
不過呢個醫生因為只係幫手睇3個月既關係，好多問題佢都唔多理的
唯有靠自己吧！！！！
然後......小燑問”MAMI 我陪你睇完醫生喇？“
YES YES YES，謝謝你

我地去屯門行街街啦～
MAMI 應承左小燑要陪佢玩波波池呀，唔該晒BAPA 既協助
第時等MAMI 爬得跳得既時候再帶你去玩啦
其實MAMI 都好愛呢個小小既波波世界
長大了就無機會入去玩，有時大人更加需要一點童真呢
全靠小燑你帶MAMI回到從前，這就是你給我的﹣﹣﹣﹣快樂：）
玩到又餓又累呢，而且因為開始腳腫了！痛苦
坐底食個LUNCH 先

上海婆婆？？？經過了無數次，還是第一次試食
小燑好愛呢到既”小籠包“，連肉同包都食晒
雲吞都好好味！！！食到一半小燑訓著左？？？
辛苦你喇，咁早陪MAMI 起身
繼續散下步啦，難得BAPA 有時間
想買一件羽絨比小燑過冬，可能太早未有，哈哈
最後買左一對毛毛鞋比細佬
呢個家姐可能呷醋呢，係要著BB鞋
傻瓜

2011年10月23日星期日

BB班進修

差不多了，距離細佬出世既日子都唔遠～好緊張呀！
MAMI ﹠ BAPA 去左UPDATE 一下BB既知識
小燑就交比“女麻”“女麻”照顧啦～
上一次聽呢D講座都已經係兩年多前了，真的忘記得一乾二淨

就當溫習一次啦，而且都值得一聽既。
然後去左SHOPPING，目的係買奶樽？

仲有小燑既羽絨
收鑊最豐富既係BAPA的零食，哈哈
同小燑難得分開既一日，再次見面就更加開心啦
睇見你係門到大叫“MAMI 黎喇！！！！”
HAHA，好溫馨呢～太婆讚你好乖乖呀
仲陪太公玩左好耐，又食左好多麵麵
懶開有條路既MAMI又唔煮DINNER 啦
同小燑去食下PIZZA 先
點解四圍既小朋友都會坐定定食野？？
但你永遠都唔可以安靜落黎呢？？

2011年10月21日星期五

快樂FRIDAY：）

做了煮婦後，真的很久沒有試過出去食DINNER 了
因為想小燑BB你食得健康DD嘛！哈哈
難得今天晚上MAMI 放假一日！BAPA 就同我地出去食飯啦
本來打算早一點出去散散心～出發時已經7點了
BAPA 同小燑掛住睇鋪頭播既卡通片？？傻瓜燑好似好興奮WOO
唯有MAMI 一個人行下啦～買一份禮物比BB啦
今日幫祖祖準備左佢既第一件新衫仔呀

一路以來都無買新的BB衫......因為實在多得很呢
MAMI 唔係偏心呀，祖祖唔好小氣呢，我很愛你的
還有MAMI 既生B袋都未開始PACK UP 呢
好似好悠閒咁，其實係怕自己太緊張吧
不過你出世既時候天氣應該會好凍～
聽聞仲會特別地凍呢！！！可能要買個暖風機？？
祖祖會怕凍嗎？？？？
小燑出世正係炎炎夏日，哈哈！岩岩相反呢
所以豬米燑特別怕熱的！
UMM，不經不覺還有3個月～
心情很覆習呢！！！依依不捨地十分期待，哈哈
只有做MAMI 才能感受到的﹣﹣﹣﹣﹣就是你們既心跳了
無時無刻都可以跟肚入面既BB心靈相通很令人懷念呢
雖然如此.......都比唔上望見你地成長既快樂呢！

2011年10月19日星期三

豬米燑畫MAMI

第一次正式上畫畫堂了
著好圍裙就可以入課室了
MAMI 陪小燑坐低之後就出去等你啦
無喊WOO，真係叻叻呀
落堂出黎你又係攬住幅畫叫我睇下

好靚呀，今日畫MAMI
你仲話比老師知MAMI 最鍾意PURPLE
所以油件PURPLE色既衫比我

每個小朋友落堂都有一粒糖，但小燑無既
本身MAMI 都打算由得佢，因為你咳嘛
點知原來小燑咁緊張粒糖
因為你覺得每個小朋友都有？
MAMI 問你係咪自己食左？定跌左？？
你就一路喊，又要返去搵老師拎糖
扭左好耐，又喊
最後BAPA 帶你去買返！
不過呢個獎品，可能對你黎講係好重要的
因為你知道乖先有獎勵！
收到一個壞消息，尋日抽血驗到MAMI 血糖高呀
唔知係因為食左大閘蟹嗎？？
唉，又要返醫院飲糖水抽血了
好痛苦呢～記得BB燑係MAMI個肚入面個時都試過一次
呢杯十級甜既水飲完要唔嘔返出黎先算數的
好彩祖祖27 WEEKS多了～應該無咁容易嘔啦？？？

2011年10月18日星期二

HOT POT LUNCH＞V＜

又到左每月一次既例行BABY CHECK了，第一次轉返去廣華醫院
一早就要起身！同埋BAPA 一齊出門口！
我地大家都好期待可以見到祖祖

等呀等，BAPA 終於都等到一齊去見醫生了
OHOH～原來今日無超聲波睇！

不過總算聽到祖祖的心跳聲
唔怕啦，等BAPA 下個月有時間就會一齊去
睇下你啦
呼，呢到既醫生感覺好似有心機一D
今次仲有醫生跟進，因為MAMI 身同心都比較差
醫生叫我放鬆點！唔好將自己諗得太悲觀
其實只係時間問題，MAMI 會努力的
抽埋血就可以去行街街了
同“女麻‘’女麻”去左HOT POT

因為小燑比門口隻牛吸引左入去

BB燑食左好多CARROTS，同腸仔
今日仲自己整ICE﹣CREAM 食呀

發現小燑怕食凍野的，老人家
不過都好，小朋友唔好食咁多涼野
乖乖：）
最後同RITA EE ﹠ TUNG TUNG BB一齊行街
仲睇噴水池

2011年10月16日星期日

2ND INTERVIEW ：（

大喊包！！！！！小燑你正一傻瓜
MAMI雖然覺得同你一齊好幸福，但希望你都可以獨立一D
原來你咁怕羞嗎？？？？
又去INTERVIEW 了，BAPA一早出門口去排隊
然後約到時間我地先出發，食個快早餐～準時到了
BAPA 話唔太鐘意呢間學校？之後MAMI 見到都唔多滿意
呢到D環境好似好迫，而且好似......好唔整整
UMM，呢間學校好似太多新移民？

總括黎講就係質數比較差
其實點選擇幼稚園我地真係唔識
只可以真係感覺下岩唔岩。。。哈哈
填完表比左報名費我地就走LU，決定唔會讀呢到
面試既日子暫時就算完成左了
心水既學校都要下個月先再有消息
呼～～總算經歷過尋找學校既過程先叫做左人地MAMI 嘛
不過可能係幼稚園既關係，都無特別既擔憂
點解聽到其他家長話一出世就要報定名？？