影樓相@2012中秋

今日我地好早起身去左影相呀～
唔夠訓？定大家都病病地呢？
過程超級痛苦呀，唉
首先因為小燑呢個年紀好難控制
加上呢個情緒王既笑點係。。。無
基本上佢心情唔好就唔會笑囉
祖B又病。。。病到又眼訓～
BAPA同MAMI又唔舒服！唉，是日不宜影相
最精神都係婆婆啦，影到尾都仲笑得出
MAMI早已投降坐埋一邊喇
離開既時候BAPA話出唔到聲了
用盡氣力唱歌TUM祖B笑嘛。。HAHA
D相都唔多靚，免費既60張都無咩選擇
比較起黎上次影個到好似好D呀

今日係中秋節呀～一齊食左團圓飯就賞月啦
MAMI帶左小燑同祖祖B落街行左個圈
食左少少月餅同生果就返屋企喇
之後BAPA帶小燑去左公園玩一陣
我地就要休息了。。。。
病魔快D走呀！！！！討厭～～～～～

第一次探訪@BB醫生

我地一家人病情反覆，真係慘
尋日入左醫院1日既祖B再次發燒
BAPA又咳得好利害，小燑一齊鬥咳
今朝MAMI話：
小燑同祖祖唔好再病得咁慘，寧願我自己病
點知小燑聽到就話“唔得！！！！”
“MAMI病仲要照顧我地咪好辛苦？BAPA病啦”
真係好感動呀，再攰都抵啦
細佬又再發燒梗係又睇醫生啦～唉。。
轉了另一個醫生，有時真係要夾下的
祖祖BB，要早日康復呀！！
原本約定的“BB醫生@護老院探訪”要取消
因為細佬發燒呀，怕傳染比D公公婆婆
小燑好似唔開心呀，話好想去表演
呢幾日都努力練習唱歌跳舞嘛
其實MAMI都好想去咖！！
2點半～～細佬好似訓得好“LUM”咁
最後。。。我地都決定坐的士趕去呀
遲左少少同埋無帶祖B
燑燑一路都唔知咩係義工同探D老人家
一去到有少少驚，因為都好多公公婆婆咖
而且大家都開始左一陣，WARM UP完左
好彩，小燑都OK～肯去接觸公公婆婆啦
小朋友每人都有一D貼紙，親手貼比公公、婆婆
想大家都有一個親近既機會
真的，每個老人家既面上都有一個甜甜的微笑
小燑會自己摸住婆婆既手講中秋節快樂
MAMI覺得好感動呀，有滴眼淚流左出黎
其中一個婆婆年紀好大喇，佢捉實小燑對手
然後估唔到豬米燑突然話：“婆婆，身體健康”
婆婆唔知聽唔聽到，可以感受到嗎？
最後大家特地比2分鐘小燑上台唱歌
點知。。。真係太多人望住佢喇。。好怕羞呢
就係咁，第一次既小義工完成了
仲收到一袋小禮物同月餅，祖B都有份咖
下次一定要同埋祖豬一齊去呀
因為唔可以放有公公婆婆既相，所以只有小燑

燑燑好愛呢D貼紙，上面既野都好有意思咖
一齊 坐
小朋友 老人家
我地會一齊陪你地坐、玩、分享

回家路上等車，小燑望到下面就記得D公公婆婆住係到
MAMI問：第時我老左你會點呀？
小燑說：我都會好愛你咖

祖～9個月了

我的祖～9個月了
呢幾日無胃口、無笑容
只有喊～除左MAMI外都唔比人抱！
小朋友梗有病痛的！會慢慢強壯
但今次一病就病十幾日，HELP
祖祖既突擊真係好長久的
好似之前BB個時15日唔屙“屎屎”
今次再黎12日都不停咳，又發燒
一早去左醫院檢查下
等呀等，最後醫生話要留院

真係病到瘦晒咖，好慘慘呢～

9個月既第一日就係病病了。。。
醫生都係擔心祖祖唔飲唔食
不過CHECK左一日都無咩特別差
MAMI終於都放心晒～
到左黃昏決定返屋企觀察
雖然醫生建議我地留一晚
但係唔洗食藥打針／做其他檢查的話
當然回家是最好啦
而且祖豬真係好曳呀。。。
唔肯訓床仔！3日無訓既MAMI頂唔住了
梗嚴重既係醫院無泵奶機借用
唉。。。幾日唔食奶MAMI開始停工
所以今日一定要KEEP住泵下先得
唯有返屋企～好好照顧住你啦
有時餵媽媽奶真係好大壓力的
嘗試要慢慢比奶粉祖B飲下呢～
快D快D好返啦BB！！！！

花燈派對@K1

小燑第一次參加既“中秋派對”呀
MAMI尋晚搵到件旗袍呀，GOOD
岩晒啦，今日可以著返學
老師叫我地帶1個生果返去分享
我地帶左APPLE
因為平時唔多食嘛！！
豬燑只會係學校先聽話咩都食落肚
再證明小朋友係識搵分人黎蝦

而家影相會話：唔望鏡頭都影得姐？

早排先開始有D胃口食多D野，肥左少少
唔洗幾日就瘦返了。。。   

今日IVY老師教畫燈籠
MAMI開頭以為係外星人呀！HAHA

學習中的：3歲＠小燑B

3歲了，我的霸王小公主～
做左MA之後真係每年BB生日都會回憶
覺得自己好勇敢呀，哈哈
開始返幼稚園既小燑變左好多
長大了、有自主了、脾氣多了、乖了
學識同MAMI傾條件～講道理
最叻就係普通話已勁過BAPA！
要學乖既都真係變乖左
一樣既成果就係曳都係更曳囉
生日對於玩在既你黎講都係未有意義的
應該只係有蛋糕切～有禮物收～有蠟燭吹
但每年今日都係MAMI最感動既回憶
＊＊＊＊＊＊＊＊＊＊＊＊＊＊＊＊＊＊＊＊

波仔都返黎陪我地切蛋糕呀
自從返學之後都好少見既表妹
奇怪既小燑夜晚又好愛佢咖
但訓醒就話掛住大頭仔表弟多D

HAPPY BIRTHDAY小燑
婆婆買左蛋糕一齊食
今日BAPA有野做唔係屋企
不過比左封利是小燑
“要乖乖讀書呀!”
同小朋友切蛋糕真係好混亂
每次都整到筋疲力盡
由其係細佬次次都扭眼訓
UMM～第時都係切左CAKE先啦
豬米燑！！！！生日大快樂呀
祝：“開心”
HAHA，呢2個字你都識讀嘛！
I LOVE YOU～～～～～～

不小心的BAPA

MAMI叫住BAPA小心睇住祖祖啦
留底佢一個人係床。。。。
叫住BAPA要行快D返入房啦
仲行得咁慢以為無事
點知就係差幾步囉
跌左我祖祖落地喇
成個頭都腫晒又黑左了。。。心痛死
喊到祖祖聲都沙埋，啍！！！
事後每當望到BAPA既祖豬都會擰開面
然後只要BAPA一抱就會喊

罪證呀，哈哈
唔肯跟BAPA？？唯有抱埋祖豬去接家姐啦
今日又係學中文喇
老師話下堂開始可以每次讀5個字
GOOD！！真係乖乖呀
叫住小燑上堂要飲晒D水囉
放學都係未飲，所以一出黎就自己話要飲
飲唔夠2啖就問D樹會唔會都想飲水？
最快今次喇，拿拿聲就倒落去
。。。。。真係激死人

好彩祖祖一跌到即刻搽左牛油
唔知係咪真WORK，但無咩點腫了
仲碌左2次雞蛋，D銀真係變到黑蚊蚊

望住咁多蟹。。。MAMI都唔敢多食
驚食得多祖B飲奶會咳，HAHA
呢到只係一半既蟹咋，食到怕左～
我地屋企既壞習慣就係次次都食超多
所以一次！！就會嫌左了。。。。

水果酵素@day 1

見到好多人整，好多人話WORK
講左好耐～成日都話整
今日真係的起心肝去做了！！！
見到2個小寶寶成日都病真係心痛
最緊要係MAMI都無覺好訓嘛
訓唔好祖B就唔夠媽咪奶飲。。HAHA
休息唔夠真係飲幾多木瓜魚湯都無用
拿拿聲去買左個大玻璃樽
MAMI要DIY「水果酵素」呀
小燑飲應該無問題～
咁祖B呢。。咁細唔知飲唔飲得呢？
等MAMI研究下先啦

望落都幾靚丫～唔知味道如何呢？

小燑摸住細佬個頭叫佢乖乖影相，哈哈

生果用屋企有既就算喇
最緊要加LEMON落去
我覺得檸檬係最好既生果
但又唔會就咁切黎食WOO！
酸野對我地一家黎講都好難接受
上次試過用檸檬汁刷牙
個個感覺實在好難形容
係咪真係美白左？係有少少咖
MAMI就唔敢再刷。。好酸呀
一層一層^^有蘋果、橙、檸檬
如果成功既就再試其他生果
上網睇過有人話最好用10種生果
咁多溝埋唔知咩味呢？？
遲D得閒再整D環保酵素！
可以唔洗用咁多污染地球既野嘛

紅雞蛋

零晨5點，身邊的小火爐熱得很！
祖B成晚都唔退燒又咳得好嚴重呢
都係去醫院CHECK一下安全D
叫左婆婆陪住小燑我地就行喇～
一出門口摸下細佬隻手仔好似無咁熱
等左一陣的士～上車。。好似退燒了
司機叔叔話：咁細個梗係去睇下穩陣啦
MAMI都係咁諗，安心D大家都好嘛
急症室無人等！好快就返到屋企了
真係無咩，喉嚨紅左發炎囉～呼。。。
返到屋企小燑仲訓到隻豬咁，HAHA
本身訂左今日去廸士尼玩
慶祝豬小燑舊曆嘛～
點知。。。細佬咁樣點去呢？？
之前問過要提早2日先可以更改呢～
好彩～問左酒店比我地改期再去
小燑對廸士尼無咩特別既感覺
可能因為未去過啦？？？所以無咩失望
知道遲D會去就OK啦～祖祖唔舒服嘛
MAMI見到細佬祖瘦到面都尖左真係心痛
買一盒小燑最愛既牛肉飯加番石榴汁
係屋企同祖B一齊慶祝牛一
再食隻紅雞蛋補數啦

慶牛一之三

又黎一個簡簡單單的生日會啦!
無咩特別準備，只係整D野大家食下
一早MAMI就同BAPA去買材料
吩咐左小燑乖乖係屋企等我地。
點知回家路上望到個小朋友咁熟口面既？？
嘿。。。。真係豬米燑同公公
當然比MAMI捉返屋企啦，HAHA
忙左一個早上，D野都77，88
點解咁快？因為有婆婆幫忙
MAMI即刻偷懶煮少2樣野啦
都係個句，簡單，但都好豐富的

有MAMI第一次煮既焗意大利飯～
都幾好味呀，又容易～
下次再整比祖B同小燑可以用3文魚

婆婆的9肚魚十分好味～

其實煮野食都唔係好難姐，HAHA！
不過間中一次就好喇

忙住照顧祖B都無時間影下相
BAPA掛住食食食食食囉
呢個祖祖同浩浩表哥爭玩具呀～曳曳

爭咩呢？係家姐既生日禮物來的
杯。。。。咁出奇地小燑好鐘意買新杯
而且唔愛飲水既佢只要有新杯都會飲好多

仲有LITTLE MAMA送既衫衫
幫忙將小燑的“衫山”更上一層樓？？哈哈

切蛋糕時間～YEAH
一開先發現個名錯左呢？可惡
MAMI明明寫豬小燑﹣但變左豬小瞳
好啦～到27號再比你切多個CAKE啦
因為細佬今日又咳又流鼻水無得食
正日再陪你切蛋糕啦
小燑既慢熱情度又增加左DD
一直都COOL到暈，間中至講幾句
真係到大家都準備走既時候突然醒左
終於都玩喇、笑了、傻左了
大家都好開心。。。只係辛苦祖祖
原來祖B發燒了！！！

太“女麻”壽辰＋團圓飯

呢排MAMI真係行到腳都斷
祖B仲好咳其實都有藥
但好擔心會有肺炎，都係再睇
醫生話無事，仲教左我點檢查
首先聽D抖氣聲會唔會好急好大聲
再望住個肚同心口位
呼吸係咪一上一落？唔會全身都用力
當然，都係大概知道姐
總知都係想安心D！

一睇完就趕住返屋企接小燑去跳舞
再好趕咁去街市買左好多野
聽日開PARTY呀，呵呵
最後又趕去接返小燑放學
今堂MAMI見到你地扮RABBIT
豬米燑話：
MS CHAN教我做RABBIT HOP HOP HOP
忙碌既一天仲未完咖～
再好趕咁出去食晚飯
今日係太“女麻”生日呀！祝身體健康

唔多舒服既祖祖B，笑都唔多笑呀～慘

難得影到既一張相～HAHA

同埋爺爺、仲有一二三四姑婆。。。
順便預早食個中秋團圓飯
中秋節快樂呀