表舅父黎搵我地玩呀

超級忙既一日呀，行程豐富～
忙左一個朝早既MAMI差D暈底呀
真係唔好睇少師奶既毅力哈哈
送完返學又趕去洗衣鋪拎衫！
太潮濕既天氣洗唔到衫呢！討厭
再回家揍埋祖B去好遠好遠既地方交表
因為MAMI想試下抽籤租個地方賣下衫囉
望下個鐘，要拿拿聲趕返去接小燑放學
咁唔好彩落雨。。。又跑返去放底祖祖
哎呀。。。真係腳仔都軟埋呀
點解咁行法都唔見MAMI瘦多D既呢？？
以為可以抖下，點知表舅父話帶小燑去玩
咁開心又點可以少左祖祖一份呀？
頂住呀，MAMI！！要陪佢地去街街的

呼。。。。不過。。。。。
就算幾眼訓。。幾累
見到你地個笑樣即刻精神晒

HAHA，只係MAMI會精神晒咋
祖祖依然好眼訓呢～仲有個大眼袋

呢個波波池好無聊！！
以前好好玩咖～又有滑梯、仲有好多波
而家變左。。。。得一個好細既池
其餘既都係比小朋友跑來跑去既地方

祖祖就好ENJOY呢到喇
小燑B就係到行來行去。。。唔比影相

就係放左好多呢D大屋仔比小朋友玩
小燑連鏡頭都唔望下呀。。。
“MAMI，你飲唔飲水呀？比一杯你啦”

MAMI就話：“好呀，小燑好乖呀”
小燑：“仲唔飲？拎啦～”
MAMI：“我影多張先啦，你拎住一陣”
小燑：“你無禮貌，我倒左杯水喇!唔好飲啦”
。。。。。吓。。。咁惡咖你
事後都有再比第2杯，都算你啦！
燑燑今日笑得好開心呀！！！真好。。。。