陪你倒數﹣﹣HAPPY NEW YEAR

祖祖BB一定係想早D出黎同MAMI、BAPA仲有小燑一齊倒數啦
30號終於都完結左醫院生活了。同埋祖祖一齊返屋企
第一日真係一個大家既適應期
小燑雖然知道自己有細佬，都仲會呷醋WOO？！
MAMI望到你個唔開心樣，心真係好痛
我攬住你好耐，你既笑容同平時唔一樣了
傻豬豬！MAMI唔會唔愛你咖
到左夜晚豬米燑終於肯比第一個擁抱祖祖B了
不過半夜都醒好多次，要MAMI攬住你唔好抱BB
到左今日～好似進展得幾順利，你開始接受細佬啦
辛苦婆婆同BAPA要照顧MAMI一個月呀！
人生真係難料，從來無諗過會咁勇敢去生BB咖
MAMI 都要長大喇～唔可以再任性、要努力D
BAPA更加要加油呢，因為暫時都要靠你照顧我地！
就算肥左都要行快步呀，唔好再做SNAIL！
再辛苦都值得的，因為小燑﹠祖祖都好乖嘛，哈哈。
2011年真係好完滿呀，但並唔係結束，而係一個新開始
希望你地兩個相親相愛啦
2012年。。。。祝大家心想事成！

祖祖的來臨：）

經過了27個月之後，再嘗試一次人生最痛呢
12月27日，同小燑食左個LUNCH！豬米燑終於27個月大喇
祝你健康活潑啦，哈哈！
然後，MAMI 依依不捨又要返入醫院了～好掛住小燑呀
出門口既時候我地兩個又喊到力竭聲嘶
小燑真係好乖，突然好生性攬住MAMI個肚講野
“祖祖，你要快D出黎呀，MAMI好辛苦咖！”
我一聽到D眼淚就無辦法停了..........I LOVE YOU SO MUCH
最後我就笑住叫你等MAMI 返黎呀！
婆婆話你喊到好眼訓，然後問：MAMI生完BB就無事啦？
你知道MAMI會返黎之後訓左覺喇
入到醫院，一晚都訓唔著，好緊張呀

28號一早就要準備去生祖祖了﹣﹣﹣﹣“打針”？？
好彩BAPA一早就坐左係出面等MAMI！嚇死了。
10點15分開始吊藥水，最痛既係左手！！
比醫生打左7枝針，真係慶幸第7枝終於都成功
因為血糖高要插多針～OH MY GOD！！！
11點開始有D肚痛，望住個鐘～一分鐘好似一年咁長
終於捱到12點半，姑娘話MAMI 差不多可以生了
上次生小燑要9個鐘，今次好快呢～
BAPA一邊叫加油，另一面又有好多護士幫手打氣
真係好似比賽咁＠＠但其實都幾尷尬。。。。哈
1點幾祖祖就同MAMI 見面了同小燑姐姐一樣樣咖
呢種痛真係畢生難忘，但你問我有幾痛真係一D都唔記得
係MAMI最痛既時候～望住手指上面既一塊小膠布
哈哈，係豬米燑叫MAMI 唔洗驚嘛，你會幫我貼膠布加油
我們以後～～～～就是一家四口了

驚心動魄＞V＜

自行打針的第4天～咁大個女都怕打針，居然勇敢到可以自己打針，MAMI真偉大呀
“胰島素”既針雖然好似幼到睇唔到，畢竟都要好大勇氣先可以將佢插入自己對腳到咖
基本上只係打去脂肪既地方，以我呢對肥腿應該好似比蚊咬一下囉。
只係心理問題囉，每次都會驚到全身出晒水，HAHA
所以大家都要有健康既身體呀！打針食藥定要戒口都係一件苦事
何況呢個年代食咩都話有毒真係更加要注意一下。愛惜自己唔好令身邊既人辛苦
如果人人都可以知足點～愛惜擁有既野，就唔會浪費太多了
好！！仲有聽日，終於唔需要再捱自己拮針既痛！就連驗血糖的8隻手指都腫晒了！
不過.........要再打多一日“吹生”針呢。。。。希望，祖BB你合作一下啦
醫生就話BB超重，但做MAMI 既又怕BB太輕。節食了七天今晚就食多少少啦
BOXING DAY了，屋企既XMAS TREE 下無放禮物
其實大家都收到一份有用既禮物既！
謝謝BAPA送比MAMI既新電話MAMI 就買返一條“褲”送返比BAPA啦
小燑收到好多聖誕利是，舅公仲送左對新鞋比BB，THANK YOU VERY MUCH
還有LITTLE MAMA心靈相通嗎？知道小燑想買藍精靈模型？謝啦
哈哈，連LITTLE MAMA‘S既MAMI都記得你個百厭星既禮物！
仲要多謝婆婆啦、公公啦、2個好錫小燑既太婆啦、、、、呼！MERRY XMAS 呀
今晚一定要好好攬住小燑訓返覺好既，等心情平靜點～
剪左個好短既頭髮因為要準備定14天無得洗頭既大災難
真係超級緊張呀！！！加油～
明天MAMI出發，回家時會帶埋我們的新成員喇
很期待吧？？？？

Merry KISSmAS＠2011

祝大家聖誕快樂～又到左一年一次MAMI最愛既聖誕節
雖然今年無PARTY～無蛋糕～無包禮物！仍然係溫暖既XMAS
BAPA好忙呀，因為早幾日都要陪MAMI去醫院加照顧小燑
哼！難道你而家先知做家務有幾咁唔簡單？
唔係自己讚自己，屋企既事真係永遠沒完沒了的
近排小燑訓得好差，尋晚都成日發惡夢，喊﹠叫MAMI
難為你一陣啦，MAMI要住醫院嘛～
所以都唔帶你周圍去太辛苦了對住豬米燑去邊都一樣SWEET
同婆婆食埋XMAS DINNER就係附近行個圈順便買BAPA既XMAS GIFT
YEAH，大家都有禮物喇！好開心
明天將會很忙碌，之後就做好心理準備迎接祖祖既來臨了
HAIR CUT、洗衫、執行李、床單、奶粉...仲有一條紅繩同利是
要”吹生“心理壓力真係大，BB：你乖乖自己出黎啦，錫晒你呀
加油加油加油呀！！！！！
MERRY XMAS

祝～平安夜快樂@2011

平安夜快樂！又到聖誕喇
終於回家了，一切順利真的很平安呀......
住了5日醫院真係身心疲累～能夠回家就很滿足了
中午回來～小燑第一眼見到我就笑了！呢個樣最可愛
好耐都無一齊洗白白啦，連小燑都攬實MAMI 唔放
哈哈～乖喇，仲搬張CHAIR 比MAMI！

簡簡單單地渡過這一年的聖誕，都不錯
約了LITTLE MAMA 食XMAS DINNER，順便交換禮物
然後隨便走走，呼～MERRY XMAS 呢
MAMI 血糖高，哎呀，咩都唔食得

醫生話要MAMI 27號又入醫院了～“吹生”
其實真係好擔心呢！可以的話真想順產呀
一時就唔想咁同祖祖分開，有時好想快D見到你，哈哈
順其自然吧！！！！！
現在MAMI 識自己打針，自己拮手指驗血糖，幾咁勇敢
真係未試過都唔知道做人MAMI 真的要很偉大呢!
你地兩姐弟～都要MAMI 捱咁多痛？？咁多擔憂？
係咪想考驗一下我有幾愛你地呢？
UMM～～～數不盡既愛。。。。。
今年雖然平淡一點，一樣幸福
希望“祖祖BB”快D自己出世啦

開始打針：（

好痛苦呀竟然唔可以離開醫院。。。。。
打針的第一天，因為血糖控制得唔好？？
只是高了0.7～而且仲話到BB 38WEEKS就要吹生？
差2星期。。。點解唔比祖祖住多一陣呢！
好擔心呀，喊了一天！
一黎又要同小燑分開，又怕祖祖BB唔健康
唉呀，點算？？？
醫生見MAMI 情緒低落，再放假一晚。
其實放假更辛苦～來來回回的。。趕
6點半先可以離開醫院，第二朝8點前要返到去
為了見豬米燑，最終我都決定自己辛苦少少吧！
每到夜晚就會特別感到不安
既然都無得選擇，聽天由命吧！

渡假回家：（

在醫院渡過了漫長的2日一夜好掛住屋企呀～由其係小燑
雖然有祖祖B陪住我，但仍然都好孤單呢
可能因為擔心有無影響BB，又成日諗住小燑有無食飯
唉～係醫院既感覺真係好差 ，不停打針抽血、用針“拮”手指
個肚又餓！平時肚餓都可以食塊餅嘛！不過而家咁重要既時候～忍！！！
第一日入到醫院豬米燑就打電話問MAMI 去左邊呀？
“我好掛住你呀MAMI”﹣﹣﹣﹣一聽到我就流眼淚了，我都好想陪住燑燑呀
到左黃昏，真係想偷走就算
一路都OK的，點知臨尾一次CHECK 血糖竟然唔合格？
本身KEEP 住餐前3.5-4.5，餐後都係5-6.7
天呀～點解最後一針驗到8.1??
原本打算BAPA今日帶小燑去畫畫，然後就出黎接MAMI
嗚。。。。。嗚。。。。醫生唔比走之餘仲要抽枝大血
同醫生申請一日假期啦，呼～好彩都比！
個肚一路打鼓，要有節制咁食返碗雲吞粗麵加菜
未曾覺得過麵係咁好味咖，哈！
哈哈，返到屋企有少少後悔
幾堆衫未摺～小燑D奶樽又未洗～一桶臭衫.....哇.....累
呢2日BAPA都無時間係屋企既！原諒你地一次啦
何況聽日開始會凍，要幫小燑執D厚衫出黎嘛
今晚要好好攬住小燑訓一覺～明天一早就要走了
I MISS YOU

事前準備＝＞

不經不覺就係聽日了﹣去醫院留一晚驗血糖
幾日無食甜野，個人其實好唔舒服，哈哈
一向血糖低又容易暈既人竟然變左高～好痛苦
隔離左LEMON TEA數天了！無糖、無朱古力、無零食
中午小燑出奇咁飲左半杯COKE，平日佢飲到3啖都算多
可能係陪MAMI戒LEMON TEA 後遺症？我諗人係唔可以無糖的!
我都小小地飲左2啖，個人即刻精神百倍！
基本上營養師建議孕婦要一日食6餐，都幾難，邊有咁多時間呢？
仲要夾住2次水果，我太懶了，2個鐘一餐實在煩！
唔到最後一刻都無心去執行李。雖然一晚，都要帶D日用品
執左成個鐘，HAHA原來都係幫小燑執衫
準備聽日佢出街既衫、沖涼之後換既衫、睡衣....
豬米燑以為聽日去畫畫！丫，係WOO！仲要準備埋後朝既衫
BAPA話最好咩都唔好叫佢搵，梗係啦～佢根本都唔知放係邊到!
而家連BAPA既衫都要幫手執定出黎！激死人！
唔係MAMI太緊張，而係前日你婆婆幫你換另一套睡衣加毛毛拖鞋去街飲茶
希望一日就CHECK 完啦～我真係好怕住醫院呀
MAMI 細個好多病咖！成日都要住醫院同睇醫生。
見到藥同打針都怕～所以身體健康真係好緊要
由其而家愈黎愈多病，食咩都話有毒又有害
眼見既時代進步，但覺得好似好多野都退步左
生活好似變左機械化咁～返工﹣上網﹣訓覺.....
人好多都變得好冷漠！不過總有例外既
關心＝大家開心嘛，梗有人會感受到的
MAMI雖然有時好惡～又成日都鬧人，哈哈
但都係其中一種”愛“既方式呀！溫柔既我可能會嚇親人，KAKA

團聚飯@羊家

好耐無同豬米燑BICYCLE，BAPA今日要OT！
MAMI就陪你2個人出去走走吧！
又晒下太陽～去下公園~食完燒賣就返屋企LU
咁就一個中午了～快樂不知時日過口金
再一餐豐富既DINNER小燑又食到飽飽啦
MAMI在節食中，但就咁岩遇上冬至﹣XMAS！
慘啦，有得睇無得食～最多食多少少之後行多幾個圈吧
小燑最愛高膽固醇食物：雞皮、豬腳.....瘦都唔可以食咁肥膩咖
BAPA近日好似發脹左一倍？？個肚腩大過祖祖BB呢！
照計最急切減肥既應該係BAPA先岩
動作緩慢，彎腰困難，而家連坐係地都起唔返身喇
久久無見既細舅公又返黎了，又多一個機會比小燑曳啦
玩到無野好玩喇，將個蛋糕貼係個鼻到？
打你PATPAT仲走去公公到避開？衰豬燑都識搵人求救！
小燑梗係忘記左～要珍惜食物嘛！！
上床又同小燑B傾一下心事MAMI真係長氣，哈哈
又同小燑講，星期二要睇醫生呀～BB要乖乖呀！
豬米燑竟然答我：“知道喇，MAMI要係醫院訓覺嘛，要睇祖祖嘛！”
OHOH～只係擔心你訓覺無人蓋被啦
MAMI個肚一日比一日重！重到訓底左真係唔願起身
而家開始出街都有D驚！但又唔想成日困住係到
生完BB都有排對住房入面既四幅牆～今次真係要聽話訓多D
唔好偷洗頭、沖涼要用薑水、飲多D湯....
千萬唔好成日坐同霸住BB沖涼....
照顧BB會有排忙，小燑你唔好呷醋呀！